域 流亦詩
域 流亦詩
域 流亦詩

結果無意外

2018/05/18 14:58:49 網誌分類: 講人自講
18 May

 

刁橋扭擰費心機

大眾明知剃眼眉

咪話諸君唔順氣

搞來搞去亦非非

 

垃圾會開堂「廢柴」嘅結果如大眾預料一樣、松柴井可以繼續留低。嗱、係人都知到、只要反派無人缺席嘅話、亂制嘅票數是不足以廢掉松柴井的。換句話講、這是一場毫無意義兼浪費公帑嘅爛戲而矣!因此坊間對這類呃波鐘嘅低 B 劇興趣不大。有很多時候、垃圾尊貴嘅所作所為都給予街坊一個「阿茂整餅」嘅印象。今次班友仔明知冇可能踢走松柴井、但監硬搞台爛戲出來、無非係要突顯反派盲撐松柴井。之但係、連六判爺都不認為松柴井罪不該死、反派又何必多此一舉?

 

講開又講、唔知各位街坊知唔知點解亂制加宮能組所得嘅議席、永遠都不會達到或超過總數嘅三份之二?講出嚟你信又好、你唔信都好、基本上一切都是早有安排的。紅家雖然財雄勢大、卻沒有辦法壟斷垃圾會讓席、這足以證明係地頭蟲(城中勢力人士)從中作梗。如果你認為地頭蟲幕後老闆只有花大叔一人嘅話、那就錯晒。花大叔雖然惡死、但垃圾會議席比例就輪唔到佢話事。否則、地頭蟲亦無須重金禮聘妖蜓來擔當「奸角」在垃圾會大選當中、搞出那個所謂「擂洞」嘅屎橋出嚟呃街坊。在某些特定情況下、議案必須獲得三分之二嘅尊貴支持票方可通過。因此、藍營議席雖然占大多數、卻不會達到三份之二、而黃營所占嘅席議比例一定超過三分之一。否則、城中各方利益就會失衡。因此、政客通常都不是只食一家茶禮的。只要明白這個道理、那些表面上令人費解嘅政壇怪現象、都能夠獲得合理解釋了!政壇上永遠都是利益代替真理、從來都沒有道義可言。如果唔係咁、松柴井這政壇蠢蛋又焉能繼續留低?不妨話過你知、下次補選妖蜓跳出來搞「乜乜計劃」只係替地頭蟲孭鑊嘅把戲嚟。補選結果惹不是反派獨取兩席、就係黃藍兩派平分春色、永遠唔會係藍營贏晒。信不信由你!

 

回應 (1)
我要發表
開心van仔
開心van仔 2018/05/18 16:26:00 回覆

我都覺得要平衡,一方獨大不是好事,但是今日的民主派不務實!

user

最新回應

123331
123331 2018/08/22

亞域哥,「來者應,去者靜。法住無常,止心一處。」謝謝。

開心van仔
開心van仔 2018/08/22

很喜歡看你的文章,為何不寫?你今日的話令我有共鳴!我進入古稀之年,剛做了第二次通波仔手術,對世事已不再熱衷了。只希望可開心過每一天。回望過去幾十年人生,很多事都淡忘,只記開心的事,不開心的由它去!現在對很多事都淡然處之,只爭取多些時間與孫兒們相聚。

祝君身體健康,生活愉快,開心每一天!真希望可再見你的文章!

萬大有商量
萬大有商量 2018/08/21

請君多多保重 ,健康快樂年年。

花姐
花姐 2018/08/21

為何離開,每天看你的文章,有共鳴的,也有是不懂的,不過在這裡交的博友,都使我有得著,也許離去是你覺得最好的選擇,亦希望很

快又在頭條網看你寫的文章,多多保重。

花姐