油價風暴
週三美股玩一個小V，早上11時跌到低位，然後杜指由低反彈近百點，收升182點，升幅0.8%，標普500指數及納指齊升1%。
推動美股造好的主力來自能源股，標普500指數能源板塊升逾2%，係11個板塊中表現最好，美國兩桶油Chevron和Exxon Mobil分別漲1.7%及2.4%，能源企業係銀行大客仔，加上油價升通脹升利率也會升，亦帶動金融股造好，金融板塊升1.5%，係表現第二好板塊。
利息升令公用股逆市下跌0.8%，主要係受到利率上升影響。美國10年期國債債息又重上3厘樓上。估計香港也會有油股銀行股升、而收息股下跌的狀況。
能源股大漲，主要受惠於國際油價創出超過3年高位，紐約期油昨日大漲逾3%至71.25美元。油價大升，主要拜美國總統特朗普單方面撕毀伊朗的核協議所賜。
市場預計，由於特朗普已表示將重新啟動對伊朗的經濟制裁，伊朗石油將不能出口到國際市場，伊朗係石油出口國組織第三大石油生產國，在2008年開始，美國為首的西方國家制裁，禁止伊朗出口石油，伊朗石油生產在9個月內由每日340萬桶迅速下滑到每日260萬桶。紐約油價亦由2009年1月的32.7美元一路衝上113美元，到2015年達成核協議，伊朗石油解禁，油價一路下滑至2016年2月時的26美元低位，然後沙地大力推動全球減產支持油價，才反彈回升。按相同邏輯，伊朗再次被制裁，油價大有可能回升上當年的100美元。
不過，有分析指出，油價因此而會上升，勢所難免，但能否升上三位數字，仍有疑問，因為隨著美國頁岩油和氣的生產技術得到突破，生產力大增，很大程度上能夠補到伊朗石油的缺口。特朗普制裁伊朗，都係為咗增加美國石油產品的出口市場，特朗普在石油需求高峰期臨近禁止伊朗石油出口，是想搶走伊朗的市場份額。無論如何，油價走勢向上，維持等油股回吐吸納的看法。
另一個值得留意的地方是美元，反映美元兌6隻主要貨幣的美元指數連升4個個交易日之後，昨日略為回順，由上日的93.42回落，但仍企穩93以上，要留意美元指數會否升破93.89這個阻力位，一旦升破，美元將會海闊天空，有很大的上升空間。全球的資金流向即將逆轉，特別是新興國家將會遭殃。
事實上，美元指數由88.25回升，途中已攻陷了多個國家貨幣，當美元指數升上89，土耳其及阿根廷卒先淪陷，之後升至90.8，到印尼、馬來西亞和巴西貨幣冧盤，美元指數日前升上93，印度盧布即時唔掂。要留意的是，若美元一路走升，到一定高度，人民幣也會受到影響，要特別留意。
陸羽仁
陆老师 : 宜家留意510050 大陆的 华夏上证50etf... 是否类似香港的3188 ！？？
因为进出频密，以及耳目渲染下，错判
陸sir
之前請教過陸sir 883 走勢建議，幸好有你的回應，繼續持有。雖然只係平返高價追700蝕的錢，但仍然感覺良好。
其實我買股票十多年，總結是輸左一年人工。眼見大部份人都是輸錢，很奇怪。反而炒樓炒車位既先至真正賺。
2018-05-10
Dow Jones Industrial Average (^DJI)
24,739.53 +196.99 (+0.80%)
酒店股同人唔同命
2018年05月11日
美國制裁伊朗，等如同油價打強心針，喺油股推動下美股再彈，港股重上三萬點關口，恒指收造30809點，升273點；國企指數收報12233點，上揚48點，成交上番931億元。
產業信託息率高企
呢期大市反彈，領軍唔係新經濟股，而係油股、銀行股同零售股等舊經濟股。相對個別本地銀行股創歷史新高，零售股亦屢創一年高位，但地產、酒店同樣係舊經濟股，升幅就追唔上，有啲同人唔同命感覺。
地產股受壓可以理解，皆因樓價高企，超越一般人負擔，打壓之聲喺社會再度響起，加上息口攀升，地產股反映後市風險，股價落後相當合理。
酒店股雖然同屬資產股，但今年訪港旅客人數回升，零售業率先反彈，酒店業卻未見報喜。相反，呢排酒店業主會仲走出來同民宿網Airbnb開火，話佢哋違法經營。據講，觸發呢單嘢的底因，係Airbnb想擴大地盤，同部份酒店傾合作，觸動咗酒店業主神經，於是發難炮轟。
早前聽酒店業人士講，話呢期旅客雖然回升，但酒店入住率和房價，同上次好景周期比明顯有差別，之後酒店股真係跑輸大市，咁唔怪得之酒店業主發難。酒店經營無以前咁好搵，另一大因素係政府年前增加咗酒店，供應多咗自然影響房價。呢個係政策因素，同民宿增加無關。
業內人士認為，呢個供求關係變化，對酒店生意影響其實仲直接過民宿網。零售業受惠租金下跌、酒店業就受害於租金無得升，小小差別，結果旅客人頭湧湧，兩者股價就強弱大不同。
睇番酒店股價格，好多數字都好吸引，譬如本地最大酒店股富豪信託(881)
，O依家市盈率只有三倍，息率有六厘，資產折讓有五成。佢股價表現相對算唔錯，距離一年新高仲有4%左右，主要係佢屬於地產信託，派息去得盡，酒店生意好咗，派息點都增加，其他酒店股表現就無咁靚仔，最明顯係隻大酒店(045) 
，幾個月前佢借大戶買股消息炒收購，股價升上17元，之後消息不了了之，股價回番落去，O依家喺12元水平浮沉，相信好一段時間都見唔番高位。
呢排市場焦點之一，係首隻同股不同權股份小米集團估值。新浪科技引述消息報道，小米和保薦人將定價定在以700億美元(約5460億元)估值為基準。早前有說法小米想目標估值去到1000億美元(約7800億元)，大幅削減三至四成。但之後不斷傳出估值調低消息，甚至講到估值低於500億美元。若然去到咁低估值，佢係咪願意上市都成問題。《華爾街日報》O依家講法係，小米在IPO中目標估值700至800億美元，同內媒說法較為接近。
小米想上市要接受現實
小米呢啲大股上市唔係咁易，要睇天時地利，如果市旺就梗係順風順水，高價賣股都可以唔憂。現時市況顯然唔係咁，喺咁嘅情況就要睇埋門一腳，個市係咪有足夠承接力，同埋公司係咪願意接受低啲估值，一於上咗先算。
小米預備上市時間係六月，本來有A股入摩因素可以憧憬，但現時美國加息機會好大，對股市影響未明，小米就要接受現實，估值肯定唔可以按本身主觀意願定價。至於調低估值後，係咪可以順利上市，仲要睇係咪揀到個好時辰嚟出世。
陸羽仁
大戶者，309樓上重熊仲未殺
好多紅人, 牛紅比例 45:55
1789 開車啦🚀🚀🚀
839 1789 高高高
又黎到30700，30800呢個位，前幾次都破唔得，唔知今次會唔會因為樓上多熊仔而上破到呢？
將軍，又進場了？
牛熊憑誰來定錯對 我只懂一追再追.....
早
早呀~
Good morning.