遲來的公正

2018/04/30 16:02:55 網誌分類: 講人自講
30 Apr

盲巫遇盲巫

臭味兩薰陶

人皆一肚氣

慶幸有關刀

 

話說丐幫長老常無出刪後、便跑去六判爺面前告狀、指控監倉部部長剝削佢留長毛嘅權利。結果六判爺判他勝訴。殊不知結果一出街、便立即轟動全城。正在摱緊鐵枝嘅一眾監躉人人叫好、個個得敕、而嗰班監倉部夥計則全部都懵晒。

 

俗語都有講啦、家有家規、國有國法吖嘛!男監犯必須依傳統規定剪短頭髮早在 N 年前就已經實行、莫講話與人權毫無𠸎𠹌、根本上冇可能與性別歧視拉上關系。原則上、當罪犯被判入冊嘅一刻鐘開始、佢哋嘅人權和自由都受到一定程度上嘅限制。然而、常無卻無中生有、監硬指控監倉部打壓人權和歧視男性。更加令人驚訝嘅就係、那名高庭六判爺居然判常無勝訴。坦白講、常無呢種市井之徒犯無知尚可原諒、但連受過專業訓練嘅六判也同樣犯無知就令人吃驚。難怪有人嘆謂“罪惡城呀、罪惡城、你已經病入膏肓”啦!

 

呢嗱、開講有話“柳暗花明又一村”吖嘛!經由上面嗰壇六判爺拍按一判、機乎累起整個監倉制度都唔止、仲分分鐘連累埋所有入行必須剪短髮嘅紀律隊伍。監房部實在孭唔起呢隻鑊、惟有積極上訴拼個明白。幸好上庭嘅六判爺撥亂反正的判常無敗訴、而令到監倉傳統規則得以保留。否則、就不堪設想矣!之但係、如果常無繼續玩、呢單畸屎就要被擺上無上堂去。如果係咁、就真係要睇過之後才知到結果係點架喇!

 

 

 

回應 (2)
我要發表
2018/05/01 15:25:34 回覆

你講對了!

2018/04/30 22:45:12 回覆

明眼人都知道是玩野啦!

user