26~27/4 屠牛後部署屠熊

港股先高後低.單日轉向呈陰燭.連跌兩天.力守30000大關.大舉屠牛.部署結算位

26/4 周四恒指收報30007, 大跌320點(最多下跌457點,  一度上升135點)

國指收報11949, 大跌145點(最多下跌198點,  一度上升90點), 國指小幅跑輸恒指

今日插穿30000落去屠肥牛, 但好友仍未放手, 29800關鍵位未失, 拗腰上企30000收, 好明顯係為了推高結算, 明日結算係好友最後的反擊機會, 最後兩個交易日, 按照慣性走勢會升兩日(27~30/4)

指標股QQ $380好倉及牛已死, 大插後拗腰收窄跌幅, 可能有淡友食胡, 只要QQ止跌回升, 就可推動港股向上, 30300~30400係好淡大鱷結算日的打交位

港股同一方向通常玩兩三日, 而家已經跌左兩日, 剛好明日要結算, 可能又轉向上, 因為好友會出場, 只要拋離30000就可穩住大局, 向30500進發

重倉牛剛陣亡, BB熊下移, 有誘因上攻: 熊5678 VS 8154牛

今日恒指低見29871, 殺左1877張相對期指對沖張數牛證, 屎人賤種桶團隊係唔係做晒淡倉才宣布D衰野?

屎人賤總統不斷搞風搞雨對付中國, 手機設備股繼續捱沽, 市傳美國紐約聯邦檢察官從去年開始一直調查中國手機和網絡設備製造商華為, 是否違反了美國有關對伊朗的制裁, 大行隨即調低相關股份目標價, 拖累股份洗倉式下挫, 影響市場氣氛

老外走鬼, 經深股通大舉沽貨, 隊散了內地股市, 深股通資金凈流出高達31.98億元人民幣, 走資為歷來最多, 不過主要為格力電器淨流出23.6億元人民幣, 嘩))) 撤資, 阿爺的無形之手屎左去邊? 快快出場托市, 上証收3075, 跌43點(-1.38%)

~~~~~~~~~~~~~~~~~~~~~~~~~~~~~~~~

今日恒指大插創3周新低, 我個心肝仔急跳係測市指標之一, 我認為今日係「驚嚇的第一棍」, 通常出現驚嚇一棍都會有反彈, 美國債息回落利好, 不過美元企91.5樓上

1877張牛歸西, 真係冇陰公, 希望大鱷食飽就抖一抖, 唔好再殺落去,  剛好明天結算, 係好友最後反擊機會, 不過我估下個月會出現更驚嚇的一棍再試底, 否則唔夠月波幅, 同樣地, 5月亦要再上30500來擴大月波幅, 再挑戰31000不是夢

翻查記錄, 原來今年試過5次跌兩日就會大彈高1日 嘩))) 好呀! 最好升二三百點, 其實昨晚美股拗腰彈高表現唔錯, 亞太區股市跌幅不大, 今日港股插水擺明係為了屠殺肥牛追數, 秒殺即彈趙完鬆, QQ $380好倉及牛已死係好事, 減低下殺誘因, QQ好港股好, 如果港股今日大插是為了屠牛追數, 就不會在低位徘徊, 會彈番上橫行區

收市彈上30000, 可能係想引牛入局(結果熊熊下移, 即係有得升?), 以及推高結算價, 所以好友力撐, 早前我睇好友手影係估計好友部署在30000樓上盡量推高結算, 打交位30300

如果中美股市生性, 推動港股明日競價高開, 就會伸一腳上去先扯高結算平均價才落山, 以往結算日多數係先高後低反艇, 不過呢兩日大跌已消化沽壓, 明日反而未必死, 希望明日咬住高位結算

上周五收30418/12054, 畫圖日好淡大鱷都會睇住來做野, 史哥昨日曾說 30300，30350/ 12100，12150  有淡友重兵駐守, 升得穿代表好友反擊成功

而家又要計下條數, 過往結算前好友推高大市, 結算日例插, 但今次十分反常, 結算前反艇創3周新低, 咁結算日會不會又係反常有得食彈高呢? 因為月尾升市日數未達標, 未來兩日(周五及周一)都係升市才達標

過去3個月每月最後六天係3升3跌, 而今個月到目前為止係1升3跌, 升市日數太少未達標, 而家只餘下2個交易日, 如果阿爺生性, 好友就可借勢反擊

~~~~~~~~~~~~~~~~~~~~~~~~~~~~~~~~~

通常燈神金大獅兄唱淡, 港股就會急彈, 大鱷鍾意在全城看淡的時候玩反手

港股日日變臉, 插完就急彈，飛天後就遁地，目的喺好淡通殺，大鱷目標唔只喺指數，連個股好友淡友都殺，QQ就係好例子，不過QQ已落到第一個下跌目標位$380，睇今日走勢似乎有淡友補空倉，只要QQ彈高或唔插, 好友就可咬住30000樓上來結算

港股雖然連續兩日大跌, 但大市唔會單邊向下, 明日結算, 好友不會坐以待斃, 明日又會係大波幅

中港股市對降準放水未見良好反應, 連大媽都密密沽出最受惠放水的內銀, 明日港股表現就要睇市場對平保.中石化.國壽等業績股的反應, 業績股會否見光死是關鍵, 亦要睇中美股市表現, 內地股市炒埋明日就係長假期, 會有沽貨套現壓力, 

今日工中建沽壓唔算好大, 可能係好友為了結算力托, 業績股平保已有春江鴨走貨拖低股價失$80大位,

期指結算日港股大幅波動.高開高收V形反彈.結束兩連跌.力守30000大關.部署上攻屠熊

27/4 周五恒指收報30280, 升273點(最多上升328點)

國指收報12066, 升117點(最多上升159點,  一度下跌21點), 收復10天線, 國指小幅跑贏恒指

假期前後例牌大龍鳳, 趁大媽放假減輕沽壓, 好友必定會乘勝追擊, 下周一30/4要畫靚條月線, 就要盡量推升, 挑戰30400~30800肥熊區

全城看淡做淡, 就係大鱷反手之時, 技術指標雖弱, 但只要一支大陽燭就可扭轉劣勢, 新舊燈神全部看淡, 預示港股會有運行, 國指已率先收復10天線, 有資金已偷步買上, 恒指亦會跟隨收復平均線, 今日似乎有淡友逃命