制裁利油股
美股昨日早段反幅,沒有明顯方向,市場正在觀察美國總統特朗對於伊朗核協議的去留。特朗普午後宣布將會退出伊朗核協議,市場為之一震,杜指在15分鐘內插水183點,由升轉跌,不過尾市反彈回穩,收市微升3點,收24360點。
昨日美股全靠金融股頂住,標普金融板塊升0.7%,正如TD Ameritrade的首席市場策略師所講的,「如果金融股昨日沒有好表現,美股將會好肉酸。」
特朗普將會退出伊朗的核協議,其實此前已經講過好幾次,說除非見到歐洲的盟友能夠修正協議中的弊端,美國將會退出。特朗普昨日終於作出決定,反而減少了不明朗因素,股市好快就出現反彈。
保誠金融的首席市場策略師Quincy Krosby則認為,市場把特朗普退出核協議的決定,視為他集中精神處理其他外交事務,例如北韓的預告。
對於特朗普此前恐嚇話會退出伊朗的核協議,伊朗總統魯哈尼已表示,伊朗已有計劃應對特朗普的行動。魯哈尼的嘴雖然很硬,但現實上,在特朗普的多番威嚇下,伊朗人瘋狂搶購美元自保,搞到伊朗貨幣里亞爾今年以來大貶23%至歷史新低,伊朗央行為了穩住經濟,今年2月推出多項措施包括發行外幣主權債券、調高銀行存款利率、計劃對外貿易以歐元報價取代美元和關閉數十家未授權的外匯交易公司,更宣布鎖定匯率以4.2萬里亞爾兌1美元!
據聞當年美國要制裁伊朗,伊朗自覺非常了得,實力強橫,美國奈何不了她。誰知美國只是叫IBM停止供應服務予伊朗的銀行,伊朗便因為人民從銀行拿不到錢而大亂,原來伊朗銀行使用的櫃員機,都是IBM的。IBM只需拔插頭,伊朗經濟就像中興通訊一樣,立時休克。
要留意的是特朗普要重新制裁伊朗,將會有千千萬萬家與伊朗有生意往來的企業,一不留神,就會和中興通訊同一命運,被美國一棍打殘。
由於伊朗是石油出口國組織中第三大的產油國,美國重啟對伊朗的石油禁運,首當其衝的影響自然是油價。紐約期油昨日升1.4%,重上70美元上方,今早報70.03美元。而反映美元兌6隻主要貨幣的美元指數更突破了93水平,昨日收93.12,已經連升三週。
高盛昨日就建議投資者在未來的幾個月應該睇好石油和銅等大宗商品。另外,高盛的證券分析師Christian Mueller-Glissmann認為,雖然經濟增長和通脹組合已經變得不太有利,估計聯儲局今年還會加多三次息,但仍認為熊市和經濟衰退風險仍然比較低。對於美股未來的12個月走勢,仍然樂觀,但表現未必會像去年般靚仔。
總的來說,油價向上,可睇好石油相關股,見回吐時吸納。油價上通脹升,利息會加,利好銀行股。
陸羽仁
蛋散:我都係一般散戶,好多人講「股」我有時間都會睇,但唔會人講我去買,因為錢是自己的,人家又沒收我錢。 你好叻•••身家大把,應好多嘢做,唔明點解咁得閒,响度「阻住地球轉」(影響埋我閱讀•••)
2018-05-09
Dow Jones Industrial Average (^DJI)
24,542.54 +182.33 (+0.75%)
港交所未炒得入摩概念
2018年05月10日
美國宣佈退出伊朗核協議,國際油價顯著上升,帶動「三桶油」向上,升幅居重磅藍籌股前列,中石油(857) 急升4.4%,收報5.95元;中海油(883) 升2.3%,收報13.52元;中石化(386) 升2.2%,收造7.88元,三股合共貢獻恒指48點升幅。我一直睇好油股,認為佢哋上升周期未完。
其他重磅股普遍造好騰訊(700) 收漲1%,報394.6元。醫藥股表現不俗,中生製藥(1177) 升4.5%,收造18.66元;復星醫藥(2196) 上揚2.2%,收報45.75元;上海醫藥(2607) 升1.6%,收報22元;國藥控股(1099) 收升1.4%,造33.55元,基本上係繼續跌後炒反彈格。
半新股炒賣盤要計派彩
除咗石油股同醫藥股向好,其他股份都係炒吓消息,唔少股仔趁機郁郁吓,脫離咗半新股行列的SHIS LTD(1647) 早前停牌,跟住宣佈賣盤。買家以總代價6.53億元,向控股股東購入7.5億股,佔已發行股本約72.3%,並以每股現金0.87元提出全購。每股要約價較停牌前收市價0.99元,折讓約12%。買家將維持該公司上市地位。
SHIS昨日復牌暴升,曾高見2.18元,漲120.2%,收市報1.83元,升咗85%。該股去年三月上市,主要於新加坡提供綜合樓宇服務,專注於維修及安裝機械及電氣系統,以及於新加坡提供建築及建造工程服務。
雖然做建築無乜賣點,但認購反應不俗,不過掛牌炒作一陣就下潛,O依家上市過咗一年就賣盤,呢啲叫種殼,相信往後都有唔少半新股會行呢條路。有股票老行尊話,建築股係近年熱門上市行業,亦係賣盤焦點,皆因佢哋生意簡單,又唔係咁大發展,有盤數可以上市,成功上市後老闆套現上岸係最大目標。呢啲公司賣盤可能已見高峰,小股東亦應該適時套現,又去搵過第二隻炒作。呢類公司上市炒一陣就潛水,要買佢哋就要等股價跌到殘,去番殼價就差唔多,好似SHIS賣盤價八億幾就係一個指標。如果高價跟炒,咁就算買中都無得派彩。
恒指昨日升133點,收報30536點;國企指數收報12185點,上揚40點,成交只有842億元。大市成交減縮下,港交所(388) 公佈第一季業績,收入及其他收益41.5億元,按年升36%,數字相當靚仔,但股價只係微升0.3%,收報257元。睇番首季業績,現貨業務收入及其他收益按年增長53%,達11.3億元;結算業務分部增長37%,至14.87億元;股本證券及金融衍生產品則升91%,商品分部則跌7%。港交所首季市場動力保持強勢,現貨市場平均每日成交金額增至1461億元,按年升97%,交投增幅勝過全球大部份交易所,交易費按年增長96%,呢個解釋咗點解佢首季生意數據都幾好,但股價跟唔上,好大原因係大家見到近日交投縮咗咁多,第二季唔知係咪可以維持。今年第一季指數衝上34000點,每日成交高峰時逼近2000億元,港交所成為大贏家,可惜到咗第二季一開波市況就逆轉,所以首季業績基本上係最靚仔,第二季有機會同去年比持平,但肯定比唔上首季。
港股首季旺勢暫逆轉
第二季業績褪色,港交所不忘提醒大家,滬深港通交易量錄得季度新高,滬/深股通及港股通平均每日成交金額,分別按年升27%及49%,反映內地投資者傾向將投資分散至香港,期望A股下月被納入MSCI新興市場指數後,進一步刺激滬深股通成交。對於呢個期望,陸羽仁覺得有機會好似互聯互通,初期未必咁快會熱得咁緊要。首先入摩係分段進行,初期調整比重,指數基金配置調入資金有限,其他外資就會受中美貿易戰影響,未必敢咁快大手加碼。長遠如果內地投資市場開放,基金逐步增加,交投先至會反映,所以買港交所暫時都要有啲耐性。
陸羽仁
//
陸羽仁真係永遠都係見升叫升,見跌叫跌
//
陸羽仁:我呢啲投資建議,你覺得啱睇可以睇,覺得唔啱睇可以咪睇,兩不相欠,相當自由。
SIGH...
經典淡友潛水員仲未出現...
SIGH...
blogcity.me/blog/reply_blog_express.asp?f=5YTPBH5B812303&id=866052&catID=&keyword=&searchtype=&tm=85902.68
陸羽仁真係永遠都係見升叫升,見跌叫跌
想當年伊朗簽核協議時油價27蚊,佢就話伊朗油要重新出口國際市場油價睇20,最後事實係之後伊朗油不停提高出口量但油價彈快6成,到依家都未見佢檢討點解錯成咁,果時油價大跌連帶引發德意志銀行面臨破產恐重燃歐債危機,佢當時睇油價去20蚊唔單單係睇死油價,其實仲睇死全球經濟,所以恆指當時18xxx點陸羽仁仲睇到佢跌去16000,結果所有野都錯到離曬地,佢到依家都唔知有無去檢討過佢衰D咩
唔講遠講返近少少,就上年陸羽仁執著美國頁岩油技術會令油價大跌,我記得就2017年3月尾同7月初兩個時間點佢都寫篇文睇衰油價,後者文名十分囂張說叫大家估下油價會跌到去邊?當時的時空背景係美國油庫與油產由年初一路增長,陸羽仁認為係頁岩油革命關係,但我有係依度留一篇長文解釋,當時油庫大增最大原因唔係頁岩油係2016年美國冬季比預期暖,冬季用油少導致油庫累積,我說依美國當時經濟狀況2017年美國油商一定會在夏季來臨前大幅煉油,4月尾開始美國油庫就一路減少,而另外OPEC一路減產杜拜油價走勢已經預視中東,亞洲原油供應緊張,但陸羽仁完全無睇到依D地方就係一味喊低,結果又錯到七彩
時至今日,油價已經沖到依個位,油股都已經近幾年高位,你又開始見升叫升,見跌叫跌,你如果係一個人龜係屋企投資就算了,但你影響住千萬人投資的決定時,你可唔可以唔好咁求其,做齊功課先發表評論?
老實講,香港金融發展到今時今日,股評業界都仲係咁低端,依個真係香港散戶的悲哀
《HKEx》- 02357 中航科工 - 內幕消息公告-本公司建議參與H股全流通試點項目
http://www.aastocks.com/tc/stocks/analysis/stock-aafn/02357/0/all/1
將軍,
淡友人齊未?
大戶兄: 出手未???
要賣多啲孽癌油?
早呀~
Good morning.