由瘋暈講起

粉飾大包容

勝過打龍通

罪城多積疾

難以掃得空

江湖傳聞顯示、妖蜓已打起瘋暈帥旗、號召獨派人馬加入搶攻驅異會席位行列。嗱、別以為妖蜓手執雞毛當令箭、其實佢背後嘅金主非常之猛料。當中唔止有老番、更多嘅就係泛藍陀地大戶、以及大圈洗水幫人馬。江湖上早就流傳、由於打柴六蠢、以及死唔去嘅倒旗鄭和笠機峰等人嘅愚蠢行為、已經令到幕後金主非常惱怒、並警告如不立即改善便斷糧斷水。經過看更社嘅四大班頭皮老𡅏、賣田里、塵實滾、塵四漫、商議後決定委託妖蜓為軍師、並推行瘋暈計畫挑選可用之人滲入驅異會、以搗亂民生為手斷提升社會怨氣、爭取更多街坊企到反派的一邊去。今日妖蜓之所以能夠為所欲為、完全係拜大包容所賜。

當日、揸拂人以大包容態度去面對妖蜓在台島播獨事件、表示震驚和譴責、但堅拒訂立防獨法。身為罪城冧巴溫眼見妖人反宗亂講、依然要堅持己見而置龍族安全於腦後、究竟想點架？正如日前一名丐幫女頭目跟捕快糾纏時所講 “ 現在尚未立防獨法、就算我反宗亂講、你班捕快都冇權拉我 ” 這就足以證明其嚴重性已經迫在眉梢。然而、揸拂人跟本上係連眼眉都懶得睄一睄。難怪坊間流傳、佢都是黃仔嚟。嗱、講到黃仔呢家嘢、揸拂堂裡面比比皆是。例如絲髮部、戒慄部、汁發部、滘浴部、講錯電台等都是公開秘密嚟。問題係、點解硬係見唔到有藍仔包含在內嘅呢？傳聞指即使有、若非變節、就是坐監、使得中廠有黃姓、冇異姓。咁就可以解釋得到、何以在紅家旗幟之下、黃仔仍然可以肆無忌憚的公開反宗亂講咯！