花拳鏽腿（五）

鋼牙遇上斬崩刀

再不商量便掟煲

既屬搵銀無異意

揸扒再傾有利圖

自從上次花家講數團在紅家不歡而散之後、喪普發爛渣、話明要令紅家難受。嗱、話口未完、喪普又發功指出、佢與閘王正在為為燶興電訊恢復做生意而努力。咁即係話、燶興是否翻生、就要看看紅家講數團能為花家帶來幾多利益和讓步而定。

以上述情況看來、喪普不會犧牲花商在紅家市場嘅巨大利益而跟閘王鬧翻的。花家大豆在神州每年賣得 140 億花元、而平哥手機在今年首季就已紅賣得 130 億花元、收入與整個歐洲拉平。換句話講、如果平哥失去紅家市場、每年總收入將減少一半、如果連累埋腹凸和通容汽車、以及農產品乜失去這個大市場嘅話、唔止喪普個人政治前途盡毀、甚至會累起整個弄和黨的。以喪普呢類精甩辮嘅人物嚟講、係唔會做出啲咁愚蠢嘅事嚟。

喪普誤判、斷絕紅家獲得高端晶片之路、就會令到紅家嘅衛星、導航系統、雷達、導彈、軍機、等一系列軍事裝備通通跪低。之但係、紅家以事實證明、軍方早在廿年前便開始研發軍生芯片、並且一直沿用至今天。只要看看由紅家一手一腳自製嘅「神威太湖之光計算機」保持嘅世界最快運算紀錄至會無人能破、就知到紅家並非吹牛。喪普已經明白到、即使禁絕花家晶片輸往神州、亦只能對民間電設業構成打擊、但絕不會影響閘王嘅王者地位。從喪普當日只判燶興七年徒刑而非登時問斬看來、佢亦一早埋下伏筆、為自己留下轉彎餘地。

雖然罰躝西、得意豬、爾大脷等歐盟成員跟隨花家、在半導體工業方面齊齊封殺紅家資金、但罰躝西和得意豬又在背後各自設立央行、將人元納入外備。由此可見、白番一方面乘搭紅家紅濟順風車、但在另一方面卻是槍口一致對準紅家的。世間上嘅結盟和對抗完全係由利與害嘅比重來決定、基本上沒有真正敵人或朋友、只有利益。誰能將機會把握得快而準、誰就是贏家。以當前局勢看來、紅家當頭起、花家當頭跌、已經係世界主流、非人類意志可以逆轉的。