域 流亦詩
域 流亦詩
域 流亦詩

軟性過招

2018/06/30 15:15:59 網誌分類: 各家大事
30 Jun

呢條瞀里確不該

大奅狂車扮嘢來

跟紅頂白成真理

道理唔道播禍災

 

綽號癲狗嘅花旗國防部長馬蹄絲於本月26至28日訪問天朝、據說是來交流戰略意見喎!嗱、講起來、心水清嘅街坊會奇怪、點解只有聽聞花旗軍頭訪問天朝、而沒有天朝軍頭到花旗訪問嘅消息。其實道理很簡單、因為花旗一向「恰」慣人、但又怕唔覺意玩大咗而遭反撲、所以每到咁上下就派個軍頭到人家屋企打圓場、另外又派遣戰艦和戰機在人家嘅家門口也文也武、企圖嚇窒對手吖嘛!呢啲咪就係「又要威、又要帶頭盔」囉!其實馬蹄絲今次係另有一個更重要嘅任務嘅。那就是睇睇天朝會唔會履行跟波斯簽署嘅軍事聯防協議、好讓花旗決家是否攻打波斯之前有個預算。

 

 講開又講、今次馬蹄絲一踏足中土時、花旗最新形嘅核動力航母劣根號攜同兩艘戰借訪問賓國為名艦駛人南海、目的是為馬蹄絲壯聲威、假如天朝不識抬舉嘅話、劣根號就要在南海示範航行自由了!殊不知天朝今次幽花旗一默、居然在同一時間內以衛星轉播四艘造島神艦、齊在史里難跨海岸為該國未來發展而進行大型填海造陸工程。使得世人目睹究竟是誰在搞建設、是誰在搞破壞。不過紅軍亦唔係豆腐渣嚟、早在馬蹄絲登上飛機前往中土時、便公開展示新型巡航導彈嘅威力作為殺威棒。紅軍發射嘅係數枚YJ18巡航導彈、全部打中一座七層高建築物。這型射程比花旗戰斧巡舫導彈還要多一百公里導彈是以亞音速貼近水面巡航、接近目標自動轉為三倍音速攻擊、只須要一枚足以癱瘓一艘神盾艦、在接近目標時自動調節至超音速攻擊、即使被對方近防反導系統射中、爆炸時發放嘅輻射亦可以將五十米範圍內所有雷達、火控系統和通訊系統被廢去六成或以上功能。這種導彈簡直係花旗海軍嘅惡夢嚟。相信在訪問中的馬蹄絲知到消息後內心一定唔好受。正如幾年前一名花旗軍頭雙腳剛踏入中土之際、紅軍隱形戰機殲二十便試飛成功所造成嘅震撼一樣。事後該軍頭公開講、話自己受到侮辱喎!嗱、怪就只能怪花旗佬唔懂得何謂「面係人哋畀、假係自己丟」嘅道理喇!講真啦、睇呢類咁嘅政治上嘅身體語言、懂嘅人當然會心微笑、不懂嘅人根本上是毫無感覺的。在下亦只係抱着見水吹水嘅心情、寫出嚟與各位街坊分享一吓。千祈咪認真呀!

回應 (0)
我要發表
user

最新回應

*KK*
*KK* 2019/09/18

兄台眼光獨到. 不出一年就有大龍鳳睇了.

"污膠藤"單野, 不知若傳到近日來港的"毒眼寒流柑"之祖家又如何呢? 若彼邦之"安胃女孩像", "神大將軍像", 甚至"安義士像"等受如此對待, 真不知此"柑"會否敢在祖家國民面前仲乜野物野囉...

多年來各大爛仔館既欺師滅祖, 以至人性夏令營等精彩場面, 真係值得透過寒流輸出至全球! 彼此認識, 促進交流呢! 世界必有新氣象, "時代革命性解放"嘛!!!

開心van仔
開心van仔 2019/09/18

你好,很久不見了!我沒有在頭條寫野也有一年了!今天突然回來看看,高興見到你呀!近月心情很沉重,太多負面新聞令人情緒低落,不知亂局何時了!

123331
123331 2018/08/22

亞域哥,「來者應,去者靜。法住無常,止心一處。」謝謝。

開心van仔
開心van仔 2018/08/22

很喜歡看你的文章,為何不寫?你今日的話令我有共鳴!我進入古稀之年,剛做了第二次通波仔手術,對世事已不再熱衷了。只希望可開心過每一天。回望過去幾十年人生,很多事都淡忘,只記開心的事,不開心的由它去!現在對很多事都淡然處之,只爭取多些時間與孫兒們相聚。

祝君身體健康,生活愉快,開心每一天!真希望可再見你的文章!