貿易談判反覆來了
週二美股高開低走，杜指收市跌178點，收24834點，接近全日最低位收市，走勢肉酸。
中美貿易第二輪談判結束，美國財長姆欽週一表示，美國與中國在貿易談判上取得「非常有意義的進展」（very meaningful progress），現時就要看中美雙方如何執行達成的共識。消息令到週一美股大漲，杜指大升300點，自3月以來首次回重上25000點上方。
正當市場以為中美貿易戰已經打完，股市將會迎來一個靚仔反彈之際，「語不驚人死不休」的美國總統特朗普又出來搞局，除了話「不滿意」（not satisfied）上週與中國進行的貿易談判，他形容上週舉行的中美談判只是個「開始」，他的行政團隊正就一個改善美國與中國貿易失衡的最終協議。
事實上，美國對於與中國的貿易問題，來勢洶洶，又難在一兩次的談判就達到皆大歡喜的結局，正如姆欽在談判剛結束時已留有一手，話美中貿易戰只係「暫時收兵，暫停加懲關稅」。不知道特普朗是提醒大家，最終「揸Fit人」是他，還是覺得中國在北韓問題上幫忙唔夠，就開聲嚇嚇市場。
另外，正當國際都翹首以待6月12日在新加坡舉行的美朝首腦高峰會的時候，特朗普昨日與韓國總統文在寅白宮會面之後表示「是否會舉行和北韓會談，你們很快就會知道…若會談現在不發生，可能會在以後舉」，又話美國在會談前有自己想要的東西。有分析指特朗普之所以忽然「變臉」，同上次與金正恩鬥「誰的核彈按鈕大」一樣，因為北韓上週對美朝高峰會向美國「潑冷水」，話如果美國堅持要朝鮮單方面棄核，可能會取消與美國的會談。在會談前幾周，雙方還相互威脅，令全世界的人都感到震驚。
中美貿易戰餘波未了，美朝高峰會似有還無，正如Bingham, Osborn & Scarborough的主席 Jennifer Ellison指出的，事市場上充滿不確定性，這解釋了美股近幾月以來的窄幅波動。
First New York Securities的期貨交易部門主管Dennis Davitt亦指出，正常的升市都會伴隨著下跌的股票恐懼指標VIX指數，然而，週一美股大升，但VIX下跌的幅度，卻未有預期的那樣多，反映投資者對於中美貿易戰已經打完存疑，主要係當中還有好多問題還未有解決，當中的不確定因素沒有完全在VIX指數中反映出來。
Davitt建議投資者要密切注意VIX指數在升市時如何走動，如果未有跟著升市明顯的回落，其實是一個對大市負面的信號。
陸羽仁
2018-05-23
Dow Jones Industrial Average (^DJI)
24,886.81 +52.40 (+0.21%)
佛系市 升得多要回
2018年05月24日
中國副總理劉鶴到訪美國，雙方達成六點共識，佛誕前股市抽高。但Twitter總統特朗普後來發帖話「不滿意上周與中國進行的貿易談判」，結果恒指昨日就大跌收市，佛系啲講，緣份時有時無，股市跌得多了就會升，升得多咪跌咯。
美股喺周一晚大升，香港假期無得跟，周二美股杜指回吐178點，港股重開已經無咗氣勢，特朗普講嘢加上油價下跌，令能源股受壓，再加埋友邦保險(1299)
喺派息除淨日股價急挫4.2%，收報70.35元，獨力拖低恒指149點，呢吓回吐潮令港股大跌568點，以全日低位30665點收市；國企指數跌258點，收報12090點；成交增至1154億元。港股跌1.8%，內地股市都跌1.4%。
借特金會傳延期沽貨
全球股市喺美國聲言打貿易戰威脅下受壓，美國語氣鬆動前股市偷步反彈，到好消息入市，升得多股份就回吐，所以陸羽仁叫大家對於美國佬整出來的好消息要留有一手，唔好見好追到盡，否則隨時中招。
美國成為股市消息最大製造者，好壞由佢哋玩晒。美國同中國喺貿易上開波，會談之後語氣轉軟，但跟住總統特朗普就提醒大家遊戲未完，實行總統同政府一個做紅臉，一個做白臉。同樣，個市下午回得急，又同美朝峰會出現轉折扯上關係。北韓呢兩個月係咁做外交騷，令朝鮮半島開仗機會急跌，喺平壤展示理性一面後，美國硬攻打仗機會下降，雙方又變成有拉扯空間，所以突然間又話美朝唔一定咁急開會，於是市場就無勢。
朝鮮半島局勢對全球經濟直接影響唔大，但就涉及地緣政治風險。北韓同美國領導人埋枱傾偈，中國不可能袖手旁觀，所以國家主席習近平搶先會見肥仔金，美國為特金會潑冷水之餘，同時暗示中朝邊境經濟有加強跡象，暗示北京對平壤鬆章。美國佬O依家係佢想點都得，話鬆就鬆，話緊就緊，其他人都要聽佢講，否則佢就會畀麻煩你，呢個亦係最麻煩地方。個市本來就想調整，於是就借勢大插。要留意嘅係，六月份美國就會議息，之前10年期債息上試高位，若然政治無乜消息，市場會唔會聚焦番喺利率，咁對市況都會帶來不穩定。
昨日推低大市的一大動力係能源股，三桶油合計拖低恒指111點，再加埋煤炭股變成一片紅潮。三桶油上周分別創出一年高位，呢次係借有消息指，石油輸出國組織研究在六月放寬減產限制全線下挫，中石油(857)
收跌4.5%，報6.15元；中石化(386) 
更跌6.1%，收報7.7元；中海油(883) 
同樣跌6%，收報13.64元，咁樣殺落嚟幅度都幾急，但如果以累積跌幅計，就仲喺調整合理範圍。
美國猛增產抽水
石油出口國組織放寬減產，當然係從利益考慮。油價升上70幾美元一桶，對產油國嚟講已經係唔錯價錢，喺呢個水平賣油利潤相當唔錯，自然有誘因增產。同一時間，油組都會諗自己唔賣油托價等如係同阿公服務，但如果自己唔賣，其他國家猛賣，咁自己咪做咗儍仔。國際能源署(IEA)早前預計未來五年美國頁岩油產量將會飆升，美國將從石油輸出國組織(OPEC)手中奪取更多市場份額。該署認為，石油輸出國組織與俄羅斯等產油國2017年重大減產協議，使油價2017年期間大幅上漲，為其他產油國提供有利市場環境。因頁岩油產量增幅大於常規石油產量跌幅，2017年美國石油產量再度大幅增長，最新數字顯示今年情況會持續，到2023年料將每日增加270萬桶/至1210萬桶，屆時美國將成為全球最大油液生產國。
相比之下，油組產量增速緩慢得多，到2023年時，油組石油供應佔全球需求比例不到35%，低於以往40%水平。咁即係話，油組減產托價有為美國作嫁衣裳味道，而且仲慢慢將定價權同美國分享。中美貿易談判，其中一個可能性係增加買入美國石油，減少買入中東石油，喺咁嘅環境下，油組出口術傳出會放寬減產就可以理解，但關鍵係油組主要成員沙特想將石油公司上市，係咪可以接受油價下跌？如果佢唔忍得痛，咁等如綁住一隻手同美國佬爭生意。所以沙地吹水話增產，都係信一半先啦。
能源股無運行，另一個重災區是煤炭股，有報道指內地有意壓抑煤價，中煤(1898)
大跌6.6%，收報3.39元，兗煤(1171) 
更跌逾9.3%，收報10.7元。電力股卻可望因煤價下跌而受惠，華電(1071) 
升5.6%，收報3.6元；華能(902) 
升5.5%，收報5.8元，能源價格影響民生，內地對煤炭價調控，呢樣反而係預期之內，雖然內地早排興唱好煤股，投資者對煤炭價都唔可以期望太高。
陸羽仁
將軍：如何不受制於大市丶恐懼、貪婪？願聞其祥⋯⋯
大戶兄: 老散的天職, 就是明白自己是老散. 很多老散大虧, 就是自以為老散可以變成大戶, 正所謂一日老散 一世老散. 只要老散明白個人的定位, 市場其實並不可怕呢.
林之兄: 你覺得很難掌握, 因為你受制於大市, 受制於個人的恐懼與貪婪呢. 你要學懂抽離.
將軍：物極必反的奧妙之處很難掌握呢⋯⋯
老散既天職係？
林之兄: 重點不在牛的生命力指數, 牛的出現就是為了被吃. 這是牛的天職呢.
我們要留意的, 重點不在消息, 重點在牛, 熊參與者對大市的反應. 我們要預期牛熊參與者對大市的預期反應, 與實際數字作為比較, 才能得出這個反應是否走向了極端. 當極端出現了, 就必然會作出修正. 這就是牛熊修正大法的奧義呢---->物極必反.
將軍：咁就睇下邊只牛生命力強d啦！
林之兄: 牛熊修正大法是動態的, 是有生命的, 不可能說到某一點就會出現再平衡. 一切在乎市場參與者對大市的認知度呢.
6個交易日有3日大陰燭，重要呢3日成交都係高過升市，小心小心...
呢D市真係易估, 個個短炒都賺錢, 邊個輸錢?
咁既好日子唔知仲可以有幾耐。
將軍：今日牛人繼續入場？聽日30500平衡到嗎？
林之兄: 學術上叫--->再平衡.
將軍：大戶想通殺
林之兄: 本週新高指數的想法, 被熊人的悲觀 與 牛人的樂觀扭曲了. 市場必須對牛人與熊人的想法作出修正. 下跌就是最好的再平衡方法呢. 當然下跌到某一點, 市場必定又會作出修正. 這亦是牛熊修正大法呢. 要留意今日收市位呢.
將軍不是還看今週有更高指數嗎、難道有新看法？
林之兄: 誰這麼傻??? 這時候還買升.......
好彩早日平左好倉🤪🤪🤪
839 高高高 三年高😍😍😍
將軍：救我！
原來是熊人離場, 牛人進場. .........
<小貓溫馨提示>牛三應該未到, 但又跌唔落20180523
前周ALL IN之後, 經歷一個多星期的亢奮。
鑒於這段時間, 即使有QQ業績好過預期, 加上中美不打貿易戰的重大利好,恒指仍舊是去到31600前就行人止步了。
證明了, 消息的好壞, 好多時, 也不能改變大市佈局的走勢。大市要怎樣走, 仍是怎樣走, 仍是依足劇本演繹下去。
小貓的想法和很多人設想的不同, 認為大市在剛剛突破所謂"下降三角形"就立刻啟動牛三升浪的可能性很小。
因為小貓的前設是現在是牛二, 既然是牛二, 跌不穿底部固然正常(即之前很多人認為的下降三角形底部);
但同樣地升不穿前期高位也是正常不過的結果。
所以即使這次能升穿31600這個所為"下降三角形"的下降頂部, 也很難一下子升穿33000這個區域。
正因為如此, 之前ALL IN之後一直設定的"持有到跌穿10天線"就獲利仍然有效。(現已升至31100左右, 若跌穿後再升穿, 就要考慮追唔追)
而恒指如果不上破31600, 想在現階段橫行, 也沒多少天可以剩下了。
因此可以預計, 之後能有第五次, 甚至第六次ALL IN的機會仍是有的。
大家就舒舒服服, 避開呢個潮濕的天氣, 享受住清爽冷氣, 耐心等待大市行出方向先啦~
利申:100%持股ing
早呀～ 各位～ 歡迎來我家坐下～ :)