域 流亦詩
域 流亦詩
域 流亦詩

花拳繡腿(三)

2018/05/05 12:26:27 網誌分類: 各家大事
05 May

 

此人霸道惹人憎

妄想一招斷我魂

卅年苦練今為用

看誰最後企起身

 

53日花家 Seven Head 講數代表團到訪紅家展開關稅談判。有消息指、花佬開出四個條件、如果紅家不答應就開打貿易戰。第一條、在2020年之前紅家必須縮窄2000億花元貿易逆差。第二條、紅家必須停止「龍族製造2025」計畫中涉及行業嘅補貼。第三條、將所有關稅降低到不高於花家水平。第四條、不得向花家採取服行動、特別是不得拿農產品開刀。最後還加送一條、限定紅家每一季都必須與花家開一次例會、以評估進展。

 

嗱、以上面嘅情況睇、花家是來勒索、而非講數。第一、喪普早前開價是一千億両花銀、而現在是二千億両。第二、迫紅家放棄「龍族製造2025」計畫、抑制龍族復興。第三、迫使紅家企定挨打而不准還拖。第四、花家要剩低關稅之便來侵吞紅家整個高科技市場。所謂每季開例會、分明係監人乃後之舉、明搵龍族老襯。呢趟真係要睇睇紅家有何反制能力了!

 

其實喪普自己知自己事。花家最近推出嘅兩千九百多億債卷正在滯銷。直至目前為止、花家欠債已超廿一萬億花銀、而家族生產總值大概只有三個巴仙、即係話花家前境被睇淡而造成花債滯銷的。因此喪普才會將紅家當撳水魚咁撳。如果給花家一百年時間去還債嘅話、每一日須要還五億八千三百三十多萬両花銀才能夠還得清。若以花家目前嘅生產值增長率計算、十年後欠債可能會超過一百萬億両花銀、即係話連利息都畀唔起。加上聯廁局開始將花債縮表、以致花債缺口加大、難怪喪普要向全世界發窮惡了!

 

嗱、淨係睇喪普呢頭搞垮燶興和追殺娜惠、嗰頭就馬上為 5G 計劃公開招標、足見其真正目的唔止係貿易戰咁簡單、而係要摧毀龍族嘅高速科技發展、以保花家安全。導火線係、紅家已成功究製出 5G 系統。因為花軍曾經試過在F15(三代戰機)裝上 5G 系統之後、便多次成功將F22(採用 4G 系統嘅四代隱身戰機)擊落。如果讓紅家研究出個 6G 系統來、那還得了?由此可見、花家是不可能不打壓紅家的。以目前情況睇、紅家晶片技術仍然係落後於人、重要部份不得不靠花家產品。也許閘王可以利用貿易戰攬死喪普本人、但絕對改變不了大形勢。除非紅家早就暗中藏有一手、否則呢鋪一定蝕硬。問題係、究竟蝕到甚麼程度而矣!假如經此沉痛一役、能夠喚醒那些急功近利而毫無遠見嘅龍傳人、也是值得的。

 

 

回應 (1)
我要發表
開心van仔
開心van仔 2018/05/05 16:01:41 回覆

美國當然不想中國強大啦!影響他在國際上的地位呀嘛!

user

最新回應

*KK*
*KK* 2019/09/18

兄台眼光獨到. 不出一年就有大龍鳳睇了.

"污膠藤"單野, 不知若傳到近日來港的"毒眼寒流柑"之祖家又如何呢? 若彼邦之"安胃女孩像", "神大將軍像", 甚至"安義士像"等受如此對待, 真不知此"柑"會否敢在祖家國民面前仲乜野物野囉...

多年來各大爛仔館既欺師滅祖, 以至人性夏令營等精彩場面, 真係值得透過寒流輸出至全球! 彼此認識, 促進交流呢! 世界必有新氣象, "時代革命性解放"嘛!!!

開心van仔
開心van仔 2019/09/18

你好,很久不見了!我沒有在頭條寫野也有一年了!今天突然回來看看,高興見到你呀!近月心情很沉重,太多負面新聞令人情緒低落,不知亂局何時了!

123331
123331 2018/08/22

亞域哥,「來者應,去者靜。法住無常,止心一處。」謝謝。

開心van仔
開心van仔 2018/08/22

很喜歡看你的文章,為何不寫?你今日的話令我有共鳴!我進入古稀之年,剛做了第二次通波仔手術,對世事已不再熱衷了。只希望可開心過每一天。回望過去幾十年人生,很多事都淡忘,只記開心的事,不開心的由它去!現在對很多事都淡然處之,只爭取多些時間與孫兒們相聚。

祝君身體健康,生活愉快,開心每一天!真希望可再見你的文章!