真係好孝順 2018/05/12 10:42:13 網誌分類: 生活 12 May 聽日就係母親節,老實講,個衰仔包由以前開始,一次都冇送過咩禮物或者有咩表示,所以我今次都唔抱咩期望,就當係個普通嘅星期日咁過。 點知就喺我下定決心嘅時候,阿仔突然間同我講:「講起上嚟,阿媽,聽日係母親節喎。」 我當堂嚇咗一跳,但仍然扮到冇嘢咁講:「係咩?」 仔:「……阿媽,你聽日唔好洗碗喇。」說來慚愧,聽到呢到,我已經差啲感動到流馬尿,估唔到個衰仔都識講啲咁嘅嘢氹人。 我:「你咁講嘅意思係咪即係……?」阿仔對我點咗吓頭,跟住話:「啲碗留返後日洗咪得囉。」 回應 (0) 我要發表 發表回應 會員回應 私人回應 名稱 密碼 登入並發表回應 新會員登記 取消