7/5 止跌回升熊命危

港股結束3連跌.恒指創即月新低後轉升.反彈在望.熊熊命危

7/5 周一恒指收報29994, 升67點(最多上升212點, 一度下跌135點),

國指收報11966, 升75點(最多上升153點, 一度下跌35點), 國指幅跑贏恒指

5月仲有3個星期玩, 以周波幅計, 不會一路碌落山, 急跌急彈殺牛熊, 大鱷才能獲得更大利潤, 今日港股理應升200~400點, 但結果升幅遠遜外圍, 人人都覺得好弱, 就引左熊熊大幅下移至30200(上日在30348), 已進入大鱷屠殺範圍, 明日唔想破底就要上去屠熊, 見短底例彈, 以周波幅計, 會升穿今日高位30138, 港股即市弱雞翌日亦可強爆, 已經試過好多次, 都係大鱷一貫的佈局手法

今日特登上到30138就回頭(降低門檻方便明日升穿.就可底頂上移), 大鱷示人以弱, 全城看淡, 就係想引30200熊入局, 窒窒步跌可養牛, 窒窒步升就係養熊, 即市創新低後倒升收市係利好訊號, 未殺29800牛彈唔起, 而家死左反彈動力就會增強, 一如網友所說, facebook全面看淡做淡, 你係大鱷會唔會俾股民捉到路?

港股結束3連跌, 創新低後連跌斷纜通常會急彈, 今天破日小幅收升, 全靠阿爺大升幫手撐住國指, 過去一個月連跌斷纜通常升1~2日, 今日升得太少, 未升夠, 明日補漲都得, 以往失守30000大關會在3日內收復, 如能升3日就打破了慣性走勢, 代表大鱷暫時唔想再創新低, 上証既然收復3100, 港股亦有條件重上30000/12000, 如果今日真係見左短底, 反彈動力就會增強

~~~~~~~~~~~~~~~~~~~~~~~~~~~~~~~~~

如能上企30000.上望30500

就以今日來說, 中美股市爆升, 道期亦造好, 港股大可升200~400點, 大鱷特登壓住唔升咁多住, 一時跟外圍, 一時唔跟, 令人無所適從, 嚇到牛熊都走鬼, 股民入市好易企錯邊, 大鱷就可殺好友及淡友, 而今日埋單就係引左熊熊下移, 令上攻誘因增加, 大鱷只要升206點一路殺上去就可屠熊, 即係唔使跌穿今日低位29791亦有得開餐, 令局勢變成底頂上移, 就可穩住大局

回顧今年1月尾見頂33484後, 過去3個月恒指只係試過3次收低過30000大關, 第一次3日後彈上30500, 第二次翌日就彈番上去30500, 第三次兩日後就彈番上30200, 如今已經處於30000兩日, 預示即將會有大反彈, 今日創新低見29791即彈, 冇在29800關鍵大位下徘徊, 反映睇場的港股無形之手仍健在, 可能只係向下假突破

以往大市在月初做了第一個頂就會作出調整, 落山屠牛, 但不會一去冇回頭, 當食飽肥牛就會彈番上去再挑戰呢個高位, 順道屠熊, 如市強就上破前頂創即月新高, 如市弱就會受阻而回, 再落番去屠牛,

~~~~~~~~~~~~~~~~~~~~~~~~~~~~~~~~~

今屠牛.明屠熊.好淡通殺

港股磨咗成日，貼價牛熊齊齊飛撲入市，大鱷陰陰嘴笑，明天恒指上或落300點都有得開大餐, 上証大成交急升, 大鱷有條件反手殺熊, 恒指由30853跌左逾千點, 夠水位俾大鱷轉身, 港股係時候反彈

點穴市除了養牛外, 亦可吸引熊熊下移, 大鱷殺上去開餐亦不難, 即市500點波幅係大鱷的控制範圍, 亦可上攻30500, 大鱷日日變臉, 大市弱雞轉頭亦可大彈高, 大鱷係追住牛熊來殺, 每日升跌未必跟技術指標

市弱不一定會繼續潛水, 咪以為而家碌緊落山就會單邊向下, 有時大鱷唔會殺盡牛牛, 過去3日已經食左3000張喇! 由於樓上熊熊下移, 愈來愈肥, 大鱷可以食食下牛突然轉口味衝上去屠熊, 係聲東擊西, 今日弱雞明日亦可急升, 一支大陽燭足可以扭轉跌勢, 所以我成日話一過夜就會變天, 大鱷係睇住牛熊佈局來出手

我一直深信既然大鱷有能力將港股點穴, 就有能力大幅抽升或殺跌, 即市500點上落已是常態, 如果碌落山是為了屠牛, 同樣地, 亦可彈番上去屠熊, 大鱷已完全操控港股, 急升暴跌是常態, 大鱷係畫圖高手, 不好盡信技術指標, 港股30000/12000係有無形之手睇場

點解大鱷唔直插落去29500甚至更低? 如果月初已經見大底, 未來3個星期豈不是要一路推高才能保底? 炒單邊好高難度噢! 不如在29800~31000游走, 玩跌下彈下, 唔俾股民捉到路, 牛熊通殺, 大鱷仲賺得多呀!

上周五美股大升, ADR升近400點, 今日上証亦飛天, 港股卻沖高回落, 收窄升幅皆因大媽早市掃貨, 尾市走鬼, 大媽沽出權重QQ及建行亦拖低大市, 亦有可能係大鱷特登暫時唔推上30200, 目的係俾熊熊入局, 結果30200~30700熊熊今日增加了562張, 30200~30700總數有千多張肥熊, 即係明日唔使破底, 上攻都可以食飽飽, 雖然明日彈上去屠熊不及落山屠牛殺得多, 但唔使破底, 亦可守住29800關鍵大位, 食少左也是值得的

史哥分析: 5月波幅區 :  (29418)-29837-(30328)-30783- 31010-(31238)-31472-31706-32175

15/5 周二上午5時公佈A股納入MSCI名單

16/5 周三QQ公布業績

中國副總理劉鶴15~19/5訪美進行貿易談判

2018年舊留言版(12/5/2018日之前)

https://blog.stheadline.com/article/detail/907726

====================================

14/5 周一收市~連升六日收31541.挾淡屠熊升過籠.小心MSCI見光死

港股今日雖然大幅高收, 但其實有暗湧, 港股通(滬)出現資金凈流出, 滬大媽大舉食胡會拖低大市(可能係沽港股套現回流A股炒MSCI新水喉), 最弊係大媽沽出權重股QQ, 下午公用股由跌轉升, 唔係好現象, 反映市場避險情緒增加, 因為投資者都擔心偷步炒A股入魔及QQ業績會見光死, 其實今日QQ沖高回落沽壓已大增, 近日除息股受追捧, 亦係投資者避險及唔敢高追寧願追落後心態, 日前回軟的美國10年期債息重上3%利淡

恒指由低位29791升至今日高位31592已反彈了約1800點, 月波幅已勉強達標, 累積龐大升幅, 夠晒水位俾大鱷轉身, 現水平做好食胡先, 明早反手炒熊, 等回吐補完裂口再買上, 因為蟹貨及獲利盤會出籠, 股份除息前會有好息之徒追貨, 但除凈後通常會有獲利沽壓, 亦會對大市構成壓力

過去3個月恒指每次去到31800~32000都反艇, 而家才是月中, 仲有兩周才結算, 大鱷冇理由肯花子彈一直守住高位, 或會用拖字訣, 跌下彈下震完才殺上去都得, 上証偷步炒A股入魔, 已經由3056彈到上3183, 亦係推高港股的功臣, 但北水沽港股套現回流內地亦是窒礙了港股上升步伐

~~~~~~~~~~~~~~~~~~~~~~~~~~

港股升勢過急遺留太多上升裂口是後患, 大市隨時會掉頭回落, 落去回補今日的上升裂口31277~31423, 如果補完呢個裂口仍無法重上31300, 就代表有可能落去另一個裂口30851~31032, 如好友收市連31000都守唔住就不妙, 30800係關鍵大位, 估計好友會力守

今次港股上升動力主要來自淡友回補空倉及跟風短炒盤, 係乾升, 大鱷連續5日大舉屠熊10770張, 飽到嘔, 夠皮喇! 通常大鱷食飽肥熊大市就會轉向, 未必會再推升趕盡殺絕, 熊仔可能要再養多一陣, BB肥牛正在上移至30500~30800, 有下殺誘因, 就算落去殺唔到都可震走佢地

港股調整在即, 如市強或升勢未完就只會小幅下跌, 如大跌就係見短頂訊號, 如明早開市半小時內冇再創新高, 今日已見短頂機會大增, 恒指波幅(恐慌)指數在港股爆升之際卻急升2.16%, 升到驚, 即係跌得喇!

港股連日彈高擺明係為了屠熊挾淡而夾硬升, 但全城突然看好等上31800及32000, 通常大鱷就會玩野, 特登唔上住, 有些分析仲唱到話港股會飛出外太空爆大頂, 我卻不認同, 港股拗腰急升分明係為了挾淡殺熊, 連升6日嚇到連淡友都突然轉口風變得這麼樂觀反而要逆向思維, 以周波幅計, 大鱷今個星期不可能一直守得住31500(近兩個月高位), 上周連升5日, 本周亦不可能再日日升, 小心大市會落去31000回補上升裂口, 800點周波幅可見30800,

大鱷頻頻變臉, 無啦啦升跌就係為了好淡通殺屠牛熊, 港股今日強爆大升, 翌日亦可弱雞大跌, 大鱷將港股舞高弄低已成常態, 大獅兄說大户目標喺32000, 即係看好, 燈神相反指標係利淡訊號，看來暫時不會上到呢個水平, 反而會掉頭落去31000, 當人人看好, 大鱷就會震倉, 令人以為升浪完結, 紛紛做淡, 然後大鱷就會失驚無神抽升挾淡

港股高開低走.單日轉向呈大陰燭, 結束6連升, 向30800進發

15/5 周二恒指收報31152, 急跌389點~收市U盤最低位, 一度上升32點~開市位)

恒指呈光頭光腳大陰燭見頂回落訊號, 穿頭破腳, 底頂下移, 美元及10年期債息急升, 外圍股匯債有變, 可能係觸發走鬼散水的原因, 今日剛回補了一個上升裂口, 點升上黎就點落番去, 看來要繼續回補下一個裂口30851~31032

明日繼續尋底, 今晚美股回落, 但今日港股已偷步下跌, 相信好友會力守關鍵大位30800, 最好係秒殺肥牛或補完裂口至30800即彈, 多條平均線支持位在30500~30800, 淡友想插穿亦有難度, 今日QQ反艇, 無懼明日QQ公布業績, 基金經理黃國英淡淡定入QQ, 不過滬大媽今日沽貨鬆人拖低大市, 要留意明日大媽入貨抑或走貨, 對港股能否守住30800起關鍵作用

今次港股雖然沖頂回落, 作勢回補兩個上升裂口至30800, 但不應單邊向下望, 落山可能係屠牛或震牛, 以及消化急升後的沽壓, 如果熊熊下移或養肥, 當完成調整就會走番上去屠熊, 大市可能係在31000穿梭, 好淡通殺, 而家只係急升後回氣, 不要低估大鱷操控大市上落的能力, 牛熊都要死, 大鱷今日冇再上攻可能只係用拖字訣養下牛熊, 通常每月下旬才創即月新高

今次爆邊向上突破, 重上所有平均線, 好友不會輕易放手, 上証企穩3100對港股起支持作用, 早前港股插穿30000拗腰彈升, 有唔少手腳慢的股民都悔恨走寶, 今次港股回吐相信會有買盤承接