域 流亦詩
域 流亦詩
域 流亦詩

涼爽奇入冊

2018/06/11 15:00:16 網誌分類: 講人自講
11 Jun

 

你反我又反

唯他撞正板

精人出口術

笨仔變監犯

 

怒火開年主角涼爽奇今日被判處六年徒刑、其餘兩名共犯驢見聞和戇卡駒分別被判監七年和三年半。大老爺判案時指出、嗰單畸屎橫睇、掂睇、點睇都係有預謀嘅一場暴動、所以必須重判。嗱、大老爺就講個啱喇、無論涼爽奇以甚麼「遺髮達意」又好、或有甚麼「鬚糕理想」都好、總之暴亂就是暴亂、絕不容狡辨的。嗱、由此可見那些甚麼「不守戒、不等如破戒」、以及「坐過監後嘅人生將會更美好」等鬼話、簡直黑心到痺、亦只有那些從少就被洗壞咗個腦嘅人才會聽信的。

 

所以話啫、涼爽奇嘅拍檔狼胎養棄保潛逃先至係高明決擇、亦不枉花大叔為他走走糴糴一番吖嘛!然而、唔知到係走嘅撤、抑或係唔信鏡嘅涼爽奇咁、留低喺度搏好彩、結果落得唱六年鐵窗雄淚嘅下場。由此可見、花大叔亦唔係萬能、更加唔會為呢個傻仔做得太過露骨的。不過咁、涼爽奇係可以上訴。如果好彩嘅話、可能又會有奇蹟出現架!

 

講開又講、大家都係出嚟行、受過訓練嘅戰中四條𡃁(淫浩龜、兜捹匡、戇痴瘋、蘿半蔥)就眉精眼企得多。每次打衝鋒都是聲在前頭人在後、堅持君子動口不動手、要動就留番畀班傻仔動。因此鋪鋪暴力事件都焫唔到佢哋。然而、無師自通嘅涼爽奇戴上面譜就打埋一份、滿以為人家唔認得出佢、結果咪衰咗囉!玩反社會運動呢家嘢、永遠都係精人出口、笨人出手架!明未?

 

回應 (0)
我要發表
user

最新回應

123331
123331 2018/08/22

亞域哥,「來者應,去者靜。法住無常,止心一處。」謝謝。

開心van仔
開心van仔 2018/08/22

很喜歡看你的文章,為何不寫?你今日的話令我有共鳴!我進入古稀之年,剛做了第二次通波仔手術,對世事已不再熱衷了。只希望可開心過每一天。回望過去幾十年人生,很多事都淡忘,只記開心的事,不開心的由它去!現在對很多事都淡然處之,只爭取多些時間與孫兒們相聚。

祝君身體健康,生活愉快,開心每一天!真希望可再見你的文章!

萬大有商量
萬大有商量 2018/08/21

請君多多保重 ,健康快樂年年。

花姐
花姐 2018/08/21

為何離開,每天看你的文章,有共鳴的,也有是不懂的,不過在這裡交的博友,都使我有得著,也許離去是你覺得最好的選擇,亦希望很

快又在頭條網看你寫的文章,多多保重。

花姐