炒左佢,你夠膽坐佢個位咩?

2018/05/02 07:22:29 網誌分類: 時事
02 May

早兩個月與「豬朋」竹戰,講開今年嘅財政預算,佢地話應該每位市民派一萬!當時我回應:「唉!每人派五千你都執倒啦,點會派倒一萬咁多吖。」

結果係:「廢波」打死不認錯,由原先唔肯派錢,改為推出補漏措施----選擇性派錢,仲要市民自己提出申請,政府又要請大批人去批核---估計今年嘅錢、出年先有得收:如果你等得、又死唔去的話。

錯!錯!錯!財政司司長陳茂波(波叔)連環估錯盈餘,簡直係大錯特錯,仲破埋紀錄添!港府前日公布一七至一八年度財務狀況臨時數字,最終錄得一千四百八十九億元盈餘,比起波叔喺二月底修訂嘅一千三百八十億元,多咗一百零九億元,更比起原預算一百六十四億元盈餘多出成八倍。近年嘅預算案錯估形勢大家都習以為常,不過要好似波叔咁不斷估錯數兼且創紀錄,真係「難上加難」,唔通連財爺都要返學再培訓過先至得?

原來我啲「豬朋」仲叻過「廢波」!每個市民派一皮、庫房都仲有一半盈餘。
咁廢嘅財爺要來何用?用嚟攝「熱廚房」嘅灶罅囉!佢唔坐,你敢坐咩?我敢呀----做財爺,最難係做到收支平衡之餘有多少盈餘啫:呢樣嘢好難架!因為要睇得好緊。
如果好似「廢波」咁,有入冇出嘅,係人都識做啦!何必要咁高薪請佢?
回應 (0)
我要發表
user

最新回應

立 冬
立 冬 2018/06/13

新版都有好處的, 至少用手機來睇會較以前方便.  你休息夠了再回來啦!   {#iconb_21}

VanYYY
VanYYY 2018/05/24
@域 流亦詩...

雖然我封舉,有空仍會拜讀你的大作!

KING.
KING. 2018/05/19

都要改啦, 以前頭條blog都唔係mobile reponsive web. 而家改左,你有冇發覺冇以前咁棘.

域 流亦詩
域 流亦詩 2018/05/18

祝你身體健康、愉快。它朝有機會再在博海相見!