8~11/6 31000穿梭

2018/06/08 20:00:32 網誌分類: 經濟
08 Jun

下周好淡角力

8/6周五收市~港股六連升斷纜.恒指收市暴跌554點收30958, 失守100天線

中港股市齊齊反艇, 蘋果盤前急跌,港股今日偷步下跌, 但美股周五低開高收, 有利好友周一反擊, 下周開局如好友推升, 就要睇下升到去邊個水平, 今日低見30874, 要推得高, 低位才能上移, 否則就要插穿30874來擴大下周波幅, 按照慣性走勢, 未來一周會係先高後低, 最終埋單收跌

騰訊係港股的升跌火車頭, 要睇騰訊周一的反彈動力如何, 只要QQ守得住今日低位$412.6冇創新低及大升就喺好友反擊訊號, 留意10時後或下午創即市高位抑或低位, 就知當天由誰主導大市, 如能先低後高創即市高位代表好友出手, 就有望高收, 由於下周中期有老美議息及特金會面, 好友或會先推高大市來預留回調水位

留意上証會否續跌再創新低(今日低位3053), 今日淡友雖然大勝, 但好友的優勢在上証在近日波動區間底部, 只要上証觸底回升, 好友就有理據踢番港股上去

周一係好淡大鱷爭奪主導權的日子, 誰勝誰負具啟示作用, 14/6世界盃開波前大鱷大媽基金或會踢番大市上去高位沽貨, 周五ADR恒指升約200點, 唔計特殊情況, 近日即市高低波幅係150~300點,

今日港股雖然弱雞插水, 但按照慣性走勢下周不會全周日日跌, 港股仍有望作出反彈, 港股連日急升要慎防回吐, 但大幅急挫亦要慎防反彈, 大鱷養肥牛熊就會出手, 牛熊分佈日日變陣, 大鱷玩31000穿梭令股民無所適從企錯邊, 當貼價牛熊入局, 好淡通殺都得, 就算殺唔到的遠牛熊都震到佢地止蝕, 大鱷仍能獲利

下周係超級星期, 成交縮, 大鱷就更容易舞高弄低, 無啦啦急升急跌玩偷襲, 昨日高見31521出現利淡訊號, 今日暴跌收場, 但由於今個月仍有3周, 以周波幅及月波幅計, 往後一係再挑戰31521(7/6)高位, 一係再下試30363(1/6低位), 因為好少月初幾日內就見晒該月的底和頂, 如果跟二三月的走勢, 沖頂暴跌後仍會再伸多一腳上去創即月新高, 然後再跌過, 如果跟四五月的走勢, 沖頂暴跌後就無法再創即月新高, 無論跟邊個劇本, 最終都係反艇收場,

過去四個月恒指連升後的市況, 極具參考價值, 太陽底下無新事

二月: 爆炸性連升3天由29459拗腰上31339, 隨後跌下彈下, 約一星期後見頂31799後暴跌, 展開尋底之旅

三月: 爆炸性連升4天由30197(起步點29852)拗腰上31453, 隨後跌下彈下, 約一星期後見頂31978後暴跌, 展開尋底之旅

四月: 爆炸性連升4天由29518拗腰上31094, 隨後出現4連跌後才急彈, 走勢差劣, 無法再創新高暴跌收場

五月: 爆炸性連升6天由29791拗腰上31592, 隨後出現3連跌才急彈, 走勢差劣, 無法再創新高暴跌收場

六月: 爆炸性連升6天由29964拗腰上31521, 隨後.....會跟二三月劇本抑或係四五月的劇本呢?

{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}

11/6周一收市~好友反擊, 恒指收復100天線, 重上31000, 收31063, 升105點

當人人向下望, 港股又拗腰向上, 令股民無所適從企錯邊, 養牛熊, 部署開大餐, VHSI恒指波幅(恐慌)指數大跌3.85%, 即係唔驚, 本周開局港股跌勢喘定炒緊反彈, 底部上移, QQ超細成交乾升, 根本係冇力上, 只係夾硬挾升, $425阻力非輕, 如打回頭就會拉住港股落山, 大鱷利用QQ托住港股在31000等上証完成調整, 就可借勢推高大市, 企31000唔湯唔水, 繼續養牛熊, 以目前牛熊分佈係牛多熊少, 有下殺誘因, 當QQ見頂港股死貓就彈完

本周開局好友先出手, 不但推番大市上31000, 亦冇跌穿上周五低位, 更守得住史哥所說的關鍵位30750/12100, 今日高位31134不會是本周頂, 仍會有高點, 因為周波幅未達標, BB熊在31400附近, 前頂阻力在31521, 上周低位在30874, 跌穿有BB牛吃

回顧4月恒指月波幅只得約1600點, 殺牛熊數量都同樣多, 當時好友淡友都要死, 今個月會不會都係玩好淡通殺呢? 當時股民以為插, 大鱷就推升, 以為爆上, 大鱷就玩殺跌, 令人無所適從, 股民以為爆大邊, 結果係急跌急彈, 急升又急跌, 在窄幅中不斷拋上拋落, 除了貼價牛熊陣亡外, 遠牛熊都震到要止蝕, 結果好友淡友都要輸

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}