4月悶局.5月大龍鳳

2018/04/27 22:11:27 網誌分類: 經濟

27 Apr

27/4~四月尾收市總結重點

自從一月港股跟隨美股見頂回落, 過去3個月一直有無形之手操控大市上落, 插落去又會借好消息踢番上黎, 每次失守30000即彈, 總係死唔去, 皆因大鱷大媽貨多, 唔想低位出貨, 想托住大市高沽低吸來炒波幅, 滲貨出街, 而大鱷亦唔想港股在30000樓下游走, 主區間在30000~31000, 耐不耐上下爆邊, 但又走不遠, 就可養牛熊及好淡倉, 部署殺戮

由1月尾高位33484跌至低位29129期間, 不斷急跌急彈, 雖然仍未失守大位29129, 但港股每次反彈都係頂部下移, 一浪低於一浪, 彈散居多, 去年大媽瘋狂掃貨造就了大媽牛市, 當時好友有大媽做後盾, 意氣風發, 但自從大媽二月起積極沽貨撤退, 好友就風光不再, 一直捱打, 輪到淡友威威, 好友節節敗退, 其實多位玄學家風水師早已預測今年港股不利偏財, 不會像去年單邊向上狂升, 會係跌下彈下, 股民搵食艱難

1~2/5聯儲局議息、中美貿易戰、本港拆息及美債息升、美元強人民幣弱、加息陰霾下, 熱錢撤走, 北水湧港已成過去, 去年入場資金(大媽/大鱷/基金)於今年積極沽貨獲利鬆人, 看來要洗完倉, 低位收夠貨, 北水重新流入, 港股才能再展升浪

睇大鱷點穴手法真係神級, 能夠一直咬住30000~31000水平, 但其實唔少股份卻慘遭洗倉, 跌到阿媽都唔認得, QQ創今年新低皆因滬深大媽齊齊大舉走貨, 過去幾個星期恒指在29979~31094游走, 但靜極思動, 冇得再磨, 係時候爆邊

~~~~~~~~~~~~~~~~~~~~~~~~~

北水及熱錢撤退

去年升市火車頭科技股QQ.舜宇光學.瑞聲科技今年碌落山, 變成跌市元兇, 代表去年港股上山, 今年落山, 其實唔少貿易戰受累股過去一個月沽壓沉重, 洗倉式下挫,

港股走弱皆因大媽愛股變成大媽棄股, 升市火車頭變成跌市元兇, 睇下早前大媽掃入的股份, 如今狂丟出街, 去年升市火車頭科技股QQ.舜宇光學.瑞聲科技今年碌落山, 變成跌市元兇, 其實唔少貿易戰受累股過去一個月沽壓沉重

去年威威的騰訊今年走勢已轉弱, 係拖低港股的元兇, 自從QQ大股東Naspers在$405批股, 以及美國向中國科技企業開刀, QQ及港股就進一步轉弱, QQ在$400穿梭, 大媽今年積極沽出QQ獲利, 幾個月前有位估市奇準的超級高手話QQ唔值$400, 會逢高沽, 後來QQ一路殺上$470樓上, 睇大媽的走鬼盤, 看來$400樓上果然係虛火上升,

~~~~~~~~~~~~~~~~~~~~~~~~~

大鱷於窄幅中屠殺牛熊

由1月尾高位33484跌至低位29129，累計跌幅4355點，跌幅驚人，過去一個月長時間在30000~31000游走，代表已找到平衡點(又或者係大鱷想點穴水平)，所以跌穿30000即彈，亦正如我早前所分析，31000樓上是樂觀水平，30000樓下是悲觀水平，現處中性水平30000~31000

過去一個月大市主力在30000~31000主區間游走, 咪以為好悶, 其實大鱷日日賺到笑, 因為大市雖然在窄幅上落, 但唔少股份例如QQ.平保.恒安.車股.奶奶.....都係洗倉式下跌, 大鱷殺緊個股好倉及牛牛咖! 睇下龍頭的QQ.港交所.內銀.內險.中移.科技.車股....的年度高位, 對比如今的水平, 跌幅驚人，全民皆艇, 股份表現差過指數, 股份輪流洗倉

大鱷玩緊窄幅好淡通殺, 頻頻用假手影呃股民(牌面升可能部署殺跌, 牌面跌可能部署推升), 股民企錯邊不斷止蝕輸到嘔, 每次大市急升或急跌都會令人以為走出方向，結果兩三日貨仔又轉向，因為單日大波幅閒閒地500點上落，兩三日合共千點就轉向足以令股民因走避不及而損手

那些燈神樂觀派的38000.35000.34000連影都冇, 那些悲觀派唱的28000/29000亦遲遲唔肯落去, 就係有無形之手咬住30500穿梭玩點穴，在困局中殺牛熊及好淡倉, 明知港股在窄幅中, 升唔喜.跌唔樂, 唔少股份都跌到走樣，基金經理都坐緊艇, 港股爆上去就梗係出貨啦! 見插落去就梗係入貨啦! (聽講減少了注碼.縮了倉), 全世界都短炒波幅，所以港股插落去急彈, 沖上去就急回

大鱷將港股困在30000~31000，兩邊爆完即縮, 耐不耐玩飛天或遁地，殺股民一個措手不及, 港股技術上明明弱雞跌到走樣，但翌日卻能爆升收復失地, 你就會明白大鱷絕對有能力操控大市上落, 大鱷係畫圖高手, 見技術指標及圖表呈弱勢亦不能盡信

${#icono_71}$ ${#icono0_51}$ ${#icono_71}$ ${#icono0_51}$ ${#icono_71}$ ${#icono0_51}$ ${#icono_71}$ ${#icono0_51}$ ${#icono_71}$ ${#icono0_51}$ ${#icono_71}$ ${#icono0_51}$ ${#icono_71}$ ${#icono0_51}$ ${#icono_71}$ ${#icono0_51}$ ${#icono_71}$ ${#icono0_51}$ ${#icono_71}$ ${#icono0_51}$ ${#icono_71}$ ${#icono0_51}$