美國又出招
中美又似爆貿易戰,意大利政治局勢惡化,意大利股市重挫2.6%,恐慌情緒蔓延至美國。銀行股帶頭下跌,杜指重挫381點,跌幅1.6%,標普跌1.16%,納指跌0.5%。歐元大跌、美元漲。10年期美債收益率跌破2.8%。
美朝會還有半個月舉行,特朗普向中國施壓,白宮表示,將對中國價值500億美元高科技產品徵收25%關稅 ,6月15日前公佈清單。白宮又話,將加強對獲取美國工業重大技術的相關中國個人和實體實施出口管制,並採取具體投資限制,擬6月30日前正式公佈相關措施,之後不久正式實施。
中國商務部新聞發言人稱,對白宮的策略性聲明感到出乎意料,但也在意料之中,這顯然有悖於中美雙方在華盛頓達成的共識。無論美方出台什麼舉措,中方都有信心、有能力、有經驗捍衛中國人民利益和國家核心利益。
特朗普是股市動盪之友,未來一星期將繼續出招,港股都要反覆尋底。
外圍方面,歐元區第三大經濟體意大利政局再陷陷入大危機。意大利在3月4日舉行大選至今,一直未組成新政府,政局的已出現第N次突變,搞到人眼花撩亂。
由於日前意大利總統馬塔雷拉拒絕任命打算組成聯合政府的「五星運動」所提名、堅決支持意大利退出歐元區的意大利經濟學家薩沃納(Paolo Savona)擔任經濟部長,導致反歐盟的「五星運動」放棄組閣,意大利又要再次舉行大選。
馬塔雷拉昨日命前國際貨幣基金組織(IMF)官員科塔雷利擔任臨時總理,叫他籌備選舉和維持國家的政治秩序,並讓下一份預算案獲得通過。意大利政治危機已經進入史無前例的混亂局面。並且對歐元區的穩定性構成的威脅。歐元兌美元昨日暴跌,兌美元跌至1.16美元。
歐洲動蕩,資金嚇到要轉入美國國債避險,美國10年期國債債息回落到2.8厘樓下,睇股票恐懼指標昨日飆升28.7%至17,就知道投資者有幾咁驚青啦。
另外美股內部方面,兩大金融巨頭摩根大通和摩根士丹利都對第二季生意不表樂觀,摩根大通副總裁Danniel Pinto昨日表示,「依目前狀況睇,銀行第二季交易營收增長只有單位數字增長,扣除一些一次性開支,營收將會和去年同期一樣。」即沒有增長,此話一出,摩根大通即時插水,收市跌4.3%。
而大摩仲慘,大跌5.8%,係2016年6月以來最大的單日跌幅,主要原因係大摩的一名高層表示,大摩的財富管理部門在第二季將迎來更具挑戰性的商業環境。另外,美國10年期國債債息回落至2.8厘樓下,令到利差收窄,高盛、花旗及美銀亦跟隨大細摩走軟,都跌超過3%。標普金融股票基金大插3.3%,更跌穿200天移動平均線,成為拖低大市的元兇。
陸羽仁
2018-05-30
Dow Jones Industrial Average (^DJI)
24,667.78 +306.33 (+1.26%)
趁特朗普波動市搵食
2018年05月31日
港股喺期指結算日插低,一度跌破三萬關,跌市解釋特別多,一大因素係美國再出招,話要對中國500億美元貨品徵收25%關稅。港股呢啲跌法,可以歸納為「特朗普波動」,又係搵食好時機。
插低個市的理由仲有其他,好似意大利出現懸峙政局,可能要再搞大選,外界擔心會觸發政治危機,歐羅兌美元插低。歐洲政局對香港而言影響唔係咁直接,市場更關心係白宮突然表明,六月起會陸續向500億美元中國貨開徵關稅,以及實施投資限制,個市低開後跌勢加劇,加上有期指結算因素,同時都借呢個消息造淡。
上證近3000點可撈
市場對於白宮表態,似乎有啲過份認真。正如早前中美貿易談判後表示達成共識,雙方話唔會打貿易戰時,陸羽仁認為唔需要過份重視,與其高追不如等佢再嗌交回調時才低吸。現時白宮翻臉,好大機會又係談判技巧。美國商務部長羅斯星期六開始訪華,討論削減貿赤執行聲明細節,白宮言論有爭取談判籌碼味道。另一個白宮發狠原因,係特朗普仍然計劃同北韓領袖金正恩會面,喺呢場政治大騷前,國家主席習近平搶閘見了肥仔金,特朗普酸溜溜地話習主席係「世界級的橋牌高手」。O依家美國喺貿易爭議上發作,都有迫中國發功,令特金會可以順利舉行味道。美國商務部長仲會同北京開會,到時又唔知有乜嘢變化,喺投資上就唔使咁認真去睇白宮的言論,甚至可以將特朗普視為「股市波動之友」。
中美貿易戰成為全球議題,國際貨幣基金組織(IMF)工作小組表示,本月訪問中國後,維持對中國今年經濟增長6.6%預測不變,預料至2023年經濟增速將逐步放緩至5.5%左右。國基會駐華代表席睿德指,貿易摩擦為中國經濟帶來下行風險,呼籲各方共同合作,紓緩貿易緊張形勢。
特朗普就你有你緊張,佢有佢打亂章,股市就跟住佢舞。睇番恒指昨日走勢,O依家仍然維持喺28500同31600點之間波動的上落市形態,如果大市再跌穿三萬點,咁又不妨買吓股,目標唔好太貪心,執番千零點都已經幾唔錯。
同樣,受中美貿易摩擦衝擊,滬深股市收市跌逾2%,滬指連跌六個交易日,跌至逾19個月低位。上證指數收報3041點,跌咗79點;深成指數收報10105點,下滑243點,去到呢啲近3000點關鍵心理位,又係可以買吓博反彈機會。下個月除咗A股入摩外,港股有唔少大公司除淨。去年本地大公司業績普遍靚仔,個別股份派送唔錯,股民不妨擇肥而噬,好似今年又有10送1紅股的恒地(012) ,呢排股價好硬淨,昨日收報51.15元,若然唔怕樓市炒爆,可以吼佢6月5日除淨前有無機會跌近50元關口左右入貨,等收1.23元股息同紅股。
豐德麗繼續炒上
港股昨日曾下試全日低位29964點, 一度大瀉520點,收市險守三萬點關,報30056點,跌咗427點;國企指數收報11769點,跌189點,成交增至1098億元。股王騰訊(700) 失守400元關,以全日低位收市,收報395元,跌1.7%,拖累恒指49點跌幅。內銀內房股受壓,碧桂園(2007) 申請發行200億元人民幣熊貓債遭叫停,股價跌2%,收報15.18元;富力地產(2777) 暫停發行一批債券,股價挫3.3%,收報18.14元;工行(1398) 跌2%,收報6.41元;中行(3988) 挫1.7%,收報4.06元。
碧桂園(2007) 宣佈咗以介紹形式分拆碧桂園服務獨立上市,股東每持有8.7股碧桂園,可以獲分派一股碧桂園服務。碧桂園服務總股數為25億股,每手1000股,計劃下月19日掛牌。呢排其實內房物管股幾當炒,好似雅居樂分拆出來的雅生活(3319) ,逆市升近4%,收報13.9元。同一板塊的彩生活(1778) 及綠城服務(2869) 分別升6%及0.6%。
幾隻新股首掛,人氣最旺的叙福樓(1978) 逆市上揚,收報1.54元,較招股價1.1元上升40%,一手2000股帳面賺880元。提出咗私有化的豐德麗(571) 繼續炒上,一度升10.71%,見1.55元;收報1.51元,升7.5%。
陸羽仁
回流返港難搵工 網民怨父母無遠見:用幾十萬學費幫我畀首期好過啦!
供子女去外國留學使唔使問過耶穌先?
一夜之間由4件大事,變成4件小事1件大事?
抑或今晚又變返做4件大事及無咗件事,BTFD?
//
最驚係信錯果D財演, 高位買左3800果D, 然後又聽財演講基本因素唔去止蝕, 咁就真係神仙都難救...........
//
陸羽仁...
我呢啲投資建議,你覺得啱睇可以睇,覺得唔啱睇可以咪睇,兩不相欠,相當自由...
SIGH...
好戲在后頭......
嘩
怕什麼, 只要買大股, 穩陣股如939, 3968, 405, 700, 真係跌都唔洗驚.....
最驚係信錯果D財演, 高位買左3800, 1091果D, 然後又聽財演講基本因素唔去止蝕, 咁就真係神仙都難救...........
將軍, 救我 .....
穿3萬點了😍😍😍
早呀~
https://m.facebook.com/HKProgramTrading/
開市:恆指301,期指299,裂口殺牛