域 流亦詩
域 流亦詩
域 流亦詩

花拳繡踢(四)

2018/05/11 15:45:32 網誌分類: 各家大事
11 May

 

喪普打盲拳

蠻打甚眼冤

空門今大露

吃虧在眼前

 

喪普一心諗着、閘王不敢拿今日紅家擁有嘅成就去跟他晒冷、故開出以下的不平等條約「包括:兩年內降低對花家貿易逆差兩千億花元;必須購賣花家指定嘅產品、若花家認為不滿意、將會對紅家作出制裁、而紅家不准反制裁花家;不准紅家參與投資花家高科技項目、並全面開放紅家高科技市場給花家;不准向“龍之製造 2025 ”有關高新科技項目提供保貼、若該等物品銷往花家必須繳交徵罰性關稅。」迫使紅家簽署。嗱、喪普不知己亦不知彼、便妄想迫紅家無條件投降、咁就梗係撞正大板啦!其實人人都睇得出、喪普本來要上演一齣殺雞儆猴給全世界“由其是佢班𡃁睇、而紅家就是那隻雞。殊不知雞殺不成、反而驚醒咗班馬騮。正當喪普要斷絕向紅家提供晶片之路時、其他人就開搶攻這一個“吸納世上晶片總產量六成多”嘅大市場。忽裂顛 AM 公司主動提出(紅家為占股份 51% 成大股東、而 AM 49% 股份為二股東)合作在神州設廠開發高端晶片、還有台島聯乜科和其它大形半導體公司趁機闖入神州分一杯羹。睇嚟、花家晶片巨頭糕通公司多得喪普唔少矣!

 

當喪普出盡法寶對付紅家嘅時候、紅家卻密鑼緊鼓的做着一此對家族有建設性嘅事。紅家將礦石交貿上市、並指定以人元找數。除此之外、紅家亦開始以人元作為石油交貿、以及大單交易嘅找數貨幣。直到目前為止、已經有紅家、沙俄、波斯、位內睡拉、印狸、大馬、暹羅、安哥孻、巴鐵等九個家族正式以紅家銀票(人元)作為大單買賣找數貨幣。得意豬和罰躝西亦正開發家族央行、將人元納入其外匯儲備。如果事成嘅話、這就是近百年來、第一個發展中家族貨幣成功打入發達家族外備嘅世界紀錄。按目前走勢看來、將會有更多家族陸續加人以人元作為找數貨幣和用作外備嘅行列。有經濟學家指出、按黃金計價、花元價值只值 70 年代嘅 2.89 % 水平左右。事實上、花家欠責纍纍、以及花老大佬喪普係一個公認為反覆無常嘅家伙、這亦係令到花元信用下降嘅重要因素嚟。難怪花家最近推出嘅花債滯銷啦!之但係、如果花債持續滯銷兼變成孤家寡人嘅話、難保喪普唔會嬲起上嚟、搵敘利瓦、波斯、或北寒來出氣、將啲炸彈亂掟一通。如果真係咁搞法、分分鐘會焫起第三次世界大戰架!除非佢真係被彈劾又或者發夢遊天堂唔肯返落嚟、而由白頭老二頂上啦、否則後果難料架!

 

 

 

回應 (0)
我要發表
user

最新回應

*KK*
*KK* 2019/09/18

兄台眼光獨到. 不出一年就有大龍鳳睇了.

"污膠藤"單野, 不知若傳到近日來港的"毒眼寒流柑"之祖家又如何呢? 若彼邦之"安胃女孩像", "神大將軍像", 甚至"安義士像"等受如此對待, 真不知此"柑"會否敢在祖家國民面前仲乜野物野囉...

多年來各大爛仔館既欺師滅祖, 以至人性夏令營等精彩場面, 真係值得透過寒流輸出至全球! 彼此認識, 促進交流呢! 世界必有新氣象, "時代革命性解放"嘛!!!

開心van仔
開心van仔 2019/09/18

你好,很久不見了!我沒有在頭條寫野也有一年了!今天突然回來看看,高興見到你呀!近月心情很沉重,太多負面新聞令人情緒低落,不知亂局何時了!

123331
123331 2018/08/22

亞域哥,「來者應,去者靜。法住無常,止心一處。」謝謝。

開心van仔
開心van仔 2018/08/22

很喜歡看你的文章,為何不寫?你今日的話令我有共鳴!我進入古稀之年,剛做了第二次通波仔手術,對世事已不再熱衷了。只希望可開心過每一天。回望過去幾十年人生,很多事都淡忘,只記開心的事,不開心的由它去!現在對很多事都淡然處之,只爭取多些時間與孫兒們相聚。

祝君身體健康,生活愉快,開心每一天!真希望可再見你的文章!