四年一次二月二十九日

2008年2月29日 

今日係四年一度o既二月二十九日，今日好特別呀~

由於之前幾日training太累的關係，今日只係約左朝早的appointment，啫係可以當係放半日，咁啱男朋友都係放半晝，於是我地就走左去尖咀海旁，啫係星光大道o個度行la。我同佢都係第一次日光日白行星光大道架咋(仲要o個日係閒日wor)。行到累累地，我地走左上去公園仔o個度坐o係度傾下計，hea下，個感覺勁悠閒，勁似退休人士生活law，wakakaka。其實只係一件好簡單o既事，但係我覺得好舒服，好幸福。或者生活本來就應該係咁簡單，只不過係好多時候我地都將「生活」複雜化，覺得一定要做某一d野去填滿一切空白，忘記左留白o既重要性。

之後返左office，見到芬姐同kenny，佢地話覺得我lee排開心左好多。我發覺同左你一齊之後，我d思想簡單左好多，我可以好放心咁放低個腦，因為一切你都會同我安排好。

夜晚食完飯之後同左媽咪去行街街。媽咪話我lee排好似好忙咁，叫我唔好成日咁夜訓，要休息多d。

好感動，亦都好感恩，身邊有咁多愛我同埋關心我o既人。