域 流亦詩
域 流亦詩
域 流亦詩

喪普又反口

2018/05/31 16:00:25 網誌分類: 各家大事
31 May

老鷹立心要屠龍

城中二五作幫兇

且看神龍攻定撤

若能闖過便稱雄

 

呢嗱、蠱惑仔講數只要合符利益就互相信守誠諾、呢啲叫作和氣生財吖嘛!唯獨是喪普係毫無信譽可言。上次跟紅家取得共識之後如今又反悔、並在其代表團起程前往紅家作進一步跟進嘅前夕、重提向五百億紅家貨品徵收25%關稅。喪普咁做、分明將前面雙方嘅默契全盤推翻、還原基本步重頭再𦧲過。所以話啫、同呢種人交易確係心血小啲都被佢氣死。老實講、如果花家真係咁有底氣嘅話、就唔會嘥口水跟紅家嗲來嗲去。假如我係閘王就趁佢病攞佢命、企硬同佢「鍊」一鋪、看看誰的命夠硬。

 

從花家前後矛盾睇嚟、打貿易戰並唔止為錢、更多嘅係要將龍族高新科技產品嘅市場封殺。嗱、千祈咪以為這獨係花大叔嘅個人意願、其實成班花朋在都係咁想架!因為在他們理念之中、紅家科技崛起等同多隻香爐多隻鬼、勢必分薄佢哋嘅既得利益。因此、紅家退一步、老番就踏前一步。如果紅家唔想被迫到埋牆角嘅話、就要付出代價。問題係紅家是否有決之跟花家「鍊」鋪勁嘅之嘛!

 

老番之所以對紅家搞出咁多忌忌吉吉、無非係寧見龍族閉翳、不望龍族富貴。這是可以理解為人不為己天誅地滅、所以老翻係冇錯嘅。之但係、身體上明明流着龍血嘅人居然手指拗出、做出令龍族閉翳之事、咁又應作如何解釋?呢嗱、我族歷史很清楚話畀我哋知、在百年前嘅甲午海戰若不是有大批漢奸為架仔做二五仔嘅話、滿家海軍大概不致於全軍覆沒的。現在又見到有人公然重蹈覆轍而獲庇護、難道龍族真係好似一坺爛泥咁、點都扶唔上壁嘅?

 

回應 (0)
我要發表
user

最新回應

*KK*
*KK* 2019/09/18

兄台眼光獨到. 不出一年就有大龍鳳睇了.

"污膠藤"單野, 不知若傳到近日來港的"毒眼寒流柑"之祖家又如何呢? 若彼邦之"安胃女孩像", "神大將軍像", 甚至"安義士像"等受如此對待, 真不知此"柑"會否敢在祖家國民面前仲乜野物野囉...

多年來各大爛仔館既欺師滅祖, 以至人性夏令營等精彩場面, 真係值得透過寒流輸出至全球! 彼此認識, 促進交流呢! 世界必有新氣象, "時代革命性解放"嘛!!!

開心van仔
開心van仔 2019/09/18

你好,很久不見了!我沒有在頭條寫野也有一年了!今天突然回來看看,高興見到你呀!近月心情很沉重,太多負面新聞令人情緒低落,不知亂局何時了!

123331
123331 2018/08/22

亞域哥,「來者應,去者靜。法住無常,止心一處。」謝謝。

開心van仔
開心van仔 2018/08/22

很喜歡看你的文章,為何不寫?你今日的話令我有共鳴!我進入古稀之年,剛做了第二次通波仔手術,對世事已不再熱衷了。只希望可開心過每一天。回望過去幾十年人生,很多事都淡忘,只記開心的事,不開心的由它去!現在對很多事都淡然處之,只爭取多些時間與孫兒們相聚。

祝君身體健康,生活愉快,開心每一天!真希望可再見你的文章!