PACO名人會
PACO名人會
PACO名人會

拍完《深宮計》變閨密 謝雪心羅霖張文慈康華大爆精采場面令人期待

2018/04/30 08:41:10 網誌分類: 娛樂
30 Apr
        由梅小青監製的TVB劇集《宮心計》,09年播出時好評如潮,來到第二輯的《深宮計》,除有舊班底謝雪心外,還有康華、羅霖及張文慈助鎮,後兩者均是首次演古裝劇,是極大挑戰。而心姐在劇中飾演尚宮局的阿頭,帶住羅霖、張文慈、康華及張慧儀這四司服侍皇上和妃嬪等,她們坦言時刻都步步為營,難得五個人一條心,劇裏是好姊妹,現實中亦因拍劇變成閨密。她們更透露此劇除有宮廷的明爭暗鬥,還加插了懸疑推理橋段等新元素,各人更率先大爆劇中精采場面,令人更期待5月21日的首播。

        《深宮計》由藝人馬國明、胡定欣、周秀娜及劉心悠等主演,而謝雪心飾演的章瓊香,主要管理尚宮局,又稱章尚宮,她會帶着四司包括羅霖飾演的徐司珍、張文慈飾演的汪司膳、康華飾演的南宮司設和張慧儀飾演的陸司製,在宮中服侍皇上和妃嬪等。心姐坦言:「講真,宮廷入面真係好多明爭暗鬥,秘密一定有,我對『四司』以愛護為原則,但我哋做起居飲食嘅,伴君如伴虎,有咩得罪皇帝就要推出午門斬首,所以我哋都係步步為營,因此我對佢哋好嚴厲,不能夠錯。」難得五人好團結,她們均稱:「萬一出咗事都唔使驚,我哋一局四司會一齊面對。」所以拍完此劇她們成了閨密,好難得。

        裝蕭正楠河邊沖涼

        談到劇中的精采場面,心姐笑言:「有場戲明益我,事緣好man嘅蕭正楠係一個將軍,我成日懷疑佢嘅身世,為咗確認,我千方百計要睇佢喺手臂嘅胎記,但平時着晒盔甲點睇?有次趁佢操練完喺河邊沖涼,我就裝佢出浴。原本講我輕輕拉低佢件衫,點知我仆親跪低扯甩佢件衫,估唔到拍出嚟嘅效果好好。」康華覺得最有感覺是與韋家雄的一場對手戲,「可能小青姐知我平時少啲感情生活,所以喺戲入面畀段真感情我,講公公韋家雄嚟追求我,有場感情戲講我喊完又笑,笑完又喊,之後將喊完啲鼻涕全部抹落佢件衫度發洩。」

        首演古裝劇挑戰大

        羅霖和張文慈是首次演古裝劇,羅霖坦言:「我唔單止第一次拍古裝劇,仲要廿幾年冇拍劇,所以真係好驚,記得第一日第一場戲要俾龍武軍蕭正楠同馬國明審,我同佢哋又完全唔熟,佢哋好惡咁審我,我好驚,結果NG咗,夜晚要即刻請教米雪姐。」另一場戲仲辛苦,「我同劇中嘅表姐張慧儀因誤會變成仇家,嗰場戲講我哋由朝早8點又跪又嗌交到下午6點,由於好曬,嗌完後我哋腰骨痛起唔到身要人扶。」同樣是首次演古裝劇的張文慈,她坦言今次拍劇有難度,但學到好多嘢,「劇中我負責膳食,有場戲講我介紹啲食物,但啲字全部係『五』乜乜好難讀,結果我記咗好耐。有次劇組人員叫我畀個古裝嘅笑容,因為我拍嗰陣笑到咔咔聲,原來古代人笑嘅時候唔露齒,而且說話聲調要有高低押韻,啲造手又要跟住拍子。」聽到她們講得咁精采,我都好期待,預祝新劇成功!

        主持:黃柏高
        統籌:林永匡
        協力:李佩儀
        攝影:張詠森、謝民光
        場地:莆田(將軍澳) 
 
■謝雪心、羅霖、張文慈和康華提起去年拍《深宮計》的點滴,仍表現得好興奮。
■謝雪心、羅霖、張文慈和康華提起去年拍《深宮計》的點滴,仍表現得好興奮。
■羅霖飾演的徐司珍負責宮廷所有珠寶首飾,她透露劇中會俾人追殺,又有三角關係。
■羅霖飾演的徐司珍負責宮廷所有珠寶首飾,她透露劇中會俾人追殺,又有三角關係。
■張文慈多謝經驗豐富的謝雪心時常提點。
■張文慈多謝經驗豐富的謝雪心時常提點。
 
■羅霖和康華首次合作拍劇便成為好友。
■羅霖和康華首次合作拍劇便成為好友。
■「一局四司」包括謝雪心、羅霖、張慧儀、康華和張文慈,各有代表自己的顏色,十分艷麗。
■「一局四司」包括謝雪心、羅霖、張慧儀、康華和張文慈,各有代表自己的顏色,十分艷麗。
■(左起)張文慈、張慧儀、謝雪心、羅霖和康華去年在橫店拍外景時,趁假期到片場附近行街影相。
■(左起)張文慈、張慧儀、謝雪心、羅霖和康華去年在橫店拍外景時,趁假期到片場附近行街影相。
 
回應 (0)
我要發表
user

最新回應

Brian Chui
Brian Chui 2020/11/09

做得呢行,其實要食得好,先可以以更好嘅面貌示人,真係好admire你地成日有得係九龍城美食及餐廳指南入面揾到食啊

srinivas
srinivas 2020/10/19

Thanks for the best and i love it.

ghd sports

2020/10/11
islamicnuskhe
islamicnuskhe 2020/09/29

We Are Best Islamic Astrologer in The World with  35 Years of Experience. Solve Your All Life Problem With Us. Contact Our Molana Asif Ali Khan.