尋底之局
特朗普向中美貿易談判潑冷水,股市亦跟住「榭埋」,由升轉跌,杜指收市跌55點,報24714點,跌幅0.2%;標普500指數微跌0.1%;納指亦跌0.2%。
美國總統特朗普上週突然在Twitter上話放生中興,令到市場覺得中美貿易問題將有望解決,股市亦受提振。中美雙方昨日下午展開第二輪貿易談判,外界預期,中國在這輪會談期間會提出讓步,令美國公司更容易進入中國市場,而美方也會減少對中國公司施加壓力。有網媒在週三更大字標題話「美國吹暖風,談判現轉機」。
然而,特朗普昨日對正在進行的談判大潑冷水,話「談判能否成功?我比較懷疑。」杜指由早上最多升70點,一路下滑200點,尾市才收窄跌幅至跌55點收場。
特朗普對於中美貿易談判成效感到悲觀的解釋頗有趣,他認為中國已經被「寵壞」(spoiled);歐盟已被寵壞;其他國家也已被「寵壞」,因為她們總要向美國要求得到百份百她們想要的。
MRB Partners的證券分析師Salvatore Ruscitti表示,「中國將會安撫美國,但如何達到滿意的結果,非常複雜,而市場也會消化這些棘手的問題。看目前狀況,反映談判將需要一段長時間。」特朗普昨日向貿易談判放炮,科技股即時中招,標普科技股票基金(ETF)隨即下滑0.5%。
正如Cornerstone Financial Partners的合伙人Jeff Carbone所講的,「市場目前正進行一場股市正面因素和負面因素的拔河賽,正面因素係良好的經濟數據、美企強勁盈利和減稅,而負面因素則有地緣政治緊張、中美貿易談判,以及利息趨升。」
講到利息,拖累昨日大市的另一個原因係利息持續走高,正如有「新債王」之稱的岡拉克此前所講的,美國10年期國債債息升穿3厘,升勢將會加速,昨日收3.115厘,已經連升5個交易日,累升6.4%,升勢驚人。事實上,美國無論是短中長期債息都往上升,2年期國債息同10年期一樣,升穿7年新高,5年期刷新11年新高。而值得注意的是10年期及30年期國債息近日升得特別急,已經升穿此前的高位,呈突破的形勢。
投資者因為怕通脹上升會令到聯儲局的加息速度會快過此前預期,因而急急拋出債券,令到債價下跌、債息上升。利息向上,對於那些對利息敏感的股票例如公用股及房地產股固然不利,而借貸成本增加,亦會減慢經濟的增長,也會對股市不利。
股市近期比較波動,大摩分析師日前在網上撰文表示,容易投資的日子已經結束,建議投資者減倉,手持多些現金。大摩分析師認為,過去的9年,市場表現勝過實體經濟,而現時正出現相反的情況。他們的擔心通脹重來、不確定的政治環境,以及貨幣政策正在緊縮,將會帶來經濟衰退。不過,又認為經濟衰退在未來的12個月都不會出現。
我估港股上破4月高位後,要先進入一兩個星期的整固期,加上金管局不斷入市,大市氣氛麻麻,會促使市場向下尋底。
陸羽仁
陸sir,TLDR 就只睇頭兩段
袋鼠國同強國,外交上係的確轉差咗,但係貿易方面暫時都只係小動作多咗啲,未見有乜大動作 - 例如同啲留學生發出旅遊警示、話啲肉食入口唔合程序、諸如此類,同南韓賴嘢嗰鑊比較,小巫見大巫,反正近排未見過話啲礦物唔俾進口。
剛剛個週末响上海玩咗一年一度嘅體育外交,袋鼠國外長都把握咗呢個時機去補鑊。
腳註
只不過可以好坦白講,袋鼠政府對中國信任度正在下降中(相同地,根據環時,中國政府都對袋鼠國評價負面),對袋鼠政府而言,呢個唔單止係因為南海填島、一帶一路嘅政治含意;早前袋鼠議會有個影子內閣議員,收取與黨有關係密切嘅中國商人嘅金錢利益,跟住做出明顯有違在野黨及國家政策嘅舉動,因此人頭落地,亦同時驚動執政聯盟政府進行相關立法;所謂相關立法,其實等於強國成日話唔容許外國勢力干預,只係追貼番中國同美國都已經有嘅法例而已。(有留意通俄調查報導及評論嘅話,應該提及唔少花旗國嗰啲法例)
以上所提及嘅全部係公開資料及/或分析。
金仔和特特牌技都高。特特玩貿易戰亦去到盡,中國就穩紥穩打少出口術。
另外請教吓你,澳洲政府和中國政府關係轉差,有無影響兩國經貿關係?
貿易戰收兵 轉炒舊經濟
2018年05月21日
國務院副總理劉鶴上周與美國代表開完會後,雙方發表聯合公報,宣佈六項共識,其中最重要是中國將採取有效措施,實質減少美國對華貨物貿易逆差,中方將大量增加自美購買商品和服務,特別是美國農產品和能源。
雖然雙方聯合公報,並無包括早前傳出中國將縮減2000億美元的美國貿易赤字,但雙方顯然在大問題上取得共識。劉鶴話,此次中美經貿磋商最大成果是雙方達成共識,不打貿易戰。
農產品面對美國貨競爭
正如陸羽仁早前所講,要每年增加從美國進口數以百億美元計產品,入口石油及天然氣是最容易的。如今中美雙方果然就協議大量增加美國對華能源出口。農產品是另一個美國大量生產,而中國願意大量採購的商品,增加入口美國牛肉及大豆,自然會擠壓本地及其他國家同類產品供應商。
澳洲新政府2016年上台後,和中國關係不太友好。早前澳洲跟美國尾,將中興和華為手機,列作國防部「高度監管名單」,這兩間公司手機即將面臨被全面禁止命運。澳洲政客可能不知道,中國將大量增加入口美國安格斯牛肉,好容易將澳洲和牛擠出中國市場。國際政治本來就是如此現實。
市場適應 資金外流
中美未來貿易談判,雖然不會是一片坦途,但左看右看,貿易戰應該打不成,大大解除股市這方面風險,相信有助股市彈一彈。
上周五港股升105點,似乎慢慢適應金管局入市狀況,股市不跌反升。上周六凌晨紐約交易時段,金管局再度入市,買入近60億元港元,令到本周三銀行結餘跌至1094.6億元。在這一輪港元再次觸及7.85弱方保證水平後,金管局連續四日入市,累計買了189億元港元。外圍方面,美國10年期國債債息略為回落,回到3.1厘下方,上星期收3.06厘。
不知道大家有沒有發覺,自從股市於今年初衝高回落後,去年強勢股好像洩了氣一樣,例如騰訊(700) 即使公佈第一季有良好業績,上周四騰訊在美國預託證券市場衝上422元高位,香港升幅卻跟不上,上周五收411元。騰訊有好業績也沒有大升,主要因為科技股上升不符合近期「劇本」。
去年表現同樣很好的中國平安(2318) ,今年一月見高位98.85元後走勢更差,基本處於一個下降軌,上周五收78.3元,比今年一月高位低了20.8%,同期騰訊較高位476.6元,只低了13.8%。
騰訊平保 開始失寵
騰訊及平保下跌,基本上是去年升得多,今年資金離棄它們的結果。像平保目前跌至13倍市盈率,其實不算貴,但資金不買就是不買。
拉闊一些來看,也不單看香港,要看環球投資市場現時格局。直至今年一月初,美股大牛市已差不多運行了兩年,當中沒有經過大幅回落,今年一月搶高後才變臉,開始出現較大幅度回落。目前是見底反彈之後橫行格局。
資金換馬 追落後股
自從今年一月跌市後,股市出現明顯變化,資金由之前大升的科技股,轉去見底回升的能源股,或者估值比較合理的金融股。投資者這種行為有一個防守性傾向,似乎是在假設美國今年至少加息三次,甚至可能四次,在利息攀升環境下,不能夠對股市看得太樂觀。雖然大家估計牛市上尚未完結,股市調整得多會反彈回升,卻不再是過去那種長升不跌的牛市。即使未來股市可以再創新高,也隨時會大幅回落。甚至是未必能夠突破新高,只能在相對高位橫行。在這種環境下,買一些過去兩年並未大升的股票,一定穩陣過買科技股。特別是能源股,未來半年前景可能都會向好,更加會令人願意下較大注碼投資。例如巨型能源股埃克森美孚,雖然市盈率已升至24.1倍,但估計今年盈利會不斷改善,拉低市盈率,派息4.1厘,估計今年可能還會更高,就令到這些正在轉勢的傳統股份變得比較吸引。
回看香港股市,房地產股也是過去升得少的傳統股,過去一年都處於一個橫行狀況。雖然說利息上升不利樓市,但香港樓價未見下跌,新地還以高價搶啟德地皮,所以即使利息向上,地產股跌到咁上下就不會再跌。上周五恒基地產(012) 升0.7%,收50.85元。派息期臨近,股東不願意放棄高息地產股,何況恒基還有十送一紅股。另外,信和(083) 表現也相當好,上周五收1.6%。
周期股份 輪流登場
從市場上可以見到,大戶資金開始轉投傳統股份,對科技股沒有興趣。最有趣的是,騰訊出現一個大媽鬥大戶狀況,大戶興趣已經轉移,大媽仍抱著去年只升不跌的舊記憶,繼續買入騰訊。在騰訊上周四公佈業績後,大媽繼續搶入,形成一個鮮明對比。
當經濟好了一、兩年之後,熱度開始升溫,這對傳統周期性股份最有利,從能源股、運輸股到傳統消費股都會受惠。到這些行業受惠一段時間,相關設備股也會感受到其中好處,因為行業景氣回升,企業就會增加投資,擴大產能。例如油商會投資開發採油設備;航運公司在周期開始時,會把原來停航貨輪重新開動,當需求大增,船隻不夠用,就會訂做新船。經濟繼續上升,對傳統周期性股份有利,也會進一步輻射到相關設備股和製造股。
科技股不是不行,經濟環境好,也會增加科技方面投資,但現時熱炒的科技股,多數不是與生產相關,而是一些顛覆性行業領導者,像美國的FANG或中國的BAT(百度、阿里巴巴、騰訊),她們自成一國,早已被市場極度看好,不同於那些與生產相關的科技股,例如軟件股。另一受惠的傳統股份是銀行股,由於利息向上,息差擴闊,有利增加盈利空間。
我之前提過的航運股招商局港口(144) ,說可以在17元附近買入,之後真有一點見底回升跡象,上周五收18.32元,招商局港口即使最近開始回升,仍然處於近幾年低位,如果不是有中美貿易糾紛,相信股價應該處於20元以上,所以建議見到股份回吐可以吸納。
油價近期連番衝上高位,上周五略為回落。紐約期油收71.35美元,油價半年內有機會衝上80美元以上。要留意中長線中國增加美國石油進口,對國際油價將會產生甚麼影響。
石油設備 後市看好
上周五內地石油及石油設備股爆升,也拉動香港相關股份上升。我一直看好的中海油(883) 升3.4%,收14.46元。升得更勁的是中石油(857) ,收6.51元,升幅6.4%。由於中海油主要集中石油開採,對油價比較敏感;中石油在開採及油產品的銷售生意比較平衡,對油價敏感度不及中海油那麼高,不過,由於中石油還未創一年新高,吸引追落後資金追捧,上周五股價抽高。
有朋友早前看到我的建議,買了華油能源(1251) ,現時已有兩成多利潤,問我應否食胡,我話股價升得太急可能會略為回吐,但中線仍然看好,如果不等錢洗,不用太急沽貨。
大型石油設備股如中海油服(2883) ,細的石油設備股如華油能源,升浪都只是剛剛開始。因為油價先升,作為設備股業績改善會滯後,當油價升得比較高時,開採石油投資會大幅增加,才推升這些設備股業績,估計它們業績改善高峰期會在2018年年結,甚至於2019年年結時。如果油價今年持續向上,石油設備股可以持有較長時間。
陸羽仁
股平樓貴難永續(大結局)
2018年xx月xx日 (xx:xx AM)
陸羽仁
金融High Tea——
股平樓貴難永續(下集)
2012-07-16
上周五是「黑色星期五」,但股市並不黑色,內地公佈第二季經濟增長只有7.6%,市場相當冷靜,內地上證綜指微微升鰦一點都唔夠,等如無上落,收2185點。港股亦撐住19000點大關,收19092點,升67點。
不過呢個黑色星期五去到美國仲精采,早前摩根大通深受「倫敦鯨」交易員投資失利影響,但上周五佢公佈上季業績較市場預期佳,股價勁升6%,帶動整片美國金融股抽上,再加上歐美投資者認為中國7.6%經濟增長,不是硬覑陸,杜指爆升203點,大升1.6%,終止連跌六日的頹勢,港股應有反彈,特別係跌得好殘的內銀股,應有像樣一點的反彈。
大戶操控詮釋權
股市就係咁,上上落落,壞消息面世時,又話「好過預期」、「其實唔係咁壞鎹」,股市升彈。股壇老雀極短炒時鍾意炒相反,認為如何詮釋市場資訊的權利在大戶手上,佢地鍾意同散戶做對手,所以要極短期炒作,只能在市場評價好差時買,在評價好好時賣。
上星期寫了篇文「股平樓貴難永續」,講起網友「硬道理」在09年中因錯判市況,將05年入市的自住樓賣掉,然後將所有資金分段投放在A50(2823) 及工行(1398) 上,如今樓價升了,投資的股票跌了兩成多。文章見報後,迴響不少,有不少甚為專業的老友都有評價,可以寫寫他們的寶貴意見畀大家參考。
第一,順大潮流炒作。有一個擅作價值投資的老手,睇完「硬道理」棄樓買股的手法,有此感歎,「買股票要年年有表現,其實近乎炒作,不是投資,炒作要順勢,唔講你個網友『硬道理』把自住樓賣掉,要冒上替代使用成本高升的風險(租金上升),單就炒作而言,佢鱓做法都是逆勢施為。」
投資老手話,股神巴菲特咁成功,除鰦佢善睇公司價值,低價入市之外,佢都有「順勢投資」的味道,才不止長線有表現,而且中短期都有表現。例如佢在2002年、2003年以2元多的低價大手買入中石油(857) ,除了因為中石油股價低迷外,還睇到2002年911事件後,美國大幅降息,美元將持續走弱,石油等商品價格將長線走強的大趨勢,當時美國石油股唔便宜,就買纒中國石油股,結果食正油價連年大升的潮流,多年後就在10元以上沽出中石油獲利。
股神都要順勢買
又例如巴菲特在2011年1月以440億美元收購美國第二大鐵路營運商伯林頓鐵路公司(BNSF)。巴菲特雖然聲稱這次收購是對美國經濟前景的一次豪賭,但如果真係咁睇好美國經濟前景,點解係買鐵路公司而唔係買銀行?巴菲特係睇住美國正發生可能長達10年的非槓桿化過程,靠借貸賺錢的銀行唔係咁掂,投資進入低回報年代,加上油價高企,所以就買入鐵路這種回報較穩定的傳統公用事業,這種行為和李超人去英國買電廠、水廠有異曲同工之妙。當然,巴菲特偶有睇錯大潮流出事的投資,例如油價高睇好電動車,過份放大呢個行業的發展,入股比亞迪(1211) ,結果概念掂生意唔掂,股神勝在以8元入股比亞迪作價夠平,所以佢未死只是跟風者死晒。
投資老手話「硬道理」在09年買入工行和A50基金長獱,事後睇係逆勢投資,因為阿爺在08年驚得滯大力投放4萬億救市,令股市和樓市當年升得太勁,再加上基建泡沫,觸發巨大通脹,2010年開始要收水救亡,這種收水潮,對投資內銀的氣氛不利,「硬道理」投資失利,係睇唔飱呢個收水大勢。反而好多人中短線炒纒內銀,跌得多買鱓,升一兩成走人,仲搵到食。
第二,買樓有利長獱。我有另一個老友是極資深投資銀行前輩,佢20年前係巨型銀行的投資銀行部獱fit人,一直鍾情股票長線投資,唔喜歡買樓,當然佢亦有兩三間樓畀自己和屋企人自用,但他和香港人大多數發達方式不同,主要投資放在股票之上,而且係20、30年咁長獱。
這位投行前輩舉鰦個例,佢話當年佢在包銷上市的公司中,揀鱓好鱓公司,用好少錢例如一、兩萬去買它們的股票(呢鱓錢在他而言只是零錢),買鰦十家八家公司股票,夾埋只是用鰦十幾萬,到而家無計歷年收的利息都值400幾萬,當中仲扣埋有一家公司執鰦笠股票變廢紙。佢話我可能唔覺得400幾萬係乜№錢,但佢只想試纒證明,長獱優質股票,獱得夠長有好回報。
散戶買股難長獱
當然,佢當年係投行大佬,睇住呢鱓公司上市,知道晒佢地盤數真假,佢長獱的股票有質素。佢承認呢個係事實,普通股民唔識揀,好多時會揀鰦鱓垃圾股,佢以內銀為例,雖然好多人怕內銀有壞帳黑洞,佢就唔係咁驚。呢個前投行大佬係中國好友,話中國第二季經濟仲有7.6%增長,仲話已經見鰦底,咁有乜№大問題,你睇纒歐美日的經濟有幾多增長?點解覺得美國好似安全過中國?美國最好的年代也只月3點幾巴仙增長,美國今年第1季增長只有1.9%,有幾好?所以拉長十年睇,佢唔覺得股票投資有乜問題,但你要日日問股價,日日去比較,咁就大問題囉,心理好易不平衡。
前投行大佬話,一般人買樓好過買股,除了因為買樓有槓桿外,還因為買樓焗你長獱,但買股好易出出入入,但完全唔贊成投資者買股「游水」(將長線投資的股份高位沽出低位獱番),因為覺得大部份股民沒有合適的心理質素,所謂高沽,可能升少少沽鰦,結果只有輸錢股會長獱,賺錢股一早就沽走。內銀現價息率4厘、5厘,點解唔可以長獱?佢認為若有心理質素長獱,買樓買股都得,只要選擇低位入市獱佢十年廿年就得啦。
第三,最怕係樓價追股價。聽完呢兩個朋友的意見,雖然好似一個話內銀唔得,一個話內銀得,其實只是中短線和長線的分別,內銀價殘,卻是大家都同意的事實。
有一個靚女朋友上周問我,好買唔好買一個西半山樓盤投資,16000元一呎,佢想買一個500呎細單位租畀人,話利息咁平,隨時供平過租,有租金淨收入。我計一計,500呎單位盛惠800萬大元,呢鱓單幢樓實用率好低,500呎樓有300幾呎都偷笑,呎價真係貴得好緊要。但我見靚女貌美如花,好怕叫佢唔買一年後升到20000元一呎佢鈬找我晦氣,只能咁同佢講,樓價咁貴,但利息續低,升3成變20800元一呎當然有可能,但跌4成變9600元一呎也有機會,好似跌的機會大過升少少,就算升鰦上20000元一呎,兩年內賣要畀特別印花稅,利潤無鰦一大截,叫三思才好後行。
靚女又問睇完我話「股平樓貴」,係唔係股價會大升?我見靚女一面「炒相」,好似唔炒樓想炒股咁,就提佢小心係「樓價追股價喎」,在這種百年不遇的金融海嘯中,投資唔好太冒進啦。
陸羽仁
金融High Tea——股平樓貴難永續
2012-07-09
中國減息沒有為上周五的市況帶來太多刺激,主要因為外圍唔好,內地股市上周五早段一度唔升仲要跌,搞到港股早段都要插,尚幸上證綜指當日午後都炒番上去,最後升1%收場,造2223點,港股都算收復失地,恒指只微跌8點。不過美股上周五又因為新增職位不理想,杜指跌124點,港股今日都要捱一捱。
股市唔好景,炒股的人愈來愈少,傳統智慧話無人買才是投資股市最佳時機,不過在歐美大崩圍兼大放水時代,傳統智慧係唔係咁啱用,都令人存疑。股票買唔買都得,但買樓有實際使用需要,就必須處理,令人有好大煩惱。網友「硬道理」早前在頭條網留言提問,我覺得問題有普遍性,所以不妨引述一吓。
網友「硬道理」咁講:「自問是紀律良好但不善投機的長線投資者,在09年中因錯判市況,將05年入市的自住樓賣掉,然後定下長遠投資目標,當時看好中國的長遠投資前景,將所有資金分段投放在A50(2823) 及工行(1398) 的股票之上,期間看着樓價不斷上升,雖然十分痛苦及無奈,但依然嚴守紀律,分段吸納,但3年過後,租金已將賣樓的利潤耗盡,自己的投資卻原地踏步,後期更是反覆向下調整,其中持貨較高的A50已比我入貨的平均價下跌28%,工行也下跌了22%,在後期將買貨目標轉至民行(1988) 及中銀香港(2388) 才止血,但倉位已滿,分配大概為A50 50%,工行30%,民行10%,中銀香港10%,由於A50及工行佔去總投資額的80%,令總投資虧損嚴重,本來看錯市受教訓是應該的,唯有處變不驚,靜待市況逆轉……工行、民行及中銀香港的投資,暫時偏向以不變應萬變,除非歐盟真的出現架構溶解的危機才考慮減持,這策略在這時勢還可取嗎?」
沽樓買股受重創
「硬道理」又問:「尤幸內子沒有給予太大壓力,亦從未有因為經濟緊逼而爭辯,但總會有片言隻語流露出對自置物業的渴求,但現在似乎在2014年利息回升之前,也看不到有再上車的時機,要說置業的好時機,可能還要再等2016年,因樓市縱然下調,開始時也會比較反覆,大量的剛性需求,會促使樓市在下跌初期不斷有小幅反彈,直至積壓已久的購買力完全釋放後,樓價便會正式受到考驗,陸老師同意這觀點嗎?」
他又說:「由於對自己的長期投資策略開始抱有懷疑,我在銀行跟我推銷3個月超低息借貸時,借了一些額外資本,總利息成本為0.3%,我以這些額外資本嘗試以5%止蝕及高位回5%止賺的硬道理進行短炒操作,最低目標是保本,幸運地由於市況好轉,暫時的成果比預期更成功,由於要控制風險的關係,所以不打算加大短炒的資金,但的確對自己的投資紀律挽回不少信心。」
「硬道理」的提問很長,佔了不少篇幅,希望《頭條日報》老總不要以為我在騙稿費,我覺得「硬道理」講了不少等買樓的市民的心聲,所以不妨長篇引述,我以點列回應。
第一,賣自住樓要小心。我一直在講,如果是投資的樓,覺得樓價好高,賣咗出街,即使樓價再升,也只是賺少了,只要平常心對待即可,但賣自住樓要小心好多,這是一個百年不遇的金融海嘯,各國中央銀行也以百年不遇的手法去應對問題,結果難料。聯儲局主席伯南克的博士論文,就係議論美國1929年的大蕭條,主要觀點是若當時央行大力放鬆銀根,就不會蕭條10年咁長。伯南克如今正試驗他的理論,係唔係咁簡單放啲水就得,無人知,正因為咁,美國的利息政策係點,亦好難估。利息影響樓市,所以樓市的中短期後向無人摸得準,人人都知到加息時香港樓市好可能唔掂,但到底幾時加息呢?
若伯南克成功救番美國經濟,可能在2014年,甚至更早就加息,樓市壓力就來。萬一相反救極都唔掂,而且再步向衰退,美國有通縮而唔係通脹問題時,只能令利息超乎想像長期低企,咁樓價又唔係咁易碌番落去。賣咗自住樓要長期租樓,好似「硬道理」老婆咁唔嘈已經好好,若一方賣樓,另一方老婆老公唔同意,鬧得一兩年,離婚都有可能,最悲哀係離咗婚樓市先至跌,證明當初賣樓的決定係啱,但一切都太遲,所以賣自住樓,除了睇市之外,還有一個感情因素要考慮。
第二,做咗不要後悔。好似「硬道理」咁,睇落有清晰思路,有自己邏輯,就不要動搖。他的理論是樓貴股平,所以賣樓買股,而家睇落唔啱,因為樓升股唔升,佢有少少動搖,仲借錢炒股,我建議佢唔好借錢炒股,因為咁樣就開始偏離長線投資的基本策略,好易一錯再錯。堅持買股長線投資,可能5年後發現係啱。
長揸平貨是正道
第三,股樓背馳難永續。由於央行的行為「反常」,長期低息,大量放水,谷高通脹,推升實物資產,令房產和商品等供應好難短期增加的實物資產大幅炒起,但供應相對彈性的股市炒唔郁,結果出現內地十年股市原地踏步,樓價升咗10倍的畸型現象,雖然內地早幾年因為股改將原本不能買賣的公司大股東持股投入市場,令股票供應大增,但兩者背馳成咁,都有股票太便宜、樓價太貴之歎,恐怕差距會慢慢修正。貴嘢會跌,睇商品已睇到,反映商品價格的商品研究局指數(CRB CCI Index)去年4月上到691的高位,現已大幅回落至545,技術上跌20%已入熊市,佢已從高位跌21%,熊味不輕,再大幅下滑就確認大趨勢。CRB指數在2002年美元大跌之前,長期只是在200至250中間浮沉,未來若全球經濟再走弱,對商品需求再減,商品價格下行空間極大,其他貴價資產亦然,內地房產價格已回吐,香港樓價又能否長升不跌?當然,我講的是長線走勢,短期一年半載內樓價唔回甚至再升都唔出奇,對無樓者仍然係好大煎熬。
第四,長揸收息唔失禮。我自己愛做長線投資者,本來好唔鍾意將長揸的股票出出入入,認為散戶點解買樓易搵大錢,買股無乜進帳,皆因持股坐唔定,升少少就走,所以一直建議「投資的我」買股要長揸。有人話而家啲股票係「呢世唔會再見到咁平」,所以你忍得住長揸,或許可以發達。不過好似「硬道理」咁,長揸A50基金和工行,而家仲要輸20、30%,心理上的確好惡頂,本來長揸A50基金有1.7厘息,好過放銀行,揸工行有5.8厘息,簡直吸引,唔睇股價就得,我的建議係揸落去,唔好低價出貨。若真係頂唔順,又估大市可能都係波動上落,可以等大市從低位升3000點時沽部份股票(只沽部份,不要清倉),博佢回吐跌番2000點時揸番,也是降低成本的方法,但要好有紀律去做,唔好太受市場影響,唔係沽咗唔去買番,就變成低位出貨,這種「游水」動作,要有定力才好做。
最後總結,一般人覺得買樓容易炒股難,主要係揸股票無定力,買樓迫住你長揸而已。長線投資一定要買平貨,才是正道,如今樓貴股平,要長線投資,選擇清楚不過。
陸羽仁
.............................升
响大陸學校試行緊用影像軟件去幫教師監督學生上堂表現,唔知香港… 中國香港家長有無興趣
Sleepy pupils in the picture at high-tech Chinese school
獸人Bro 揾到一個萬能key 唔使再洗版
恒生指數第一次過31,xxx之前,係佢金仔死鬼老豆唔肯六方會談,而係要同美國直接對話,美國就死都唔肯,一定要扯埋其他响地緣政治有持份嘅國家落水,因為明知平壤嘅『有理性而做癲佬』係會玩乜花臣;今時今日,會面唔到嘅話竟然可以係係美國總統去刁架(啲twitter自相矛盾)… 你即本睇吓呢幾日講啲嘢,最強硬係華府啲幕僚,大膽講『利比亞框架』(卡達菲2011年有乜狗下場人所共知),跟住係金仔啲官方喉舌,用文在寅嚟打狗俾主人睇,似乎只有特朗普仲以為自己叻過之前好多其他啲總統,仲要未見面已經放緊水,連平壤所謂無核化係乜定義都未攪清楚(提示,應該同美國佬及呢度讀者定義好唔同),以為等攞諾貝爾和平獎,可見美朝兩邊,邊個先至係識打橋牌。
子龍兄:人來人去,見怪不怪
點樣左手索老, 右手巴爺?
過去幾年, 大市由31958跌落10676, 到今日重上31047, 行了一圈. 但投機者仍沒有變, 仍然喜歡輸打嬴要. 嬴就唔出聲, 輸就找人問責. 可謂見怪不怪, 奇怪自敗.
當日金曹師兄現已貴為一方財演. fly兄亦已北望珠江西岸. 大汁人民幣. 唔知貓主席大人是否已為上市公司主席呢. 還有亞K師姐是否已重新上樓, 左手期權 右手期指呢. 這些故人有時間可以上來報個平安呢
2018-05-18
Dow Jones Industrial Average (^DJI)
24,715.09 +1.11 (+0.00%)
//
想買地產股買恒地
//
陸羽仁,,,
我呢啲投資建議,你覺得啱睇可以睇,覺得唔啱睇可以咪睇,兩不相欠,相當自由。
SIGH...
想買地產股買恒地
2018年05月18日 (08:30 上午)
//
十年黎一直叫人唔好買樓,今日就話發展商算無遺策,你係得既
//
陸羽仁,,,
我呢啲投資建議,你覺得啱睇可以睇,覺得唔啱睇可以咪睇,兩不相欠,相當自由。
SIGH...
中原城市領先指數 CCL
(所有成份屋苑)
2018...
SIGH...
TC, 會抽空去你家參觀^^
馬仔, 好耐無見
fly 仔
好耐冇見。原來去左珠江發財。祝一齊安好
fly兄:我搬左屋,得閒上來坐下
hi TC, 門徒
將軍, 呢兩年去左珠江西岸投資
飛兄你好
long time no c
fly兄: 似是故人來. 呢期去邊處發財???
hi all, 好耐無見~
太耐無上黎, 原來轉左新版面
賣幾隻腹凸級渡輪咪平衡到謬逆.....
十年黎一直叫人唔好買樓,今日就話發展商算無遺策,你係得既
早呀~