前言 Introduction

背景

睇怕好多人都估到, 我己是四張幾五張. 打左二十多年工先轉 ‘行’. 之前在美資行做電腦系統買賣同管理.  幾年前公司生意勁差, 美國佬有乜好橋 ? Cut 人先啦, 最易做最易交代. 我呢d 高齡人仕自然要行先步. 都預左好耐, 無乜大鑊感覺

跟著諗, 要搵過份工都唔難. 不過, 唉, 幾十歲人, 打左廿多年工, 己經身心俱疲, 唔覺得對做開的重有興趣, 重去搵份工捱, 都唔會做得好做得耐. 人生苦短, 不如做個自由人(不是退休人), 俾個第二春自己啦. 唔駛俾人(特別係廢人)指, 做埋d 明知無用既野, 浪費生命. 

先想是同人夾份做 d 小生意 不過做生意同人夾? 好似唔係好自由喎. 生意不熟不做, 但係熟既我己經厭.  呀, 失敗乃成功之母, 2000年玩網股都輸唔小喎, 一路又有跟開, 又有興趣, 100% on my own ….  this is it. 

不過係人都話呢D係不務正業兼危險喎 ? 對社會無貢獻…  You create nothing ? … 喂, 乜依家周街 d sales, 買 Warrant, 買基金, 買名牌貨 好有貢獻, create 好多咩 ? 好似都係滾滾下姐. 買賣任何東西都係社會功能之一喎.

危險 ?  Yes, this is the challenge.

於是開始計數  …….