內地大炒獨角獸
上週末在加拿大的七大工業國(G7)峰會,在特朗普的摻和下有點混亂,美加、美歐的貿易戰未有稍息,不過市場的反映比較平和,估計係投資者把注意力集中在特朗普和金正恩的歷史性會面上,再加上聯儲局於今明兩日召開議息會議,市場觀望氣氛濃厚,週一美股平穩過渡,杜指接近平手離場,標普500指數和納指分別微升0.1%和0.2%。
美股昨日紋風不動,歐洲和亞洲股市基本上走高,唯獨係中國A股,表現異常疲弱,上證綜指昨日收3052點,去番去年9月時低位,成交量亦大降,兩市加埋只有3200億元。分析指出A股近期走弱,除了市場對於中美貿易戰談判不感樂觀,聯儲局又會再度加息,更主要的是「缺水」,大量優質新股上場,6隻可投資CDR(中國存託憑證)的戰略配售基金昨日開始發售,市場資金偏緊,而多家新經濟「獨角獸」擴容,百度、騰訊、小米輪住上,勢將再抽走市場資金,大市無水支持,唔跌都難。
雖然大市弱不禁風,但指數低唔等於無嘢炒,內地投資者都在摩拳擦掌,要在CDR推出後大撈一筆。所謂CDR是指在境外(包括香港)上市公司將部分已發行上市的股票託管在當地保管銀行,由中國境內的存托銀行發行的投資憑證,這種憑證好像股票那樣,在境內A股市場上市,以人民幣交易結算,可供國內投資者買賣,從而實現股票在基本上市地之外的異地交易。在小米上週四提交發行CDR申請後,《中國證券報》報道,在美國上市的百度正在準備申請發行CDR的材料,有望成為首家回歸A股的美股。
中金公司表示,短期增加新經濟類公司上市的預期,近期引發市場對已上市的新經濟類公司的追捧,政策效應容易在以個人投資者為主的A股市場放大,而引發波動。
除了CDR之外,市場近期都在大炒所謂的「獨角獸」,最近在內地上市的三隻重量級新股,包括醫藥的藥明康得、工業的工業富聯和電子業的寧德時代,就炒得不亦樂乎。
特別係藥明康得,5月8日排牌,招股價21.6元,之後連續16日漲停板,到5月29日收報129.91元,抽中一手,勁賺10萬元人仔!到5月30日,才正式打開漲10%停板之局,當日一度高見135.57元,收市回調7.3%,6月4日最高見過138至,之後微升兩日大跌1日,昨日收108.12元。值得注意的是,股價雖然大升了6倍多,但沒有抽到股份的股民,基本上賺不到,到正式打開漲停,傻傻哋追入的股民,基本上全輸,股價由最高位回調超過兩成!
正如我不斷地講,遇到這樣熱辣辣嘢上市,抽IPO當然無妨,但很難高追,因為九成會接到火棒。藥明康得是內地藥業的CRO(合同研究組)霸主,所謂CRO,指通過合同形式,為製藥企業的藥物研發,可以講係代工企業。藥明康得當然是好公司,以2017年營收計,全球排第9。但問題是,以昨日收市價計,股值已經到1127億元人仔(約176億美元),P/E去到96.6倍!而比較全球排第一的CRO公司美國實驗室控股公司,同期的收入100.4億美元,足足係藥明康得的10倍,而市值才191.3億美元,P/E 15.31倍,比較起來,藥明康得實在貴得驚人!
同樣是最近在內地上市的工業富聯,昨日收21.6元,市值4296億元人仔, P/E 36.35倍,比起同樣做自動化程式的全球的行業龍頭美國的通用電氣,市值7754億元人仔, P/E 15.65倍,德國的西門子市值7286億元人仔和13.93倍P/E,同樣是貴得驚人!
至於昨日在內地上市的寧德時代,首日大漲44%, 股價由25.14元升上36.2元,市值786億元,而在相近行業的全球霸主日本松下(Panasonic)市值才 2246億元人仔。若寧德時代再瘋漲幾日,市值隨時超過松下。
我不是說這些都不是好公司,她們都是很棒的公司,但問題價錢實在貴得離譜,已超出了合理的程度,內地正大炒科技獨角獸,當市況冷靜下來,股價就會回歸正軌,用朋膝頭哥都會知道後果啦!
陸羽仁
2018-06-12
Dow Jones Industrial Average (^DJI)
25,320.73 -1.58 (-0.01%)
息口趨升 不利齋炒
2018年06月13日
特金會前夕,美股三大指數平穩,似乎仲係睇緊美國開會議息結果,市場預計加息機會係百分百,只係睇會後聲明會點講息口前景。特金會在港股時段完美結束,但對港股無甚刺激,只是微升39點,都唔係好升得起。
儲局新主席鮑威爾上場後唔高調,外界對佢鷹鴿取態,感覺唔算太明顯。佢未上場前,外界感覺佢比上任主席耶倫喺通脹問題上強硬。睇番O依家美國就業同通脹數據,增長勢頭仍然強勁,美國息口唔可以太軟,若然太軟可能仲快爆煲。O依家總統特朗普四出攻伐,提出美國優先,實情美國就業情況已經係近二十年最好,無乜需要用咁極端手段去增加工作機會,只係政客用呢招可以拉到選票,咁又何樂而不為。
比特幣又急插
美國息口短期前景唔會太軟,代表資金成本唔會回落,呢個趨勢等如增加咗炒賣成本,對啲無乜回報純炒作的投資或投機品自然構成壓力。喺美國議息前夕,比特幣一度急跌13%,低見6635美元,續創兩個月低位。其他虛擬貨幣都大插,以太幣最多曾插16%,低見502美元,比特幣現金昨更大瀉兩成,最低曾報897美元。比特幣自從今年初大幅回落,一直處於弱勢,趨向有反彈無上升,資金成本上升,削弱咗呢類無息口回報產品的吸引力。
利率趨勢同時支撐咗美元,加埋七國集團(G7)峰會,特朗普可能見加拿大總統杜魯多靚仔過佢,所以狂插呢位政壇小鮮肉,搞到加元急插,美元兌加元昨最多曾升0.8%,高見1.3028,所有呢啲形勢,似乎都反映資金有百川匯海,流向美國跡象。
呢個星期鷹君爭產官司打到街知巷聞,呢種場面當然可免則免。理文系公佈股權重新分配,市場理解就係分身家。原來,理文系由李運強持有兩間上市公司控制權。他持有理文造紙(2314) 56.88%股權,長子李文俊與三子李文斌,分別持有6.35%及6.93%;李運強將大部份股票轉給兩子,李文俊與李文斌最新持股量分別為30.47%及28.32%,李運強保留11.38%。至於理文化工(746) ,李運強與兒子李文恩本身各持有41.25%及33.75%,李父將近半股權轉給兒子,兒子變相增持至60%,李父則保留15%股權。咁即係老父在兩間公司都退居小股東位置。
理文糸由第二代打理公司已經一段時間,市場對消息反應平靜,相信可見將來股價都會跟住生意走。
理文股價落後紙價
去年年底開始,紙價大幅上升,本來估計紙張價格咁鬼高好難維持,結果卻出乎意外到O依家都高居不下,紙廠亦可以調高售價。有用家喊晒口話,就算落咗單都未必收到貨,佢話紙張價格急升,一來因為內地收緊環保要求,削減廢紙進口配額,令廢紙供應短缺;亦有啲紙廠趁機減產谷高價格。好似理文呢啲大廠,應該成為贏家。
理文O依家市盈率八倍,息率逾四厘,數字上有一定吸引力,不過紙價高能否維持始終有疑問,所以理文造紙股價跟唔足紙價升幅,後市都係適宜低吸為主。理文造紙昨日收升0.8%,報8.26元;理文化工收報6.61元,升0.9%。
大市無乜方向,恒指最多升179點,高見31242點,但一度掉頭跌近120點。恒指收市報31103點,升39點;國企指數報12206點,升34點;大市成交額877億元。世界盃即將開鑼,內需及消費股繼續爬升,美銀美林提升華潤啤酒(291) 目標至42.6元,維持「買入」評級,股價收市揚7%,報38.5元。青島啤酒(168) 升2.4%;統一(220) 創逾五年高,收市升3%;頤海國際(1579) 創新高,收市升6.5%。
華潤水泥(1313) 雖發盈喜,但同時宣佈以每股9.3元先舊後新配售4.5億股,集資淨額41.8億元;股價以全日低位收市,報9元。水泥業今年境況唔差,潤泥走勢唔錯,佢即刻趁高配股。內地今年水緊,加上好多科網股集資,公司有機會自然抽咗水先,潤泥的做法相信會陸續出現。
陸羽仁
得嗰幾個星期,美國國務卿換人無耐,傾得到重要議題先至係出奇;但係北韓而家手頭,多咗大把宣傳相片及資料,反之美國只係獲得一個以前聽過好多次嘅口頭承諾。
不過兩條友都係有違約嘅前科,相信南北韓和平會有進展嘅人都幾天真。除非係北韓去統一南韓,否則中國都多數唔會支持。
早排通俄門新聞分析之中,其中一個理論,就係普京著手分化西方陣型,將世界由美國霸權,回復到冷戰嘅多峰局面。
特朗普成日話自己係難以捉摸,但係以上理論套入,過去一星期嘅事情 - 先得罪長期鄰居盟友,跟住送個大禮俾火箭人 - 就變得好合情合理。差在實質證據 - 是但係錢銀交易money trail,或者有無佢嘅『黃金沐浴』影片。
講到得罪鄰居,特朗普嗰個經濟顧問Larry Kudlow,毒口鬧加拿大男神首相,稱地獄有特別留位("special place in hell"),話口未完佢自己就心藏病發;既然條撚樣講嘢咁毒口,袋鼠都唔使怕攞景贈慶,哈哈,呢個經濟顧問緊係身先士卒,想先行一步去地獄為男神留位!
14/6 更正,講嗰句條友係另一個貿易顧問 Peter Navarro,而唔係 Larry Kudlow;不過攞景贈慶字句不改。
今天 763 復牌,已於FB貼出支持位,希望對大家有幫助~
https://www.facebook.com/HKProgramTrading/
早呀~ 各位~
有空的給個[讚],有興趣的可[追蹤]一下,感恩~
https://www.facebook.com/HKProgramTrading/