28~29/6 燒煙花賀回歸

「五窮六絕七翻身」「置諸死地而後生」

期指結算恒指結束三連跌.高開高收呈陽燭.向28800.29000進發
28/6 周四恒指收報28497, 升141點(最多上升211點, 一度下跌187點)
國指收報10868, 跌10點(最多下跌133點, 一度上升77點), 國指六連跌.大幅跑輸恒指

6月期指結算價為28400
6月國指期貨結算價為10858

港股受內地股市拖累續創新低, 插埋呢棍, 恒指年波幅有5315點, 雖然仍有下跌空間, 未見今年大低，但已進入達標範圍, 會有淡友食胡, 以年波幅來看, 會下試27000

過去兩周暴跌未見過似樣反彈, 只係等上証見底來做助力推升, 恒指連跌3日後今日真係收升, 每周升跌比例通常係有2~3天升市, 好少全周日日升或跌, 呢個測市指標好準, 而家係1升3跌, 恒指尚欠1天升市(明日要收升), 國指未升過, 等埋弱勢的國指升, 港股向上動力就會增強

恒指低見28169創2017年12月8日以來低位, 惟低位一瞬即逝, 收市返回保歷加通道之內, 貼近28500收, 跌得好假, 似係為屠牛而插, 指標股具啟示作用, 騰訊低見$373.4, 收$379, $375關口失而復得, 代表大鱷想守住28000大關, 建行低見$7創今年低位, 收$7.08, 連跌11日, 亦守得住$7, 同樣代表大鱷想守住28000大關, 6月要守不難, 但7月就好難守得住, 否則月波幅唔夠波動空間

港股近來日日都有逾千億成交, 走鬼沽壓這麼大, 誰接了貨? 後市陰霾滿佈，買盤可能淡友陸續回補空倉, 亦有可能喺價值投資者趁低吸納, 大鱷低位收貨, 因現水平已具投資價值, 如果港股係為了屠牛大插跌過籠, 就不會長時間在28500/12000樓下徘徊, 急跌亦會急彈, 上去回補下跌裂口, 無論大市抑或個股都嚴重超賣, 有望繼續作出技術性反彈

今個月大鱷屠牛熊合共近三萬張, 有冇破記錄呢? 今個月應該食飽啦! 留番些下跌水位俾7月啦! 從陰謀論的角度來看, 總係覺得6月的暴跌市係大鱷刻意借壞消息來殺好友, 以月波幅來看, 只要有好消息, 7月仍有望重上29000, 到時又會轉口味玩屠熊, 以前大鱷都係不斷上攻屠熊, 當肥熊死得七七八八, 大市就突然暴跌落去屠牛, 而家剛好相反, 過去兩周不斷大插屠牛, 如今肥牛已死得七七八八, 所以大市或會突然轉勢向上, 爆上去屠熊, 大鱷係跟住牛熊倉位來操控港股，就算殺唔到都要震到牛熊止蝕

其實以大鱷操控大市的能力, 想守住大位毫無難度, 過去半個月大鱷特登縮手唔托市, 破位而下, 就係為了開肥牛大餐, 逼好友或基金大戶斬倉/止蝕來達到暴跌的效果, 如今屠牛任務已完成, 大插誘因下降, 要再養肥才插得, 大媽往往趁反彈走貨是後患，貿易戰下內地股市跌到走樣，亦會繼續拖累港股，亦係港股頻頻彈散的原因之一

~~~~~~~~~~~~~~~~~~~~~~~~~~~~~~~~

結算完尾市急升利反彈

港股後市就要睇牛熊分佈.人民幣及內地股市表現, 受七一回歸假期影響, 明日滬深股通關閉一天, 老外冇得狂丟A股, 希望上証乘機彈高幫下港股啦! 今日期指結算, 如果好友托市只係為了結算, 尾市結算完就不會急升, 但最終仍升141點, 有心有力, 按此推算, 升勢應未完, 過去兩周收市競價日日都係向下, 但今日卻走高23點, 都係利好訊號

應跌不跌需防升, 昨晚道指高開低收, 單日轉向, 以接近全日最低位收, 道指由升286點變為倒跌165點, 超樣衰, 上証亦反艇近全日最低位收, 人民幣續挫, 但港股仍能收升, 昨日已預測今日港股會作出反彈, 因為已見反彈綠芽, 拖到結算日好友反擊機會好大, 反映大鱷如果早已部署收升, 乜野利淡因素都阻唔到, 大鱷要升就會收升, 要插就乜鬼支持位都不堪一擊，港股升跌由大鱷話事

大媽繼續走鬼，港股通(滬深)都出現資金淨流出，中港股市續創新低, 上証連跌4日, 收2787, 跌26點, 今日又係內銀內險資源商品A股急瀉拖低內地股市及H股，只得石化雙雄A股急升, 人民幣愈跌愈有, 國指反彈乏力, 大鱷就趁內地收市後偷步推高恒指, 由於7月除息股拖累期指大低水二百幾點, 大鱷推高港股就係唔想期指跌穿28000, 要大幅拋離28500向上推進才脫險, 否則期指就會率先跌穿28000大關

按照慣性走勢, 世界盃期間例淡(6月中至7月中), 今次港股插水好正路, 但世界盃完結例升, 加上過去15年的七月有13次收升, 所以捱埋今次跌浪, 以月波幅來看, 七月仍有望再上29000, 熊熊一路排到上29500, 而肥牛就在28000附近

~~~~~~~~~~~~~~~~~~~~~~~~~~~~~~~~

假期前後例牌大龍鳳

牛熊分佈均衡, 下殺誘因降: (28158樓下)牛5862張 VS 熊5481張(29297樓上)

明日要畫月線, 但亦會有周末長假期沽壓效應, 不過只要上証止跌回升, 又或者內銀內險A股反彈, 或者阿爺護盤救市, 好友就有藉口出手, 只要畫一根大陽燭, 就可扭轉敗局, 由於牛熊分佈均衡, 大鱷今日已食飽飽, 明日唔使開餐, 首要任務係要養牛熊(要引多些熊入局才有誘因上攻, 否則會俾肥牛拉住後腿，繼續落山尋底), 來部署下周的殺戮,　假期前後例牌大龍鳳

今日恒指低見28169, 非常接近去年12月開始大升浪的28135, 呢個係大位, 今日一插即彈絕不會是巧合, 曾說28000~28500係好淡角力區, 今日收28497, 處於上方, 代表好友已出手, 七一回歸唔好再災喇! 要食彈高慶祝呀!

午後大鱷真係一如所料玩野, 港股早市升得好地地午後突然掉頭大插震倉, 向下擴大即市波幅, 插水屠牛後隨即急彈, 港股即市拋到失暈, 令今日才入場的牛熊無所適從, 企錯邊頻頻止蝕或被屠, 名符其實的好淡通殺

港股有個慣性走勢，就喺當老肥牛或熊死得七七八八，大市就會突然轉向，今日肥牛1292張歸西後(全個月殺牛22360張夠皮, 即係要轉口味屠熊啦!), 就變成熊多牛少, 所以尾市拗腰急彈高收, 嚇到熊熊今晚瞓唔著

雖然大量老遠熊食胡鬆人, BB熊下移, 但港股死唔去就引左大量BB牛飛撲入市博反彈(連史哥走牛後尾市都再買番), 呢個亦係港股後患，港股今日騰上騰落再彈高, 而家牛熊分佈均衡, 但大市嚴重超賣, 反彈未完, 熊命危

~~~~~~~~~~~~~~~~~~~~~~~~~~~~~~~~

向29000進發

恒指由高位31521插到落今日低位28169, 跌幅3352點, 未見過似樣反彈, 呢浸殺跌夠晒皮喇! 短線量度跌幅已到位, 周波幅及月波幅已超標完成, 只係年波幅勉強達標(中線), 我估短炒淡友都食胡啦! 做淡值博率下降, 博反彈好過, 只要明日港股冇再創新低, 就代表大市見左短底, 有條件上攻28800關鍵大位, 向29000進發, 弱勢的內銀有望做好, 除了因為累積龐大跌幅外, 亦係因為下周除息, 會有好息之徒買盤, 淡友亦會在低位回補空倉

今次大跌浪唔少人博反彈都陣亡, 人人心灰意冷, 止蝕離場, 燈神經仔通梁蛇再減中線倉, 持貨只得約6%, 相反指標係利好訊號, 當全城向下望就係轉向之時, 沽空高企, 亦有上攻挾淡誘因,彈完繼續尋底都得

港股過去半個月跌勢過急, 插埋今日呢棍彈番上去係利好訊號, 我走熊轉為買上, 暫時唔做淡, 亦唔想牛熊過夜, 寧願炒即市博反彈, 亦趁低買入正股, 近日見淡友密密回補空倉, 7月冇左基金埋半年結的壓力, 明日基金亦要粉飾櫥窗, 加上企業回購, 都幫到大市, 首要條件係內地股市及人仔回穩，否則港股仍要潛行空間

今日港股即市走勢非常陰濕, 早市沖高見28567，如果跟史哥劇本午後上破即市頂，就會放生28315樓下肥牛，所以午後大鱷突然變臉大插，破底隊到落28169大舉屠牛，秒殺肥牛即彈趙完鬆，尾市嘭嘭聲爆上，食多一口肥牛才展來升浪係大鱷的慣性手法, 真係神級, 由低位28169大幅反彈319點高見28488，收升141點報28497, 創新低後倒升呈陽燭係利好訊號, 但H股弱勢持續, 未能收升, 希望明日升番啦! 國指本周未升過唔得咖!

今日插水一棍好絕，先沖上去引牛入局，衝高回落殺牛震牛養牛熊，低見28169, 28000~28500大部份老肥牛已陣亡，尾市急升，中午嚇走咗的牛牛眼光光，已入局的BB熊一入即艇, 中伏了

下午大插屠牛後才彈高, 呢班大鱷真係陰毒, 操控大市如入無人之境, 賤到冇朋友, 使唔使做到咁絕? 獨食冇益人, 杏+橙大鱷賺埋d陰質錢，要詛咒佢賺到都冇命享, 出街撞車死, 食飯哽死, 絕子絕孫

期指結算後港股報復式反彈.低開高收.單日轉向呈大陽燭.惟受制於29000

29/6 周五恒指收報28955, 升457點(最多上升465點, 一度下跌33點~競價開市位), 連升兩日

國指收報11073, 升204點(最多上升216點, 一度下跌16點), 國指大幅跑贏恒指

世界盃股災

大摩:「我們正在走向徹頭徹尾的熊市。」「這是一個危險的市場。」

期待已久的技術性反彈終於來臨, 今日急升令港股超賣情況紓緩, 港股已進入熊市, 今日反彈亦受制於29000整數關口, 港股沽壓大, 未見底前好難連升多日, 恒指已經連升兩日夠皮喇! 牛熊已養肥, 在屠殺範圍內, 熊熊下移至29200水平(約500張), 牛牛增肥(遠牛上移至28000樓上), 最肥牛牛在27800~28150(約3900張), 從牛熊分布來看, 而家最肥就係28000附近的牛扒, 按照慣性走勢大市會向最重倉區進發, 即係下周港股會碌落山屠牛

假期前後例牌大龍鳳, 今日已應驗, 下周一港股七一回歸假期休市, 內地股市有市, 禍福難料, 下周二港股復市就要睇阿爺做人, 中港齊齊出招打壓樓市, 港元拆息升, 貿易戰, 內地經濟放緩, 大媽撤出股市, 股票下挫抵押風險增, 人民幣持續貶值, 人幣資產遭離棄, 利淡因素多到不得了, 港股跌跌不休不無道理,