反彈之後....
美股杜指連升第8日，昨日早上一度挑戰25000點，但無功而回，升幅反覆收窄，收市報24899點，升68點，升0.3%，標普500指數及納指靠穩收場。
在中國副總理劉鶴赴美進行第二輪中美貿易談判之前，特朗普於周日晚突然在出招，在Twitter上說「會幫助中興通訊盡快再做生意」，雖然北京已經表示這不會改變未來幾日的現狀，但市場仍然把特朗普此舉解讀成向中國伸出橄欖枝，對市場係一個健康訊號。
TS Lombard中國研究部門主席Jonathan Fenby表示，總統特朗普突然關心起中國的就業狀況，給人一個相當變臉的感覺。他認為最有可能的解釋係特朗普透過放生中興，向中國釋出善意，希望習近平可以在特朗普和北韓領袖金正恩在會面時可以幫幫口，推進美朝早日達成協議。特朗普和金正恩已安排了在6月12日於新加坡會面，這是美國總統與北韓領袖歷史上首次會面。
另外，也有分析指出特朗普之所以突然向中國示好，部份原因還是美國最大敵人伊朗近期的動作，在特朗普單方面撕毀核協意之後，伊朗外長查瑞夫旋風式出訪，上週日飛到中國與外交部長王毅會面，表示會全力維護核協議。查瑞夫之後飛到莫斯科，今日將會去到布魯塞爾與英法德三國會談，為核協議做最後一搏，英國首相文翠珊已經打電話致電伊朗總統魯哈尼，話英國及歐盟都繼續留在協議。相對於北韓和伊朗而言，美國會覺得與中國的貿易戰又不是什麼大事了，放生中興，暫時減少一個敵人，才為上策也。
無論如何，特朗普此舉，令到市場對貿易戰的擔心緩一緩，對投資氣氛有好處，對與中興相關的行業，更係大好消息，昨日，中興零部件供應商股價應聲造好，其中光學零件生產商，如Oclaro、Lumentum 及Finisar 分別升2.9%、2.2%和1%，Acacia communication更勁升8.7%，香港上市的舜宇光學（2382）昨日亦因消息勁升7.8%，收報153.5元。
另外，中國監管機構表示將會重新研究美國的高通（Qualcomm）擬收購NXP Semicondutors的事宜，亦令到NXP Semicondutors跳升11.9%，高通亦升2.7%，同時帶挈了半導體股大漲，標普半導體股票基金（SPDR S&P Semiconductors）金升1.3%。
特朗普昨日傍晚又再出推文辯護他要幫助中興盡快「復工」的想法，他說中興通訊係中國最大的電訊公司，大部份的零部件都是從美國公司購買，中興事件的進展反映了美國和中國可以談出更大的貿易合作協議，也反映了他與習主席的個人關係。
不過大家不要以為中美貿易戰好快會結束，甚至已經打完，首先，特朗普說話就像四川變臉一樣，話變就變。在Twitter上講話始終不同於在國會上發言，他在Twitter的說話似放風多一些。中美貿易談判團成員之一的美國商務部部長羅斯（Wilbur Ross）最近就表示，中美之間仍然存在很大分歧，在美國談判團到達中國之前，曾發給中方一份十分詳細的清單，列明了美方的要求，而中方馬上回應一份差不多詳細的名單，而提出的要求內容與美方的訴求完全不接軌，可以講係傾唔埋欄。
特朗普吹完和風，股市應該有一輪反彈，但小心反彈過後，由於近期升得太多，可能會有點回吐。
陸羽仁
Paste your URL such as "http ://www.liveanimalslist.com/mammals/images/fact-about-fox-picture.jpg" in the section 多媒體網址 after clicking the Insert/Edit Photo icon.
無圖咗好耐啦，因為我唔識點攞張圖
2018-05-15
Dow Jones Industrial Average (^DJI)
24,706.41-193.00(-0.78%)
A股入摩步聲漸近
2018年05月16日
外匯基金派發今年首季投資成績表，收入按年大減60%，睇番全球投資市場表現，呢個都係預算之內。坦白講，去年外匯基金大豐收，O依家調整吓，挑戰其實唔嚴峻，皆因O依家美息處於向上周期，息升債券價格下跌，金管局持有大量美債，等如行上坡路，而且愈行愈斜。
金管局總裁陳德霖話，今年投資環境難以與去年比較，在利率趨升下資產價格將受影響，股市前景難以預測，稱今年投資環境更困難。現實上嚟講，增長推動通脹升溫，利率必然上調，直至冷卻經濟為止，中央銀行O依家政策係冷卻而唔係暖化經濟，從宏觀大氣候，息口趨向向上，會成為投資最大阻力。
不過，呢兩日同政經界猛人傾起，佢話香港政府剛剛公佈，首季按年實質增長4.7%，高於上季3.4%，連續第六個季度高於過去十年平均每年2.7%趨勢增長率。雖然政府仍然維持全年經濟增長預測3至4%，但聽聞首季呢個增長數字都令政府有啲意外。
加息下增長要買股
今年首季股市旺，可能有財富效應因素，加上貿易戰因素未產生影響，第二季情況未必會咁好。如果用第一季數字計，增長有4.7%，若然通脹有2%，兩者加埋用公碼計名義增長有成6.7%，用呢個數字去睇，O依家香港利率遠唔係2%，仲係遠低過增長，更加唔好講話加埋通脹因素落去。處於呢種情況，理論上至少應該將部份資金投資股市，先至能拉番高整體回報。
O依家投資者問題係面對兩個不明朗因素，一個係聯儲局政策；另一個係美國總統特朗普觸發的政策風險。聯儲局加息步伐左右資金流向，但以目前美國同全球經濟勢頭，美息逐步向上係可以預期，關鍵只係快定慢，所以利率因素不確定性唔算太高。相比下，特朗普神經刀作風，就令人莫衷一是。好似佢同中國打貿易戰，波及科技公司。點知日前佢又忽然發文，話會諗辦法解決中興通訊(763)
制裁風波。美國商務部長羅斯跟住放風，表示正研究其他方法制裁中興通訊，又話希望可藉著美國總統特朗普和中國主席習近平之間的密切關係促成協議。《華爾街日報》亦報道，中國和美國接近就中興通訊和農業關稅達成共識，美國將解除對中興通訊制裁，中國亦不再對大豆等價值數十億美元美國農產品徵收懲罰關稅。
特朗普忽然對中興鬆章，涉及眾多因素，可能同要中國幫手和北韓達成協議，又或者唔想中國幫伊朗，同時唔想中美貿易打大交，影響同中興做生意的美國企業。早前美國財政部制裁俄鋁(486)
時已經發生過。由於俄鋁喺全球市場佔有份額太大，華盛頓強制唔准同佢做生意，搞到好多美國企業有生產停頓威脅，最後美國惟有放寬對俄鋁限制，要求大股東賣股就得。美國佬打制裁牌，遊戲規則完全佢話點就點，仲經常轉來轉去，投資者企錯邊就好易被佢玩死。
喺咁嘅環境下，短期因素有時唔睇得太多，猛人話佢策略就係分散注碼。佢認為利息升，都係因為經濟好，現階段唔需要驚到完全避開股市，因為唔買股好難追到一年6至7%帳面增值，他的投資策略係恒指喺30000點下買入大股或指數基金，先收息再博反彈，至於特朗普出口術，佢就當住佢唱歌。
金融板塊佔比重
大市連升六日後，就算有中興好消息都一樣要回吐，恒指收造31152點，跌返389點；國企指數收報12440點，下滑103點，成交1052億元。升得多的藍籌回調亦急，騰訊(700)
急跌3.4%，再穿400元關，收報398元，大股東配完股點都傷咗元氣，股王好難話一口氣升唔回頭。之前累升唔少的舜宇光學(2382) 
回跌2.5%，收報149.6元；友邦保險(1299) 
跌1.7%，收報73.1元。業績唔對辦的瑞聲科技(2018) 
再挫5%，收報110.1元。
下個月A股正式入摩，隨著呢個日子步聲漸近，入摩個股名單終於公佈，新增A股股票11隻，合計標的有234隻，創業板上市公司無一入圍。
去在首批名單中，金融、周期權重最高，消費其次，234隻納入標的中，滬港通150隻，深港通84隻。標的平均市值約1118億元，數量佔A股6.7%，流通市值佔A股54%左右。首批標的基本覆蓋上證50、滬深300等大盤指數絕大部份成份股，對於中小盤覆蓋率較低。花旗估計，初期資金流入約180億美元，對日均交易額700億美元的A股市場，該行認為影響並不明顯，不過股市有時係講心理多過講實質，係咪無影響好多時都仲要睇埋氣氛。
陸羽仁
歡樂時光過得特別快 .....
K姐...
點解冇圖嘅...
SIGH...
test
倫敦金係人為賭局中之最。美少女係買果個定係氹人買果個?
MTR 唔會塞車， 不過會壞車
將軍：了解、受教了。及早離去4字講易行難，還望將軍経常指點迷津，好讓小弟少做迷途羔羊。
林之兄: 市場只是人為的賭局, 人在局中, 無論如何技術精湛, 都會有迷失的時候, 所以陸sir送子龍的第一句話就是--->股市專收叻仔. 師兄還是及早離場呢.
kaka: 美少女最近專注倫敦金......
將軍，不知道美少女近況如何？
將軍：可惜小弟無你等高手嘅精湛技術，所以只能在後面搖旗吶喊，睇有冇機會跟子龍大軍係混戰中搏下大霧。
kaka: 汽車只是代步工具. 美少女話跑車型咪渣囉, 查實子龍喜歡MTR, 又唔怕塞車...
將軍，幾時唔渣跑車試下渣賓利、勞斯萊斯？
林之兄: 話時話, 大市只是在區間中上落, 跌完又升, 升完又跌, 唔難睇呀.....
將軍：期待子龍大軍再次出大營，好等小弟跟在後面學習衝鋒陷陣
林之兄: 投機有其法, 有法行之為術, 但術必受制於勢. 即是勢在倉在, 勢亡倉轉也. 子龍大軍必驚天地, 泣鬼神. 勿慌......
鵝比醃漬 驚定喜?
幾時再食燒鵝比？
將軍：大軍咩水位先至會再出擊呢？
離場就插, 咁so.......
早呀~ ~新屋位置~