愚不可及

2018/05/24 15:23:38 網誌分類: 講人自講
24 May

己彼兩不知

當然冇藥醫

行家賺到笑

自己摱鐵枝

 

有份在「怒火開年」一劇之中演出嘅臨時演員阿邊個被判入冊時、對其同伴講「𠸎佢𥄫實罪惡城」喎!嗱、先唔講阿邊個嘅同伴究竟係用 A 眼、 B  眼、抑或係用隻 C 眼去𥄫實罪惡城、現在講緊嘅係大眾同屬翻盅亂講同志、人家戰中三𡃁(戇痴瘋、兜捹匡、籮半蔥)就比阿邊個醒神得多了!戰中三條𡃁被判摱鐵枝時乜都唔使講、只係以去「𥄫實監倉」並嘗試去慫恿班倉友起革命。雖然係無功而回、但三條𡃁連坐監都不忘搞屎棍、確實係難得嘅搗亂專才、阿邊個那類蠢蛋基本上連掹三條𡃁衫尾嘅資格都冇。

 

話時話、雖然同屬翻盅亂講之士、人家戇痴瘋、兜捹匡、籮半蔥明明被送咗去摱鐵枝、結果都被無上堂嘅大老爺掹番出嚟、當中嘅沉浩龜更加駕勢、佢只係到公堂打個白鴿轉就全身鬆綁、只有那些不知名嘅茄尼啡就陸陸續續被送去摱鐵枝。如果你懷疑我所講嘅嘢、大可以回頭睇睇、就會見到成班黑金友一次過被放生、常無、籮半蔥、重閹、小矋打柴四蠢欠垃圾會嘅錢忽然間唔使還、就知到我講嘅話並冇花假嘅。吓、仲係唔多信?嗱、我話你知啦、同屬反派或講獨分子、由於身價不同、待遇也不同。黑金友翻盅宗亂講嘅大腦、戰中四條𡃁全部都係前線嘅骨幹、當中身價越高嘅人、獲得嘅保護傘越大。就拿戇痴瘋、兜捹匡、籮半蔥和沉浩龜呢四條𡃁來講、一睇就知到冇坐過監嘅沉浩龜身價係眾𡃁之冠啦!係嘛?!注於那些茹尼啡就唔一樣、佢哋係可以犧牲嘅棋子嚟、死幾多都冇所謂嘅。但係偏偏有阿邊個這類蠢蛋當正自己係英雄入冊、真係蠢得夠晒勻旬兼可笑咯!

 

回應 (0)
我要發表
user