創科背後

人才並不缺

何解會脫節

皆因有人禍

當堂打個纈

好多人都話、罪惡城大教館只懂訓練跳老舞人才、而教不出好門生來。但事實並唔係咁嘅。從前嘅理公教館曾紅出過唔少科技人才、只係講府對佢哋嘅發明品視而不見、甚至連發明者都被冷落、以致人才外流。常初大多數被冷落嘅人都是被老番挖走、後來還有不少人走進大陸謀發展。呢嗱、究竟係講產官僚無知而走寶、抑或係有人立心要做趕雞棒、就真係天曉得。無論人才是被老番挖走也好、走進大陸也罷、總之那些人大多數都獲得發展機會、而罪惡城就得個桔。幸好、現在朝廷主動放水過來振興科技發展、總算係亡羊補牢了吧！

其實、首任縣太爺阿懵就係帶頭做科技趕雞棒嘅罪魁。在他上任之初、花家最大半導體公司要求在本城設廠。但阿懵以本城不須要這重低科技項目為理由、而將之拒於門外。現在事實證明、半導體並不是低級科技、而係高端科的非常重要的一環。第二位縣太爺阿貪嘅擅長係劫貧濟富、有着必貪。除咗地產和接生之外、其它如民生、科技、醫療、教育等名方面、只能用「冇齣好戲」四個字來形容。到阿狼上台後集中力量跟反派在政治角力場上鬥法、以致一藍子民生計劃淪為空談。嗱、終於輪到打得姐上台了！殊不知佢一句「大和蟹」就將前任辛苦擒來的黑金河蟹集體放生。拒絕訂立防獨法都唔在講、還要從上手建成嘅公屋之中撥一拃單位出來賣。就係咁、排隊等上樓嘅街坊就要被延長輪候年期。仲有呀、打得姐曾經講漏口、間接話要將平租居供應量封頂𠻹架！嗱、一個充滿怨氣嘅城市、是否有空間來到發展科技成疑。照咁睇嚟、罪惡城嘅惡夢尚未完。