保皇黨:咁都啃得落?

2018/05/12 06:35:40 網誌分類: 政治
12 May

轉載:

 

林鄭成日吹噓新政府有理財新哲學,點知「史上最離譜」嘅財政預算案一出啫,即刻搞到民怨沸騰,狠狠咁摑咗林鄭同波叔一巴。咪睇預算案尋日終於三讀通過,其實全靠建制派含淚硬撐同埋反對派曲線支持,絕對唔代表市民收貨囉。(「正苦」同「黨」一樣,一蟹不如一蟹)

 

嗱,《2018年撥款條例草案》終於過關,即係話財爺陳茂波歧視性派發四千蚊嘅「補漏拾遺」方案終於落實,港府當然鬆一口氣,但呢份預算案被市民鬧爆就係鐵一般嘅事實(咁啲市民做咩嘢要選呢啲「已完」?佢地有尊重民意咩?)梗係啦,港府庫房水浸,肥到襪都着唔落,偏偏守財奴上身,拒絕還富於民,最終搞出一個漏洞百出嘅選擇性派錢方案,淨係行政費已超過三億元,比上次鬍鬚曾全民派錢高出一大截,受惠人數就減半,仲未計申請手續有幾咁繁複,落實無期,被轟為「阿茂整餅」就係咁解。

 

好明顯喇,預算案之所以過到骨,全靠建制派保駕護航,不過呢啲都係佢哋「天職」使然,唔等於心服口服(天職?即使要保皇,都要過得自己、過得人架!)呢,立法會喺通過三讀前審議修正案,當中波叔提出向四十三萬名領取社會保障金額人士發放四億多元補貼,就有三個建制派議員投下反對票,其中一位更堅稱無法捂住良心投贊成票添,足以反映呢份預算案幾咁不得人心(呢啲「議員」就值得投票選佢地)。

 

話時話,今次預算案都算審議神速,同過去不斷拉布搞到港府幾乎跌落財政懸崖,同埋部門停擺不可同日而語,反對派今次合共提出二百多項修正案,係近年最少,就知佢哋有心放水,難怪波叔會後感謝議員冇搞破壞,擺明有景轟喇。咁又係嘅,林鄭犧牲法治喪玩「大和解」,最受惠嘅就係反對派金主漢奸黎,佢單政治黑金案獲放生,恐嚇東方記者案又不了了之,怕且連佔中案都唔會有下文。雙方眉來眼去,收咗林鄭三萬大洋嘅白鴿黨率先投下棄權票,部分反對派政客仲投贊成票添,呢啲咪叫識Do囉。(大和解?就係要同全香港市民作對!)

 

當然喇,反對派出賣選民都唔係第一次,早就做慣手勢,你估佢哋真係為香港人爭民主咩,做戲咁做嘅咋,為自己謀福利至真。大家有眼見,呢份預算案新瓶舊酒,一無是處,一味搞埋啲小恩小惠敷衍塞責,難為波叔仲自誇預算案做到投資未來,未雨綢繆,簡直唔知醜字點寫。再講吖,波叔第一次正式揸攤啫,就估錯數高達一千三百二十五億元,比「史上最廢」嘅鬍鬚曾更廢,被質疑數口差過幼稚園學生,反對派咁都啃得落,你話冇枱底交易都冇人信喇。(咁又係:盈餘唔水浸,又點應酬果班係唔係都申請法援嘅友仔?反正又唔係用佢地份糧!)

 

講到尾,港府善財難捨,冤枉甘心,部分市民收到呢四千蚊都背脊骨落。冇計嘞,中央所託非人,港人治港淪為庸人治港,喺一班廢官同垃圾政客把持下,香港點會有運行吖。

 

回應 (0)
我要發表
user

最新回應

立 冬
立 冬 2018/06/13

新版都有好處的, 至少用手機來睇會較以前方便.  你休息夠了再回來啦!   {#iconb_21}

VanYYY
VanYYY 2018/05/24
@域 流亦詩...

雖然我封舉,有空仍會拜讀你的大作!

KING.
KING. 2018/05/19

都要改啦, 以前頭條blog都唔係mobile reponsive web. 而家改左,你有冇發覺冇以前咁棘.

域 流亦詩
域 流亦詩 2018/05/18

祝你身體健康、愉快。它朝有機會再在博海相見!