域 流亦詩
域 流亦詩
域 流亦詩

喪人喪招

2018/06/23 16:27:35 網誌分類: 各家大事
23 Jun

 

政壇多博奕

㒼塞聽仆直

蛤乸隨街跳

看誰終得食

 

在與紅家打貿戰方面而言、喪普三番四次出爾反爾、使得全世界都見到花家信用無存。嗱、世人只知到罵喪普毫無信用、同佢協議直程係與虎謀皮。但實情又係唔係咁嘅呢?據榕樹頭講古佬三叔公講、喪普係特登咁做嘅喎!原因部份共磨黨員與對手民指黨聯手迫佢做哀人、而自己就在後面做好人搲着數。嗱、花家以脅迫手段四圍踢索只屬家常便飯、閣會要求喪普按照家規做事並無不妥。之但係、班友要喪普迫使紅家取消「龍的製造2025」計畫、等同迫紅家跟花家打貿易戰。只要貿易戰一打、喪普就立刻成為商家佬箭靶、共磨黨亦可能被迫妥協將他趕下台。

 

嗱、從表面睇喪普呢壇嘢好大喜功、直程係托炮都要認第一嗰類人嚟。所以佢一上場便將奧黑馬所定下的一籃子計畫全部推翻。喪普唔止退出花家牽頭搞嘅T孖P俱樂部、退出世界空氣清新協會、退出伊核俱樂部、剛剛還退出埋聯合閣會嘅人權協會。總言之、凡是要交會費嘅乜會物會、喪普都要退出就是。喪普向盟友加收保護費、使得班友個個面燶燶、而花家亦變成孤家寡人。喪尊跟紅家講掂數之後再三反口、迫得紅家非根花家打貿易戰不可。佢亦跟肥仔恩簽署一份沒有內容嘅協議、回到花家便將成隻牛都吹上天上去。喪普所做嘅一切都是反常的、都是跟花家過不去的。究竟佢點解要咁做?冇錯、其實喪普一直都係同閣會過緊招。他的招數就是、閣會迫他行一步、他就行夠十步。所謂物極必反、如果淨係要喪普一個人輸、倒不如全體一起輸、睇吓邊個能癲到最後。由其是共磨民指兩黨嘅生意佬一味想擁喪普做衰人、而自己就在後面兜篤做好人搵着數。喪普冇咁笨、幾大都拖晒所有人落水、睇吓班友仲肯唔肯妥協吖嘛!嗱、咁就解得通、點解一向唔肯益人嘅喪普、明知到得罪咁多盟在只會益晒紅家、仍然做個不停手啦!呢啲叫做、先置於死地而後重生吖嘛!係冇?

 

回應 (0)
我要發表
user

最新回應

*KK*
*KK* 2019/09/18

兄台眼光獨到. 不出一年就有大龍鳳睇了.

"污膠藤"單野, 不知若傳到近日來港的"毒眼寒流柑"之祖家又如何呢? 若彼邦之"安胃女孩像", "神大將軍像", 甚至"安義士像"等受如此對待, 真不知此"柑"會否敢在祖家國民面前仲乜野物野囉...

多年來各大爛仔館既欺師滅祖, 以至人性夏令營等精彩場面, 真係值得透過寒流輸出至全球! 彼此認識, 促進交流呢! 世界必有新氣象, "時代革命性解放"嘛!!!

開心van仔
開心van仔 2019/09/18

你好,很久不見了!我沒有在頭條寫野也有一年了!今天突然回來看看,高興見到你呀!近月心情很沉重,太多負面新聞令人情緒低落,不知亂局何時了!

123331
123331 2018/08/22

亞域哥,「來者應,去者靜。法住無常,止心一處。」謝謝。

開心van仔
開心van仔 2018/08/22

很喜歡看你的文章,為何不寫?你今日的話令我有共鳴!我進入古稀之年,剛做了第二次通波仔手術,對世事已不再熱衷了。只希望可開心過每一天。回望過去幾十年人生,很多事都淡忘,只記開心的事,不開心的由它去!現在對很多事都淡然處之,只爭取多些時間與孫兒們相聚。

祝君身體健康,生活愉快,開心每一天!真希望可再見你的文章!