域 流亦詩
域 流亦詩
域 流亦詩

荒謬之城

2018/05/23 14:22:43 網誌分類: 講府
23 May

公然犯法冇天裝

訟棍胡扯冇地藏

死到臨頭不認錯

生前死後累街坊

 

荒唐鏡狀師替梁天來(怒火開年主角)辯護時、自稱佢後生嗰陣時只懂得遊山玩水、跳舞溝女、從來都沒有為民主做過些甚麼、今日搞成咁都係由佢嗰一代人嘅怠慢演變過來的。佢仲話、怒火開年只係做戲咁做、有關審判都係做戲咁做、萬望大老爺高高舉起、輕輕放下就好喇喎!嗱、荒唐鏡份人雖然夠晒荒唐、但語言偽術方面委實太差勁。以為咁講就可以將怒火開年合理化、分明當主審大老爺係豬。幸好大老爺並唔係食餿嘅、所以佢將怒火開年一案、兜槌定音為刑事罪行。

 

呢嗱、梁天來和荒唐鏡都係被大書齋洗腦、而且被洗得十分徹底嘅人版嚟。坦白講、梁天來打起民主旗幟糾眾上街搗亂、縱火、圍毆捕快、根本上係一場暴亂。再講、荒唐鏡那個世代根本上冇資格享有民主的。因為當時嘅罪惡城係大影細國殖民地、奉行嘅係行政主導。誰人斗膽搞民主等同挑戰影女皇嘅統治權威、管治單位只要請出「影王制誥」這道聖旨、就可以將當事人遞解出境、連上訴機會都冇。之但係、那個時代嘅人從來都沒有介意過、而且日子過得比今日安寧得多。原因係冇民主、冇政治衝擊、更加冇出現過社會兩極化嘅現象。經歷百年殖民統治後、本城終於回歸天朝懷抱、而且由自己人來揸拂。之但係、從此人聲雜了!事幹多了!政治爭鬥爆發了!社會分化成兩極了!人們不快樂了!要發脾氣了!示威多了!暴動來了!陽奉陰違已成習慣了!誰也弄不清楚、究竟罪惡城要走向何方了!

 

 

回應 (2)
我要發表
域 流亦詩
域 流亦詩 2018/05/27 12:42:59 回覆

我今次睇法比較正面。假如判官輕易放過刑事罪犯、後是是厭的的。

VanYYY
VanYYY 2018/05/24 09:44:05 回覆

即使判佢有罪,仍要睇吓判刑如何?

user

最新回應

域 流亦詩
域 流亦詩 2018/08/20
@花姐...

有善有惡、無善無惡、人之一生、自動自覺。

域 流亦詩
域 流亦詩 2018/08/20
@蕪湘...

如果事實如你所講就好極了!

花姐
花姐 2018/08/18

人本性是善的,做壞事的原因也要考慮埋。

域 流亦詩
域 流亦詩 2018/08/15
@蕪湘...

閣下所言有其道理。高見!