域 流亦詩
域 流亦詩
域 流亦詩

貿戰開打

2018/06/16 14:38:30 網誌分類: 各家大事
16 Jun

乍看似牛不是牛

公然發難博倒流

牛高馬大鬼都怕

欺人以刃勢堪憂

 

喪普體跟肥恩簽定四項空泛協議之後馬上轉過頭來向紅家反口、並向五百億元紅家入口貨品徵收 25 % 關稅。有人話、喪普呢頭跟肥因講掂數、嗰頭就跟為「喪肥會」穿針引線嘅紅家翻臉、正式係過橋抽板嘅卑鄙小人。嗱、我唔係黑心、以喪普嘅為人來說、會見肥恩無非是為花家中期選舉造勢、當大局定下來就會反口嘅。莫講話花軍撤離東北亞係老點街坊、即使那裡稍為太平都不符合花家利益。其實很多街坊都看得出、喪普跟肥恩簽嘅所謂協議只係四個毫無內容嘅框框、一切有待日後商量。嗱、既然要商量就有機會反枱。你估花家中期選舉過後喪普會唔會反枱?無論條數點計、都計唔出點解喪普會如此遷就肥恩。因此、我相信這次喪肥會只係喪普定下來嘅借艇割禾之計嚟。

 

從喪普今次要對紅家入口貨增加關稅看來、只是第一步。隨着而來的就是把北弱也拉到南海巡航、使力去煽動島獨分子、找藉口誅殺在花家投資嘅龍資企業、總之務求迫到紅家翻臉就是。我相信、就算紅家肯硬吞這口氣、花家打壓亦會陸續有來。我哋龍族有句叫「長痛不如短痛」嘅老話、以其被花家不斷威脅和踢索、倒不如實牙實齒拼一場、看看誰能笑到最後。依我睇、喪普就係想咁。只要喪普大喝一聲、願意跟花家聯手對付紅家者免增加關稅嘅話、歐㒼廿八族、架仔、南寒等肯定加盟。到時龍族將會成為箭靶。在白番嘅理念裡面、世界上只能容納一個強權。若然有另一個強權誕生必有一戰。這叫一山不能藏二虎。你唔咬佢、佢就咬你、想避都避唔來。

 

冇錯、以紅家今時今日的實力、無論是跟花家打貿易戰、抑或打真軍、免不了會身受重創。之但係、就算紅家肯簽城下之約、花家都唔會放過紅家的。歷史證明、龍的傳人是輸得起的。由晚青八族聯軍、架仔入侵嘅八年苦戰、六十年代大饑荒和唔化大革命、因南天門事件而遭全世界制裁都撐得過去、現在龍族的拳頭比任何時間都硬淨、難道反而害怕起來嗎?要來的一定來、逃也逃不掉、倒不如拋開幻想奮力迎戰吧!

 

回應 (0)
我要發表
user

最新回應

*KK*
*KK* 2019/09/18

兄台眼光獨到. 不出一年就有大龍鳳睇了.

"污膠藤"單野, 不知若傳到近日來港的"毒眼寒流柑"之祖家又如何呢? 若彼邦之"安胃女孩像", "神大將軍像", 甚至"安義士像"等受如此對待, 真不知此"柑"會否敢在祖家國民面前仲乜野物野囉...

多年來各大爛仔館既欺師滅祖, 以至人性夏令營等精彩場面, 真係值得透過寒流輸出至全球! 彼此認識, 促進交流呢! 世界必有新氣象, "時代革命性解放"嘛!!!

開心van仔
開心van仔 2019/09/18

你好,很久不見了!我沒有在頭條寫野也有一年了!今天突然回來看看,高興見到你呀!近月心情很沉重,太多負面新聞令人情緒低落,不知亂局何時了!

123331
123331 2018/08/22

亞域哥,「來者應,去者靜。法住無常,止心一處。」謝謝。

開心van仔
開心van仔 2018/08/22

很喜歡看你的文章,為何不寫?你今日的話令我有共鳴!我進入古稀之年,剛做了第二次通波仔手術,對世事已不再熱衷了。只希望可開心過每一天。回望過去幾十年人生,很多事都淡忘,只記開心的事,不開心的由它去!現在對很多事都淡然處之,只爭取多些時間與孫兒們相聚。

祝君身體健康,生活愉快,開心每一天!真希望可再見你的文章!