丟空稅？

你一口時我一口

吃盡人間好與醜

莫怪一姐無義氣

殺到埋身施辣手

唔經唔覺、罪惡城樓價高據世界第一已經有一段日子。須然城中地盤處處、新廈陸續落成、但樓嘅須求量唔止冇降、反而飆升。都可謂奇哉怪也咯！嗱、問題係、城中吉屋亦唔少、何解市面上卻反映出供不應求呢？當社會上響起向吉屋徵丟空稅時、大賬房劏房哥表示、本城樓宇丟空情況並不嚴重、還說在樓市裡面見唔到有紅資炒賣嘅跡象。嗱、根據綱落上（公家肯定的、就是否定的。公家否定的、就是肯定的。）嘅潛邏輯算來、應該將劏房哥講嘅「沒有紅次炒賣情況出現」後面加上「才怪」兩個字就成件事都得清楚了！阿爺早就識穿花大叔（以打壓內地高科技發展為手段、來迫使資金流向更容易搵快錢嘅地產方面去）嗰龍嘢、早就向樓宇炒賣大開殺戒、從而將資金引導回正軌上、免得經濟泡沫爆破時步「兩房」後塵。然而、罪城商家完全不吃這一套、以致一姐不得不出口術以作警告。

聽聞現市面上有一條龍服務式嘅賣樓活動。只要顧客將層樓私人按畀業主和底下簽一位分期付款合約就可以人住、而無須將樓宇按給銀行。屋契當然由業主保管至到供款完成為止。這類業主手上有的是樓、要幾多就賣幾多、總言之多多都有。嗱、佢哋有何能耐同時擁有那麼多單位、我唔知到。之但係、坊間流傳有大圈富戶一出手就買數十個單位、但不到一個回合又全部以高價賣出、而賺來嘅銀兩又立即用作期它投資方面去、都可謂賺錢一條龍咯！而然、我地罪城大戶亦唔輸蝕、他們在大圈要地皮有地皮、要幾多都有、總之亦在地產市場撈到盤滿砵滿。可惜吖、在阿爺積極取締炒賣活動之下、罪城炒賣資本惟有撤出大圈、回來塘水滾塘魚、希望今次能像缸瓦船打老虎一樣、盡地一煲囉！之但係、如果丟空稅一旦實行嘅話、情況就會猶如蜘蛛精遇上照妖鏡一樣、乜都現晒形架喇！阿爺為着維護罪惡城這個對外橋頭堡嘅穩定、毅然伸隻手入嚟混這趟水、迫得一姐不能不表態。照咁睇嚟、另一場拗手瓜大賽即將展開喇！