PACO名人會
PACO名人會
PACO名人會

久違23年 7月開12場騷 陳潔靈求突破

2018/05/21 04:13:28 網誌分類: 生活
21 May

        諗新Concept

         歌手陳潔靈(Elisa)95年開過個唱後,相隔23年,將於今年7月在香港演藝學院賽馬會演藝劇院舉行12場《由靈開始》Private Music Room演唱會2018。她表示演唱會除了有concept,也會用最好的音響,再配合舞台劇導演所設計的theatre。雖然場地只能容納600人,但Elisa反而覺得可以拉近她與觀眾的距離,她會由她出道時的英文歌,再唱廣東歌,加上與不同演奏者的featuring song,將觀眾帶入她的音樂世界,她坦言:「我過去幾十年有一個演繹方式,希望今次可以從另一角度搵到突破。」

         陳潔靈近年多參與不同的演唱會,包括她與葉麗儀和肥媽的《三個女人一個墟》演唱會,以及顧家煇的作品演唱會等等,她解釋:「因為參與得太多演唱會,所以一路都冇諗過自己去開。」直至去年倪秉郎致電給她,她表示:「佢話有個場地,問我做唔做,得600人做12場,我計吓條數話要諗吓。後尾諗吓又唔係喎,紅館當然係一個好爆炸性嘅地方,但唯獨呢啲場先可以諗concept,而且喺咁細嘅地方就好似赤裸裸咁,我睇到你,你又睇到我。」

        任演唱會總監

          今次Elisa會擔任演唱會總監,她稱:「音響一定要搵最好嘅,個概念我搵咗設計師又一山人,幫我諗由靈開始、My private music room。」她講笑:「一定要由靈開始,不能從靈開始,陳潔靈得我一個,如果你從靈開始就係陳松伶,係咪先?個靈字有個inspiration。」她又找了舞台劇導演甄詠蓓做theatre的導演,她坦言:「佢話我聽,佢唔識音樂、唔識做演唱會,我話正正因為你唔識音樂、唔識演唱會先搵你,好多人睇到我喺舞台過去幾十年嘅一個演繹方式,如果要突破自己,就要從另一角度搵一啲我嘅嘢出嚟。」

        演奏者任揀歌

           Elisa在演唱會中會唱出70年代的英文歌,再去到廣東歌,看到她的音樂慢慢轉變,她希望與觀眾分享她的音樂世界。至於嘉賓方面,好多時在紅館開騷,她可以搵她的學生或者老友,但今次Elisa有另一想法,「我會feature好多演奏嘅人,例如鋼琴、二胡及小提琴等,仲有一個玩形體藝術嘅。通常你搵得佢哋嚟做演唱會,你會指定佢彈呢首歌,但今次嘅演出唔係咁,我係feature佢哋,所以我會問佢哋有咩歌想彈,因為我尊重佢哋,我想做到一樣嘢係大家係一個group。我作為一個喺樂壇幾十年嘅人,香港樂壇一路一路巨變,點樣去令人尊重樂壇嘅每一粒明星先係最重要。」

        人是需要move on

           Elisa覺得音樂真的很powerful,今次她要將過去一直在音樂保持的理念,用她的情緒和經歷全部投放在演唱會中演繹出來,她記得我向她講的一句話,她說:「人係需要move on嘅,我有時就要靠呢啲動力,你今日畀到我,我又可以行多20年,哈哈!不過我行多20年都未破到修哥(胡楓)嘅紀錄。」這一席話,我發覺陳潔靈跟以前不一樣,她會更用心去做好演唱會感動觀眾,所以大家一定要全力支持。

        主持:黃柏高 統籌:林永匡 協力:李佩儀

        攝影:袁東亮、謝民光

        場地:港島太平洋酒店

        黃柏高
■Paco在華納時曾為陳潔靈監製過一張專輯,當時為她打造Rock的形象。
 ■Paco在華納時曾為陳潔靈監製過一張專輯,當時為她打造Rock的形象。 
■陳潔靈將在7月中在香港演藝學院賽馬會演藝劇院舉行12場演唱會,她稱是right timing,能做到好開心。
 ■陳潔靈將在7月中在香港演藝學院賽馬會演藝劇院舉行12場演唱會,她稱是right timing,能做到好開心。 
■陳潔靈於1986年推出專輯叫《再見Sayonara》,是一個很有個性的歌手。
 ■陳潔靈於1986年推出專輯叫《再見Sayonara》,是一個很有個性的歌手。 
■15年,陳潔靈在顧嘉煇榮休盛典演唱會中打頭陣,並唱出《狂潮》。
 ■15年,陳潔靈在顧嘉煇榮休盛典演唱會中打頭陣,並唱出《狂潮》。 
■陳潔靈在訪問中多次提到要感激Paco,只是一直冇機會。
 ■陳潔靈在訪問中多次提到要感激Paco,只是一直冇機會。 
■70年代,陳潔靈與葉振棠、鍾定一等組成樂隊組合Topnotes。
 ■70年代,陳潔靈與葉振棠、鍾定一等組成樂隊組合Topnotes。 
回應 (0)
我要發表
user

最新回應

Brian Chui
Brian Chui 2020/11/09

做得呢行,其實要食得好,先可以以更好嘅面貌示人,真係好admire你地成日有得係九龍城美食及餐廳指南入面揾到食啊

srinivas
srinivas 2020/10/19

Thanks for the best and i love it.

ghd sports

2020/10/11
islamicnuskhe
islamicnuskhe 2020/09/29

We Are Best Islamic Astrologer in The World with  35 Years of Experience. Solve Your All Life Problem With Us. Contact Our Molana Asif Ali Khan.