5月份留言版

2018/05/07 18:47:45 網誌分類: 經濟
07 May

7/5 港股創即月新低29791大舉屠牛後轉升.結束3連跌轉勢向上.熊熊命危

恒指收29994(即月低位29791)/國指收11966(即月低位11845/11843)

置諸死地而後生

恒指上落都係以500點及1000點為一級, 每當企穩3X800關鍵大位就升呢500及1000點, 見頂回落亦係以500及1000點級級落

尋頂: 2018年1月初上企30800, 1月中上企31800, 1月尾上企32800, 加500點上望33300, 結果29/1高見33484後見頂回落, 呢個係牛市大頂機會好大, 因為大媽由2月起積極沽貨撤退, 已為港股的大牛市畫上句號

尋底: 29/1見頂33484後展開尋底之旅, 9/2低位29129, 3月低位29819, 4月低位29518, 5月低位29791, 到目前為止最低位在29129, 但未必係今年大底, 因為底頂出現時間太接近, 並不符合慣性走勢

底頂: 2018年到目前為止恒指的高低位在33484及29129,年波幅只得4355點仍未達標,往後會穿頂定喺破底冇人知,今個月就唔會破喇! 短線做咗反彈先啦! 按照慣性走勢, 彈完就會再插過

轉勢向上: 7/5觸底29791回升, 展開尋頂屠熊之旅,港股能走多遠關鍵在北水流向.貿易戰形勢.美元及債息表現, 量度升幅及阻力大位在31600~32000(後記: 14/5高見31592確認見頂, 30/5低見29964止跌回升, 掉頭向上)

港股慣性走勢喺無論轉勢向上抑或轉勢向下, 都喺連升或連跌, 非常急勁, 目的係逼死另一方, 然後就會突然轉向

就以近來港股形勢來看, 淡友借利淡消息一路步步進逼殺跌, 贏到開巷, 插穿29800好友就作出反擊, 而屠牛熊大鱷食飽肥牛亦部署上攻屠熊, 只要逼到淡友回補空倉/食胡, 港股就會爆升, 以前都試過好多次, 大鱷以挾淡方式來推高大市, 當收復所有平均線, 跟風買盤就會進場, 令港股進一步上揚, 到時看淡的投資者就會由極度悲觀變成樂觀派, 入市追貨買上, 因而增強港股的上升動力, 到大鱷食飽肥熊, 派完貨, 又會再變臉, 碌落去殺牛, 到時洗倉盤及程式沽盤就會拖低大市, 肥牛就會拉住大市落山

史哥分析: 5月波幅區 :  (29418)-29837-(30328)-30783- 31010-(31238)-31472-31706-32175

====================================

14/5 周一收市~連升六日收31541.挾淡屠熊升過籠.小心MSCI見光死

港股今日雖然大幅高收, 但其實有暗湧, 本周回調目標係回補兩個上升裂口至30800, 如插穿彈唔番上黎就確認見頂, 過去3個月恒指每次去到31800~32000都反艇, 反映31500樓上阻力非輕,

今日恒指高見31592, 港股升勢過急遺留太多上升裂口是後患, 點升上黎就點落番去, 大市隨時會掉頭向下, 落去回補3個上升裂口31277~31423, 30851~31032, 30568~30713, 如全數回補所有裂口, 就代表今次反彈浪已結束

15/5 周二恒指收報31152, 急跌389點~收市U盤最低位, 一度上升32點~開市位

港股高開低走.單日轉向呈大陰燭.見頂回落結束6連升.轉勢向下.展開尋底之旅

點升上黎就點落番去.溫水煮蛙式派貨

恒指呈光頭光腳大陰燭見頂回落訊號, 穿頭破腳, 底頂下移, 美元及10年期債息急升, 外圍股匯債有變, 可能係觸發走鬼散水的原因,

今日剛回補了一個上升裂口, 點升上黎就點落番去, 看來要繼續回補下一個裂口30851~31032, 六連升斷纜代表升浪結束, 往後跌下彈下目的係派貨, 其實大媽牛市早已在1月結束, 北水積極沽貨撤退

16/5周三收市~31000失而復得.收31110.連跌兩日.反彈阻力31400

中港股市通常係同步見底頂, 周初兩地股市已齊齊見頂, 如上証確認見頂回落就會拖低港股, 齊齊落去尋底, 肥牛在30500~30800是後患, 到目前為止恒指月波幅有1801點已達標, 隨即見頂回落,

美元升至半年高位, 美國10年期債息急升至7年以來高位, 拖累在岸人民幣兌美元一度跌穿6.38關口, 收市報6.3686兌1美元, 跌151點子, 跌至一星期低位, 港匯觸及7.85弱方水平, 阿根廷.土耳其.巴西.印尼等新興市場貨幣潛行凶間, 美元及債息上升, 大媽沽貨撤退, 貿易戰, 都利淡港股, 但港股幾時升跌已經俾大鱷操控, 明明牌面向淡但卻咬住31000唔放, 可能等養肥牛熊才開大餐

17/5周四收市~港股連跌3日, 收30942/12278

QQ沽壓沉重, 壓住港股, 大媽往往趁反彈走貨亦拉住港股後腿, 31200樓上兩棍光頭光腳大陰燭阻力非輕

港股又彈散.收31048/12355

18/5周五收市~上証急升刺激港股結束3連跌, 惟尾市沽壓加劇, 抹去一半升幅,

下周一轉節氣小滿及佛誕假期前夕,必定會有大龍鳳, 向上要留意幾個關鍵阻力位31416.31466.31472, 以及大媽會否繼續沽出QQ等成份股, 如沖高回落, 屠熊後或會落番去屠牛, 牛熊都要死, 貿易談判就算講掂數亦不應太樂觀, 中國肯定有俾唔少著數老美, 我估形勢未必對中資股有利, 當大鱷沖上去食完熊就會落山屠牛, 30500~30800係肥牛重倉區

港股收31234/12349, 假期前後例牌大龍鳳.死貓彈完再尋底.向30800進發

21/5周一收市~好淡通殺.熊死牛命危.好消息出貨.沖高回落趙完鬆

大鱷今日已經殺到上31500關口, 任務完成即閃, 點解彈散趙完鬆? 牛多熊少拉住港股後腿, 熊5014 VS 11134牛, 當牛熊分布嚴重失衡後市多數插水, 所以高位一瞬即逝, 大鱷唔想放生牛牛, 今日大鱷食完熊掌, 俾我係大鱷就會掉頭落去屠肥牛, 向下一路殺落去30500都有肥牛, 命危噢!

今日港股收升也不應過份樂觀, 其實匯債形勢都不利港股, 中美停止貿易戰, 刺激美元升至5個月高位, 一度升穿94, 是去年底以來首次, 在岸人民幣大幅低收128點子,報6.3888兌1美元,為近4個月以來最低, 國指先高後低, 單日轉向, 倒跌收場可能和人仔走弱有關, 大媽繼續沽貨套現拖低港股, 其實大媽每次見反彈都走鬼, 過去幾個月北水都係積極走貨撤退

貿易戰講掂數, 中國俾賤美踩到上心口, 道期全日都維持超過200點升幅, 但中資股卻彈散, 有何啟示? 今日恒指係俾國指拉落山咖! 假期前後例牌大龍鳳, 以800點周波幅來看即係要插穿30700, 今日一度沖高見31464, 伸埋呢腳上去好友鬆人喇! 港股係跟住牛熊分布來走, 任何利好利淡消息都只係殺戮的藉口, 港股已經完全俾大鱷操控, 牛熊都要死, 今日元帥牛牛已食胡, 部署入熊買跌, 因為大市已出現利淡訊號

====================================

恒指收30665/國指收12090.假期前後例牌大龍鳳

23/5周三收市~港股暴跌一舉插穿多條平均線.大舉屠牛.向30500.30000進發

今日恒指大瀉568點收30665, 大鱷睇住黎食, 插水分明係為了屠牛, 殺肥牛1985隻, U盤例牌跌幅擴大, 呢個時段夾硬隊多75點, 大鱷賤到冇朋友, 就算明日反彈, U盤時段慘遭暗殺的牛仔都眼光光, 插完今日呢棍就剛好做夠800點基本周波幅(一般周波幅係800~1000點), 大方向未見底, 仲要插穿今日低位30665落去繼續補裂口, 貼價有約3000張肥牛, 要睇下大鱷想本周食埋佢地抑或留番下周才吃,

通常失守平均線及大位都會彈上去吻別, 不會一去冇回頭, 留意國指強弱就知彈力如何, 反彈阻力30800, 要慎防大媽趁反彈沽貨會拉住港股後腿, 今日港股通(滬)出現資金凈流出

阿爺食左瀉藥, A股內銀內險資源商品股全面下挫, 拖累上証失守3200, 所以恒指亦插穿31000, 要上証權重股止跌回升, 港股才有得彈高

恒指收30760/國指收12152

24/5周四收市~大舉屠牛.吻別平均線繼續尋底.明日例牌周末沽壓效應

牛熊分布嚴重失衡利下殺: 熊5301 VS 11212牛

大鱷殺紅了眼, 月尾追數, 昨日屠牛1985張.今日屠牛1018張, 明日會有周末沽壓效應, 只要殺到落30500就可多殺近二千張, 大鱷流晒口水, 如果食唔晒就留番下周才吃, 牛牛就算過到明日都過唔到下周, 因為以下周的波幅計點都要落30500, 但下周係港股結算周, 而周一美股休市, 所以下周初好淡大鱷要部署結算位, 散戶牛熊要睇路, 小心企錯邊

港股大方向雖然利淡, 但大鱷不會單邊向下俾股民捉到路, 必定會跌下彈下震到失暈, 就好似今日即市急跌急彈, 扮跌唔落, 目的就係令散戶企錯邊, 今早見國指及多隻指標股都出現利好訊號已經睇到今日會收升, 上次插到落30818就拗腰彈完才插穿30800大位, 估計今次30500大位都會有一番爭持, 今日反彈就係引牛入局, 部署日後的殺戮

大鱷用緊拖字訣, 今日港股反彈乏力, 皆因大鱷唔想彈高俾牛牛逃生, 亦想引熊熊下移, 部署日後殺戮, 上証連跌兩日, 跌到走樣, 3150危危乎, 內銀A股反艇係跌市元兇, 大媽果然趁反彈繼續沽貨走人, 丟內銀內險QQ, 今日港股通(滬)出現資金凈流出,

今日恒指一如所料再創新低30589(昨日低位30665), 仍未有見底跡象, 跌穿機會好大, 因為10/5的上升裂口至30568仍未完全回補, 而30500水平亦係肥牛重倉區, 向下站站都有BB牛, 極具吸引力, 因為月尾大鱷要追數

今日反彈可能同轉倉及結算有關, 當然亦係為了養牛, 今日推高就可預留回調水位, 亦係大鱷托沽的手法, 港股趨勢明明要向下, 但下周三(30/5)期指結算以及A股表現就扭曲了港股的下跌步伐, 由於有結算因素, 按照慣性走勢, 月尾6天通常係3升3跌, 而家只係升左1日

踏入五月份大市會否應驗「五窮六絕」的傳統智慧? 過去20年恒指出現下跌的五月份機會率約有七成, 如果歷史重演, 下周四就會收30808樓下, 順帶一提, 唔計去年2017大媽瘋牛市五月收升, 2015及2016年五月都係收跌

恒指收30588(跌172點)/國指收12047(跌104點)

25/5周五收市~轉倉高峰期.大舉屠牛.反彈在望

大鱷連續3日大舉屠牛, 殺左3955張, 飽到上心口, 跌至30500大位窒一窒繼續養牛熊, 下周一美股休市, 港股自由行, 下周三(30/5)結算, 踏入結算周開新局, 要擴大周波幅就要落30500屠牛以及再向上挑戰30800, 有可能秒殺肥牛即彈

落到大位大鱷都鍾意玩擦身而過, 上次都係落到30800邊見30818即彈, 上去殺熊後才掉頭插穿30800, 今日已經落到30525, 由於30500~30800牛已死得七七八八, 所以下周初有可能又拗腰上攻30800, 因為已失守30800已兩天, 不會一去冇回頭, 彈完才落山都得

今日港股下跌係俾滬大媽走QQ內銀油股所拖累拉落山, 再加上 上証連跌3日落井下石, 但國指又落到12000關鍵大位, 係好淡大鱷角力水平, 只要上証止跌, 又或者權重A股上升, 好友就有藉口推高港股

港股牌面雖然淡, 但結算周唔同玩法, 大鱷係玩緊好淡通殺, 按照慣性走勢, 月尾四天會係2升2跌, 不會單邊向下, 下周一美股休市係好友出手的良機, 周一多數會有大龍鳳, 周末有消息指美朝峰會或會如期舉行, 下周老美金毛犬再度訪華商討貿易事宜, 好友淡友小心企錯邊

1月港股飛左出外太空, 隨即見頂回落, 牛三係升到你唔信但短暫, 一月真係好鬼似, 大媽牛屎幾時完呢? 神又佢.鬼又佢, 當然係大媽撤退就玩完啦! 大媽二月份已積極沽貨走人喇! 所以我在年初貼的網誌標題係2018牛熊年, 即係牛市完結熊熊出世, 都係發生在2018年,

過去幾個月經仔通梁蛇中線倉位總係少過40%, 就係睇到港股見頂回落尋底格, 所以一直唔肯加倉, 如果係大牛市冇理由連全方位監察港股的梁蛇持貨這麼少, 多位玄學家/風水師~蔡老/肥玲/長毛蘇早已預測今年港股不利偏財, 不會大好, 早前恒指上企30800, 基金經理黃國英都係口淡淡, 表示港股唔會叻得去邊, 結果真係31500打回頭, 只係向上假突破

呢幾個月大媽已轉口味, 丟內銀內險資源商品科技股, 連近排大媽熱炒的油股都散水, 轉炒藥及教育股, 都不是權重成份股, 所以港股就要落山囉! 過去幾個月港股繼續扮牛市, 係因為大鱷大媽貨多, 唔想賤價出貨, 想溫水煮蛙式派貨, 事實証明呢招係好成功

早前港股六連升到, 彭彭聲挑戰31500, 我地都已經話港股冇條件單邊向上, 衝上去似係為了屠熊, 食飽就會落山屠牛, 而家証明真係死貓彈, 大鱷夾硬衝破三角形係假突破, 近日無論係QQ抑或大市即市都係震到失暈, 但跌下彈下最終都係向下,

唔講短線幾日的升跌, 睇大方向來說, 港股成個局勢就係1月見頂回落, 反覆向下尋底格, 每次大反彈都係為了屠熊.殺倉及養牛熊, 所以餐餐都係趙完鬆, 大鱷特登唔俾港股直落地獄, 因為跌下彈下大鱷/大媽才能獲得最大利潤, 早前突然拗腰六連升就殺左超多肥熊, 散戶入市亦要止蝕或全艇, 大鱷陰陰嘴笑, 試想想, 如果月初落到29791冇急彈, 而係直落地獄屠牛, 屠牛數量肯定遠遠少過六連升爆上去殺萬幾隻肥熊

~~~~~~~~~~~~~~~~~~~~~~~~~~~~~~~~~~

大鱷係畫圖高手, 早前大鱷畫甚麼金銀山谷及向上突破三角形就係想派貨及引好友入局, 殺左10981張肥熊就碌落山, 向肥牛區進發

我曾經講過大鱷大媽想牛屎派相信牛市未完, 特登守住關鍵大位, 唔俾插穿29129, 因為大鱷大媽貨多未派晒, 所以一直咬住30000~31000來托沽, 睇股份表現就知牛市明存實亡, 散戶全艇就知港股正處下行趨勢, 跌下彈下來蠶食股民的血汗錢

早前美股都超樣衰, 但月初股神不斷唱好蘋果, 刺激美股再沖上25000, 但呢個水平阻力大, 最終都係打回頭, 港股亦跟隨中美股市見頂回落

月初港股六連升的虛火早已熄滅, 港股通(滬)南下資金已連續3天錄得淨流出, 無論有乜利好消息, 大媽都係沽貨, 撤退取態明顯, 就算入貨, 轉頭又沽過, 係撩高派貨格

港股有濃濃的散水走鬼味, 大鱷最陰毒係每日選股撐市非常飄忽, 股份無啦啦急升, 翌日又插, 完全無跡可尋, 無形之手臨危托沽, 新舊燈神唱好港股的飛天夢也應該要醒了, 而家十個散戶十個艇, 港股係扮牛市, 披著牛皮的熊,

其實逢高沽, 做淡等港股插穿30000落地獄食大茶飯勝算係最高, 港股成個局勢好明顯, 樓上封了頂, 大鱷大媽溫水煮蛙式派貨, 跌下彈下震熊養牛, 大方向要插穿30500, 向30000進發

北水積極沽貨撤退, 所以港股彈散居多, 自從六連升斷纜好友食胡後, 8個交易日5跌3升, 係跌多多彈少少, 反覆向下尋底格, 即市震到失暈, 令人無所適從, 大鱷就可好淡通殺

五窮月死貓彈.恒指收30792(升204點)/國指收12115(升67點)

28/5周一收市~轉倉高峰期.吻別30800繼續尋底.向30000~30500肥牛區進發

早前預期本周初的死貓彈今日果然出現, 月尾走勢通常係跌下彈下, 今日已經升左, 就要慎防要跌喇! 滬大媽繼續撤資, 港股通(滬)已是連續4日出現資金凈流出, 又係撩高派貨鬆人, 連內地股市都跌到走樣, 上証連跌4日, 港股又豈能獨善其身, 樓上幾棍大陰燭猶如泰山壓頂, 阻力非輕, 港股弱勢已成, 下行壓力仍大, 唔少股份都洗倉式下跌, 臨危托沽格, 今日港股彈高可能係好友撩上去鬆人, 國指跑輸恒指, 反彈乏力

熊5021 VS 10961牛, 牛多熊少是後患, 30500樓下有六大棍重倉牛, 真係冇眼睇, 今日港股反彈, 就引左唔少貼價牛入局, 大鱷流晒口水, 如果港股再升就會放生肥牛, 月尾要追數, 彈完就要繼續尋底, 今日港股乾升(升市成交縮.跌市成交大), 今日夾硬推升雖然殺唔到熊熊, 但震走佢地嚇到熊止蝕大鱷亦能獲利, 當養肥牛牛大市就會插水

意大利及西班牙局勢不穩, 歐元跌勢持續, 美元強勢上企94, 匯債形勢利淡港股, 牛牛今日不趁反彈逃命就要上天家, 一如上周所說, 本周一定要插穿30500才夠周波幅,

轉倉高峰期.港股洗倉式下挫.恒指收30484(跌307點)/國指收11959(跌156點)

29/5周二收市~失守30500大舉屠牛.繼續尋底.向30000.29800肥牛區進發

恒指在30500邊磨左3日, 扮跌唔落, 目的係養牛引好友入局, 以及臨危托沽, 昨日死貓彈震走淡友, 亦引左唔少牛牛入場, 29900~30500牛肥到漏油, 即係會向前底29791進發, 整體下跌股份比例極高, 要錢唔要貨, 投資者爭相沽貨避險, VHSI恒指波幅(恐慌)指數爆升9.14%, 真係散水呀! 

其實任何消息都只係大鱷屠牛的藉口, 恒指仍在30000~31000主區間游走, 兩邊爆破都企唔穩, 樓下重倉肥牛才是今次下跌誘因, 後日31/5埋月結畫月線, 睇下大鱷食飽肥牛後想嘜邊個水平埋數, 港股升跌係由大鱷話事, 大鱷好陰濕, 散戶做好做淡都要小心, 五窮六絕, 臨尾香冇眼睇

今日見道期跌約二百點, 屠牛時辰到隨即就插穿30500, 有災味, 唔少股份都跌穿近日的橫行區底部, 內地股市跌到阿媽都唔認得, 上証連跌5日創今年最長跌浪, 國指已是連續3日跑輸恒指, 今次大跌係國指拉住恒指落山, 當大市破位而下, 通常係裂口大跌, 唔俾好友及牛牛逃生, 亦唔俾靚位淡友入貨, 跌完食飽肥牛後才會有死貓彈

港股破位而下的催化劑係歐債危機重燃, 中美貿易戰再度升溫(早前的聯合聲明廢了武功, 賤美反口再出招打壓中國), 以及內地股市大瀉, 企業債違約, 內房發債受阻, 今次30500樓下牛牛真係死得, 向下每百點站站有肥牛, 一路排到落地獄, 大鱷流晒口水

明日期指結算, 好友冇運行, 外圍股匯債形勢不妙, 美元強爆殺緊上去95, 金融市場梗係有災啦! 避險貨幣日圓走強, 歐元及人民幣大跌, 今日港股有濃濃的走鬼洗倉味, 連強股都反艇, 滬深大媽繼續沽貨撤退, 亦係拖低大市的元兇之一, MSCI納入A股, QQ比重要下降, 亦令沽壓加劇, 進一步推低大市

老美賤種桶出爾反爾又玩野, 白宮突然宣布將會在15/6公布對500億美元的中國進口商品、加徵25%關稅的清單, 在30/6公布對中國投資的新限制措施和強化出口管制措施,

期指結算日大舉屠牛趙完鬆.反彈在望.阻力30500, 關鍵大位30800

30/5周三收市~港股洗倉式下挫.恒指收30056(跌427點)/國指收11769(跌190點)

昨晚美股急挫累街坊, 內地股市大瀉, 上証6連跌並以全日最低位收, 超樣衰反而係好事, 股市暴跌觸動阿爺神經有望逼到阿爺出手護盤, 上証收3041, 大跌79點(-2.53%), A股明日入摩指, 代表內地股市變天, 以今日收市水平來看, 上証的上升空間比下跌大, 只要上証守住3000~3050,重上3100, 好友就可借勢推高港股

今晚美元及10年期債息雙雙回落,有助紓緩港股的壓力,油價急彈亦利好, 按照月尾3升3跌的慣性走勢(而家係2升3跌, 尚欠1升),即係明日港股將會反彈, 要留意尾市執位會有異動, 成交會大增

未來兩日港股都會受A股納入MSCI及港股成份股調動所牽動, 反彈阻力在30500, 肥熊在30600, 係多條平均線密集阻力區, 沽空連日急增, 都有誘因上攻挾淡

從陰謀論來看, 今日急瀉夾硬插穿30000根本就喺為了屠牛,29964~30500肥牛一鋪清袋秒殺趙完鬆, 殺左3505張相對期指對沖張數牛証, 所以當大鱷食飽,大市就彈番上30000收, 昨日牛熊分佈嚴重失衡導致港股今日急挫殺牛,甚麼歐債危機只喺大鱷殺跌屠牛的藉口,港股升跌根本係由大鱷話事, 以大鱷大媽的能力, 單日升跌500點係好濕碎, 升跌都不能盡信, 並非真方向, 當低位收夠貨或者食飽牛牛又會踢番大市上去屠熊

大鱷今日開大餐後牛熊分佈嚴重失衡情況已紓緩, 下殺誘因大減, 今日港股急瀉夠驚嚇, 未死的遠近牛都嚇到走鬼, 大鱷賺到笑,就算食唔到29900樓下牛牛都要震到佢地止蝕, 大鱷食飽牛牛震走牛牛, 港股即係彈得啦! 以往插穿30000例牌抝腰

今日插穿30000亦不應太悲觀, 全城向下望反而要小心大鱷玩反手推升, 其實以月波幅來看, 6月都要重上30500來擴大波幅, 否則唔夠水位俾大鱷轉身, 熊熊亦已下移至30600水平, 在6月的波動範圍內, 只要屠熊後仍收30600樓上, 代表會挑戰30800關鍵大位

大鱷今個月繼續玩好淡通殺, 急跌後就會急彈, 唔會走單邊, 仍在30000~31000主區間上落,兩邊爆都企唔穩, 金融市場立立亂, 本周係超級星期更是亂上加亂, 連日大跌恒指插咗1500點,夠晒驚嚇,以跌幅計有望作出似樣反彈, 因為恐慌性拋售的裂口通常都會回補, 今日的下跌裂口在30241~30454

31/5 周四收市~點跌落黎就點上番去

回應 (478)
我要發表
陰陽師門徒仔
陰陽師門徒仔 2018/07/05 13:57:35 回覆

好傷呀 {#iconb_315}

美味雞煲
美味雞煲 2018/06/09 11:07:05 回覆
@c6...

謝謝 C6 ........ 入錯房都 5 知!慣性向尼 到留言 😂

c6
c6 2018/06/09 09:42:29 回覆

雞煲為什麼在這篇留言?

是不是要重新溫習這篇文章?

這篇文最後一句是大元帥金句

《㸃跌落黎就點上番去》

然後應該是升到你唔信、跟著是⋯⋯

《點上番去就點跌落黎》

美味雞煲
美味雞煲 2018/06/09 00:00:07 回覆

謝謝元帥 6月 7 號分析 😙😙😙 慢活,慢慢看 ❤️ 今日好靜......... 人呢?噚日收市前 熊 QQ 睇左元帥最近分析後做野,今日上午食糊。有得食就食,5 係就罪大惡極 😂

TC (投知) [信自己]
TC (投知) [信自己] 2018/06/07 23:28:10 回覆
@美味雞煲...

你好 {#iconb_62}

美味雞煲
美味雞煲 2018/06/07 22:46:16 回覆

謝謝贏兄貼文。

Tc , 你好👋🏼 

元帥今日有無買賣?

注碼定輸贏
注碼定輸贏 2018/06/09 00:05:29 回覆

1個月港元拆息升至1.3024厘,連升8個交易日;3個月息升至1.9189厘,創近10年高。

市強,什麼壞消息當睇唔到!已經出招~沽!

{#iconb_367}

騰訊近日遭「北水」拋售,港股通昨日再錄得淨流出2.3億元,三日合計淨沽盤達3.5億元,或拖累股價升勢。短線可觀望雙頂阻力兼100日線425元能否守得穩,若能企穩於該水平樓上,後市仍有力挑戰476.6元的52周高位阻力,否則有機會重返至400至425元的上落區間。

Options Planet創辦人金曹指,資金連續十星期流入內地股市,加上六隻專門投資獨角獸CDR戰略配售基金獲批,刺激中港股市上升,反映大戶對6月市況有信心。他又指,恒指於5月期指結算日,自30400點回落至30000點水平,其實是資金壓低倉位,為增加6月期指好倉作準備。

TC (投知) [信自己]
TC (投知) [信自己] 2018/06/07 09:41:58 回覆

早呀~ 各位~

有空的給個[讚],有興趣的可[追蹤]一下,感恩~

https://www.facebook.com/HKProgramTrading/

有興趣的朋友都係直接到我FB看看吧,因為我發覺貼出來太長了...SORRY {#iconb_625}

c6
c6 2018/06/07 08:59:28 回覆
@soho*...

今早已重新看了

《6月初上攻屠熊》

謝謝大元帥的指導

QQ今日要升升升

唔升就要蟹蟹了

注碼定輸贏
注碼定輸贏 2018/06/07 01:44:41 回覆

昨天外媒報道,美國已經要求石油輸出國組織(OPEC)提高每日原油產量100萬桶。消息傳出後,布蘭特期油急速向下,由最高73回到65元。

美狗也意識到如果任由油價升上去,通帳會失控,所以出口術。于是市場就可以放心,繼續大炒特炒!🍑+🍊

美味雞煲
美味雞煲 2018/06/07 01:29:45 回覆
@54321...

偷師?好丫。切勿偷竊,偷懶同偷窺 😂

54321
54321 2018/06/07 01:21:56 回覆

各位好, 早兩星期路過這里, 長知識了. 我是牛熊初哥,多多指教. 

以後都會多來偷師.  {#icons_dog1}

美味雞煲
美味雞煲 2018/06/07 00:39:10 回覆

元帥,有看你 6 月分析,每天看一次。無買賣動物,又係返工忙,無乜時間睇市。年頭到而家買賣動物都係輸,要急起直追 💪🏼💪🏼💪🏼💰💰💰 元帥忙,完全明白。放假才花多少少時間寫分析,感謝你。如再多少少時間,平日可寫即時分析 😂😂😂 多休息哦 ❤️❤️❤️

c6
c6 2018/06/07 00:03:52 回覆
@史哥...

感謝史哥分析

感謝贏大哥貼圖

希望在這裡能經常見到大家

認識大家c6感恩good night

c6
c6 2018/06/07 00:24:44 回覆
@soho*...

恭喜!恭喜!

大元帥新project大展拳腳

請大元帥不要離開這裡

沒有你唔識點炒要戒賭喇

多謝大元帥記得c6🙏🙏I

無話你知入了那隻

你都知我入建行!

大元帥勁厲害

史哥
史哥 2018/06/06 23:30:35 回覆

Soho..

2月開始。。月上月落。。

因此 。我看本月收升。。

維持33484..已見顶看法。。

國指领軍。。

只要本週站上週保力加中軸。。

12400收。。

即可打破近多月以來横行格局

並且向32600gap.. .進發。。

否則。。又要再尋底。。

咁。妳又有何看法???

留意。。下週一又到月供時。。

注碼定輸贏
注碼定輸贏 2018/06/07 01:31:19 回覆

元帥,現在才是月初,大鰐點可以撐到月底呢?

各位大佬,睇翻美狗VlX月線,不管貿易戰,特金會,中東問題,債息升....市場係一路都唔驚!

{#iconb_394}

证监会发布《存托凭证发行与交易管理办法(试行)》等规章及规范性文件。

《存托凭证发行与交易管理办法》(下称《CDR办法》)及若干配套规则今日(6月6日)正式发布实施。明日(6月7日)起,符合条件的创新企业就可向证监会递送CDR发行申报材料。

就创新试点企业的发行上市方式,证监会有关部门负责人表示,符合试点条件的红筹企业,可以优先选择通过发行CDR在境内上市融资;符合股票发行条件的,也可以选择发行股票。符合试点条件的境内企业,可以直接在境内市场IPO。

市場憧憬,百度有望最快於本月以CDR方式,首批回歸A股證券市場。分析認為,隨著CDR管理辦法發布,配套制度基本搭建完畢。由於創新試點企業多為巨頭企業,安排一些巨頭發行上市,或會擠佔其他中小創新企業的上市機會和資源。

(會不會分流北水南下呢?我想絕對有可能,近排北水流入已經越來越少,甚至流走!)

soho*
soho* 2018/06/06 22:15:48 回覆

史哥, 今次升浪你把間尺度到上邊度? 之前你說的圖表見頂訊號仍有效嗎? 六月埋單是否仍看收跌?

C6/雞煲, 有新project要做, 工作好忙, 唔得閒炒即日鮮, 少左睇市, 唔會每日寫收市總結, 不過[六月初上攻屠熊]網誌已詳述我對後市的看法

今個月主力炒正股, 偶爾炒牛熊, 上周已提醒大家QQ買上, 你地有冇郁手?

C6建行靚價出入, 叻叻! 大媽不斷走建行, 今日建行逆市下跌

而家登入頭條網要揭好多個版面, 每次入來都要搞好鬼耐, 真係好討厭, 我都唔明點解每次入來都要再輸入網名及密碼, 好煩, 唔想留言

贏兄, 港股升跌都好假, 操控味太濃, 分析都冇意思

注碼定輸贏
注碼定輸贏 2018/06/06 18:08:04 回覆

黃國英表示,現時全球炒股不炒市,例如歐洲股市熱炒奢侈品股;車股和金融股相對落後。美股熱炒大型科技股;金融股相對落後。

港股亦然。他認為港股市場上只有兩類股票值得部署。一類是極傳統的企業,如維他奶國際(00345),行業增長仍不俗,但入場競爭者少,不會有初創公司進入搶生意。另一類是最近熱炒的新興產業包括教育、物業管理、醫藥等,整個行業仍在增長,不會知頂位在哪,直至炒爆為止。

他又指,現時有數隻大型科網股符合資格透過CDR(中國預託證券)重返A股市場,估計第一批公司將包括京東、網易及小米等。他預期首批CDR上市後,將有利香港上市中資股的投資氣氛及估值。

注碼定輸贏
注碼定輸贏 2018/06/06 17:34:36 回覆

港股連續第5日上升,恒生指數一度升逾200點,高見31,332點;收市報31,259點,升165點或0.53%,「六絕月」暫未出現跌市。國企指數收報12,283點,升24點或0.2%。全日主板成交僅973億港元。(升市成交縮,大家小心啲!)

騰訊收市升1.19%,收報425元,為全日最高位,亦為連續第5日上升。

港股通(滬)錄逾4億元人民幣(下同)淨流出,全日餘額424.53億元。港股通(深)錄逾10億元淨流入,餘額409.86億元。

傳美國將撤中興禁令,手機設備股借勢炒上。瑞聲科技以全日高位131.9元收市,飆9.3%,是表現最佳藍籌;舜宇光學曾飆6.7%,高見170.9港元,逼近歷史高位,收市升近半成報168元。高偉電子飆16%;丘鈦科技升6%;鴻騰升7%。

美股納指連日破頂,騰訊以全日高位425元收市,升1.2%。友邦保險升1.4%,兩隻重磅股合共貢獻恒指77點。中國移動、香港交易所及滙豐控股靠穩。工、中、建3大內銀股及中國平安逆市偏軟。

近日強勢的內房股個別發展,華潤置地回吐1.4%,是表現最差藍籌;萬科亦跌1.4%。碧桂園及中國海外升1.3%及0.9%。

中國旺旺昨日公布業績後急跌5%,惟大行隨即唱好護航,今日曾勁彈逾9%,收市升6.3%報7.9元。蒙牛乳業先跌後升,收市漲0.7%。

見到2382升天,忍不住小注沽空,6月160位,每股付3.50!

花姐
花姐 2018/06/06 15:32:18 回覆

Soho回歸,病都好返,yeah!

美味雞煲
美味雞煲 2018/06/06 13:37:37 回覆
@(友仁) 踩單車能醫百病...

友仁,好野無免費架 😂 $158 / 1 年. 銷售商 Gang Wang 👍🏼👍🏼👍🏼

(友仁) 踩單車能醫百病
(友仁) 踩單車能醫百病 2018/06/06 09:14:27 回覆
@美味雞煲...

咁多隻叫闪电VPN,又話免费,邊隻至係呀?

c6
c6 2018/06/06 08:26:53 回覆
@soho*...

恒指又去到阻力位!

史哥全北中

大元帥向北???

今天大🐊肚子餓不餓?

打不打算吃🐻🐻

祝各位大賺💰💰💰

美味雞煲
美味雞煲 2018/06/05 21:39:19 回覆

元帥你好,熱烈歡迎歸來 👏🏼👏🏼👏🏼👏🏼👏🏼 元帥向國內翻牆超易無難度,下載 “ 閃電 VPN “ 百幾蚊用 1 年 👍🏼

We miss you so much 😂

無左你既分析,炒動物無頭緒 😄

c6
c6 2018/06/05 19:22:26 回覆
@soho*...

大元帥終於回來!

原來真的要耐心等待

很開心❤️💕等到了⋯⋯

史哥
史哥 2018/06/05 18:57:59 回覆

原……原來Soho..

上咗國内巡視業務。

{#iconb_63}

注碼定輸贏
注碼定輸贏 2018/06/05 18:02:03 回覆

原來元帥潛水返咗內地!嚇死人咪,本來想在頭條登尋人公告!

倉位:2628沽咗第一注,23元收0.30,加埋就來派息0.40!

恒生指數高開11點後倒跌101點,低見30,896點。受騰訊及內房股帶動,午後升過191點,高見31,188點,惟高位缺乏承接;收市報31,093點,升95點或0.31%。國企指數收報12,259點,升9點或0.08%。主板全日成交1,060億港元。

港股「六絕月」開局連升3日,連同5月最後一日大升市,恒指4日累漲1,036點。

港股通(滬)錄逾3億元人民幣(下同)淨流入,全日餘額416.95億元。港股通(深)錄逾9億元淨流入,餘額410.29億元。

外圍科技股急升,騰訊發力支撐大市,以全日高位420元收市,升1.2%,貢獻恒指37點。舜宇光學升1.6%重上160元;瑞聲科技升穿120關,收市漲1.2%。

內房股升勢持續,中國海外升4%;華潤置地升3.4%;碧桂園升3.3%,是表現最佳3隻藍籌股;萬科亦漲4%。

大行發表報告唱淡6、7月澳門賭收,濠賭股下跌。澳博急挫6%;永利澳門跌近4%;新濠國際跌3%;美高梅中國跌2.7%;銀河娛樂跌2.5%。

三生製藥及金斯瑞生物科技配股,收市跌5.5%及6%。

soho*
soho* 2018/06/05 16:38:27 回覆

大鱷今日食左31000~31200肥熊, 但31200~31500熊唔夠肥, 所以回氣再養牛熊

港股升埋今日就係四連升, 上次係六連升就回頭

通常每周升跌比例係2+3, 而家只係升左2日, 道期和阿爺都靚仔, 港股跌唔落, 只係即市調整

上証企3100, 港股企31000/12200, 係同步, QQ未見頂代表港股仲會上, 今日食左一注貨, 等本周再上就走多一注, 明日轉節氣芒種

下午才返港,好攰,要去瞓覺

soho*
soho* 2018/06/05 15:11:41 回覆

上周五返內地公幹, 臨走前咪拜托左贏大將軍幫我領軍上攻囉! 做乜仲搵元帥? 搞到元帥日日眼尾跳, 但年紀大, 又唔識爬牆留言, 唉!

剛才高見31188, 又去到早前31200幾棍光頭光腳大陰燭水平喇!

史哥
史哥 2018/06/05 13:20:39 回覆

全北中……

排骨仔
排骨仔 2018/06/05 08:37:03 回覆

元帥, 見字即回

家人甚念, 萬事有商量!

c6
c6 2018/06/05 08:05:39 回覆

大元帥及各位兄弟姐妹早晨!

C6已經90歲!

無時間忍耐、等待⋯⋯

因為等唔到咁耐(無命等)

大元帥快些出來!為什麼不寫文

❤️❣️❤️❣️💖💘💝❤️💜💝💖

掛念!掛念!掛念!掛念!掛念!

helenchan
helenchan 2018/06/04 19:52:14 回覆

Soho家已經成為大家呢十年八載的聚腳點,個個都認識Soho,我不要人來人往,由他喎!!我只會默默等待您回來....

注碼定輸贏
注碼定輸贏 2018/06/04 20:05:32 回覆

恒生指數高開343點後升幅擴大,午後曾升520點,高見31,012點,收市報30,997點,升505點或1.66%,連升第3日。國企指數收報12,249點,升1.91%。主板全日成交1,035億港元。

港股通(滬)錄1.35億元人民幣(下同)淨流出,全日餘額421.35億元。港股通(深)錄逾2億元淨流入,餘額417.85億元。

藍籌股普遍上升,碧桂園升近5%表現最佳;吉利汽車升4.5%緊隨其後。華潤電力逆市跌1.1%,是表現最差藍籌。

騰訊再顯股王本色,收升2.7%,報415元,貢獻恒指82點。友邦保險升1.4%;中國移動升1.9%;香港交易所升1.6%;滙豐控股升0.8%。

中資金融股強勢,中國人壽升2.5%;建設銀行升2.4%;工商銀行及中國平安升1.7%,是升市另一動力。中證監明日審核中國人保回歸A股,人保飆近9%,是表現最佳國指成分股。

石藥集團首日「染藍」,收市升3.2%。個別醫藥股續炒,石四藥集團飆8%;藥明生物創新高,收市升5.4%;中國生物製藥送紅股除權,收市升1.7%。

內地發布新政,削減光伏發電補貼,相關股份急挫。信義光能跌近15%;協鑫新能源跌13%;保利協鑫能源跌9.2%;陽光能源跌8.5%。

上證收3091,升16點或0.52%,成交1547億。

c6
c6 2018/06/04 19:01:43 回覆
@(友仁) 踩單車能醫百病...

友仁大哥!

我唔食西瓜咖!你不覺得奇怪嗎?

大元帥幾天無出現?1/6收市總結都未寫

史哥都揾大元帥收佢出來

TC (投知) [信自己]
TC (投知) [信自己] 2018/06/04 17:46:00 回覆
@c6...

認識,但人來人去,就由他吧

史哥
史哥 2018/06/04 17:15:32 回覆

Soho...

如妳所講……貪字得………………

好彩上週五南車已減半……

但……仲有一半……

救命呀……

快D出嚟打救下師父啦!

{#iconb_65}

helenchan
helenchan 2018/06/04 16:55:41 回覆

掛死人喇

(友仁) 踩單車能醫百病
(友仁) 踩單車能醫百病 2018/06/04 16:05:17 回覆
@c6...

你使唔使去買個西瓜先呀?

c6
c6 2018/06/04 16:03:12 回覆

見不到大元帥無❤️機炒股

見不到大元帥有💰賺都唔開心

見不到大元帥想😢了有三文治都食唔落

報告大元帥尾市已走貨你快D回來啦!!!

c6
c6 2018/06/04 15:20:14 回覆
@TC (投知) [信自己]...

Mr Tc 感謝你!你真的👌👌人

認識大元帥嗎?叫佢回來啦⋯⋯

排骨仔
排骨仔 2018/06/04 14:47:13 回覆

元帥, 返來啊!

依度冇咗你唔得架   {#icono0_6}

美味雞煲
美味雞煲 2018/06/04 12:48:55 回覆

元帥,快回家,超想念

TC (投知) [信自己]
TC (投知) [信自己] 2018/06/04 08:03:20 回覆

早呀~ 各位~

有空的給個[讚],有興趣的可[追蹤]一下,感恩~

https://www.facebook.com/HKProgramTrading/

helenchan
helenchan 2018/06/04 07:23:41 回覆

Soho,休息夠喇!快回家!念!

美味雞煲
美味雞煲 2018/06/04 00:41:14 回覆
@(友仁) 踩單車能醫百病...

友仁,你真超風趣 😂😂😂 

C6⋯⋯耐心等待 😂😂😂

c6
c6 2018/06/03 23:54:15 回覆
@soho*...

大元帥失蹤超過72小時

雞煲我們發表聯合聲明

強烈要求大元帥速速現身

(友仁) 踩單車能醫百病
(友仁) 踩單車能醫百病 2018/06/03 23:01:17 回覆

元帥已經去左豐Butt喇! {#icons_cat2}

元帥豐Butt返黎一定更加股滑, 股感更加充實!  {#icons_cat2}

美味雞煲
美味雞煲 2018/06/03 00:05:34 回覆

謝謝 C6, 見到元帥最新分析。你 5 講我都 5知 🔥 頭條............. 唉

瀏覽更多回應 正在載入...
user

最新回應

c6
c6 2018/08/20
@soho*...

大元帥這個夏天多romance

開房xx戲水真是快樂得不得了

大元帥謝謝教導🙏🙏🙏💕💕

C6即刻做功課good night

soho*
soho* 2018/08/20

雞煲/C6/小嵐, 元帥返內地五星酒店靚泳池同人開房.戲水, 不過未起行, 做埋D手尾才能放假

我地真係好鬼忙, 又要打大鱷, 又要滅蚊, 又要講粗口, 殺殺殺

大家真係要好好保護好自己的財產, 不要被大鱷逼到跳....舞啊!

明日759阿信屋股價要跳....

呵))) 蘇豪梗係住豪宅啦!

KK, 我習慣不持牛熊倉過周末, 博反彈入正股較為放心, 唔睇市或睇錯市都有得坐, 唔使打靶

你買左 鍾意及生發發, 我就講下啦! 兩隻都係快將除息, 所以近日見買盤追入, 部份係好息之徒買盤, 除息股通常係除凈後獲利沽壓會增加

史哥, 元帥去黃大仙為港股求籤, 解籤佬話原來8月上旬港股插水仲有一個原因 ~ blackout period, 大鱷係吼準時機出手

c6, 快做功課, blackout period 係乜冬冬, 點解大鱷特登揀8月上旬出手?

排骨仔, 冇錯, 26800邊有肥牛, 但周四(16/8)低位26871, 即係要創新低才能殺牛, 大鱷每次創新低都要起碼食3000張肥牛, 可能想再養肥26800附近的牛牛才一舉殲滅, 亦要留意樓上熊熊成長速度及下移情況, 如果有BB熊下移至屠殺範圍, 大鱷推升除了擴大周波幅外, 屠熊/震熊亦可抵消放生牛牛的損失,

美味雞煲
美味雞煲 2018/08/20

元帥,放大假去那裡?國內豪宅住番 3 5 7 日?😂

c6
c6 2018/08/19
@soho*...

大元帥我係你的超級粉絲

有重温你的文章👍👍👍

知道你放大假祝你旅途愉快

{#iconb_511} {#iconb_511} {#iconb_511}