PACO名人會
PACO名人會
PACO名人會

黃心穎:喊戲有難度 劉心悠《深宮計》唸對白挑戰大

2018/06/25 04:12:21 網誌分類: 生活
25 Jun

         TVB劇集《宮心計2深宮計》早前公佈於內地騰訊視頻國粵雙語播放量突破17億,監製梅小青表示是一眾演員的努力成就劇集的成功,最難得演員合作得好冇爭鬥。在劇中由宮婢變為公主的劉心悠,覺得最大挑戰是唸對白,所以一收到劇本就下苦功練習;而黃心穎則覺得感情戲最有難度,最後能演繹得淋漓盡致,並不因為對手是男友馬國明,反而是劇本寫得好令她容易入戲。兩人均期望觀眾看到不一樣的自己。

        梅小青指籌備兩年、拍足五個月的《宮心計2》,最難忘是在橫店拍攝的日子,她坦言:「要拍三十幾日戲,但落咗二十幾日雨,所以一落雨就要轉地方、改劇本,但都拍得晒。」她大讚演員們工作態度好仲好捱得,她笑說:「我哋套劇拍嘅時間長,拍古裝劇仲要額外三個鐘頭化妝,佢哋已經少咗時間瞓覺,但呢段時間居然冇人病,個個以精神一直撐落去;加上人哋話女人戲多是非,但心悠、心穎同娜姐(周秀娜)好friend,一局四司包括心姐(謝雪心)、羅霖、康華、張文慈同張慧儀,感情又好好,我真係好開心。」

        搵老師操對白

        劉心悠和黃心穎首次合作就做對好姊妹,她們稱一開始認識已很投契。劉心悠表示今次能接拍此劇是心想事成,「因為嗰陣時跟同事講開好想同TVB合作,點知一拍完嘢小青姐就搵我。」不過今次最大挑戰是唸對白,因她是台灣人,講廣東話唔夠純正,幸好劉心悠勇於克服,「對我嚟講,古裝劇嘅對白好繞口、好難記,當時我最需要係一個老師聽我讀,因為我聽唔到自己講到歪歪哋,所以當我一收到劇本就狂練、日日都讀,盡力用有限嘅時間做最多嘅嘢。」她的努力果然無白費,連梅小青都覺得她的表現值100分。

        演喊戲夠投入

        至於黃心穎在梅小青心目中,是一個笑得好甜、喊時講對白十分清楚的演員,可以媲美花旦鍾嘉欣、佘詩曼和楊怡。而最搞笑是梅小青揀馬國明與她做一對完全是無心插柳,她解釋:「開劇集記招前突然爆出佢哋拍拖嘅新聞,個個都以為我係特登,但真係唔係,而我又冇理由因為咁而『拆散』佢哋,咪繼續去囉。」沒想到黃心穎演得出色,梅小青一路加重她的戲份,連她也不禁說:「甘若芊呢個角色係我演過咁多劇中感情線最重嘅一個,至後段個人變得比較成熟,對我嚟講係難演,佢哋成日話如果對手唔係馬國明你可能唔係咁演,但我覺得可能係我同佢嗰段情寫得好細緻,反而令我易入戲,有幾場戲我睇親劇本都喊,以前要我演喊戲會比較吃力,但呢個角色可以話係我嘅轉捩點,我feel到我有啲嘢show到畀觀眾睇係唔同嘅。」

        主持:黃柏高 統籌:林永匡 協力:李佩儀 攝影:袁東亮、謝民光 服裝:ZIZTAR 場地:Otto Restaurant

        劉心悠—化妝:Rainbow Chung @ Annie G.Chan Make-up Centre髮型:Terry @ Xenter

        黃心穎—化妝:Jeff Tang 髮型:Nelson Chang @ HAiR

        黃柏高
■梅小青(右二)大讚劉心悠(左二)和黃心穎(左一)首次合作就演得好好。
 ■梅小青(右二)大讚劉心悠(左二)和黃心穎(左一)首次合作就演得好好。 
■黃心穎(右)在劇中單戀馬國明,但最終都能修成正果。
 ■黃心穎(右)在劇中單戀馬國明,但最終都能修成正果。 
■劉心悠(左)與黃心穎在劇中飾演閨密宮婢。
 ■劉心悠(左)與黃心穎在劇中飾演閨密宮婢。 
■黃心穎表示在橫店拍攝期間是最難忘。
 ■黃心穎表示在橫店拍攝期間是最難忘。 
■梅小青坦言劇集的成功有賴眾演員的努力。
 ■梅小青坦言劇集的成功有賴眾演員的努力。 
■劉心悠覺得能拍到此劇是「心想事成」。
 ■劉心悠覺得能拍到此劇是「心想事成」。 
回應 (2)
我要發表
good6060
good6060 2018/06/29 21:23:10 回覆

L.I.N.E:good6060 出.差.找.小.姐L.I.N.E:good6060 出.差.找.小.姐L.I.N.E:good6060 出.差.找.小.姐L.I.N.E:good6060 出.差.找.小.姐L.I.N.E:good6060 出.差.找.小.姐L.I.N.E:good6060 出.差.找.小.姐L.I.N.E:good6060 出.差.找.小.姐L.I.N.E:good6060 出.差.找.小.姐

user

最新回應

Brian Chui
Brian Chui 2020/11/09

做得呢行,其實要食得好,先可以以更好嘅面貌示人,真係好admire你地成日有得係九龍城美食及餐廳指南入面揾到食啊

srinivas
srinivas 2020/10/19

Thanks for the best and i love it.

ghd sports

2020/10/11
islamicnuskhe
islamicnuskhe 2020/09/29

We Are Best Islamic Astrologer in The World with  35 Years of Experience. Solve Your All Life Problem With Us. Contact Our Molana Asif Ali Khan.