陸羽仁
陸羽仁
陸羽仁

美光事件

2018/07/04 08:50:54 網誌分類: 經濟
04 Jul

美國昨日係國慶日,股市提早半日收市。雖然得半日市,但走勢肉酸,高開低走,杜指早段升138點,中午收市倒跌132點,跌幅0.5%;標普500指數亦跌0.5%,納指跌0.9%

本週五美國將公佈重要的6月非農就業報告,環球貿易戰陰霾籠罩,加上國慶假前夕,市場觀望氣氛濃厚。而本週五美國開始對價值340億美元中國貨品加徵關稅開的關鍵日子,市場已經預期中國會還以顏色,作出同等的反制措施,繼續令那些與中國市場關係比較密切的企業成為投資者的沽售對象,其中波音飛機跌0.9%Caterpillar1.8%,蘋果跌1.7%

美國對中國公司稍稍鬆手,美國商務部發佈公告,暫時、部分解除對中興通訊公司的出口禁售令。公告稱:從公告發佈之日起至81日,在有限條件下解除對中興通訊公司的出口禁令,對象是已經與中興通訊開展業務的公司,期限是一個月。這些美國公司銷售給中興通訊的產品必須用於以下方面。第一是支持現有網絡和設備的持續運行,其次是支持現有的手機,第三是用於網絡安全研究和漏洞披露,另外還有一個條件是交易資金必須在美國商務部授權的機構間轉移。

目前還不清楚,對中興的7年禁售令,隨後會不會完全解除。

昨日拖累大市的主力係科技股,標普500指數科技板塊跌1.4%,其中Facebook因為《華盛頓郵報》報道政府正進一步調查Facebook與劍橋分析(Cambridge Analytica)分享客戶數據的問題,消息拖累Facebook股價跌2.3%

而跌得最多,對美股拖累最大的晶片股,標普半導體ETF昨日跌1.4%,主要受到晶片生產商美光(micron)股價大跌影響,有媒體報道美光在一宗侵權訴訟中敗訴,將被福建地方法院裁定禁止在中國市場銷售包括DRAM及記憶體等26種產品,由於美光一半的生意都在中國,消息令到美光一度大跌超過8%,尾市略為反彈,收市仍跌5.5%,一日內蒸發了市值32億美元!

美光事件其實可以講係中美貿易戰中的一個小插曲。去年,美光在美國加州的一家聯邦地方法庭,控告聯華電子以及下屬的福建省晉華集成電路公司盜用其內存晶片技術。之後聯華電子在中國反告美光侵權。最終美光在中國的官司敗訴。另外在週一,美國宣佈以國家安全理由,禁止了全球最大的手機服務供應商中國移動公司進入美國市場。

中美行貿易戰其實早已開打,中美互相針對對方的公司,只是集中於科技領域,不太為人注意而已。

陸羽仁

回應 (23)
我要發表
animal666
animal666 2018/07/05 06:32:47 回覆

地產公用生意最好做
2018年07月05日

  人民銀行出口術支持匯價,人仔昨日反彈,但市場疑慮似乎仍未盡除。美國政府提出向總值500億美元中國商品,徵收25%關稅,其中首批340億美元中國商品,將於周五(7月6日)起徵收。中國隨即反擊,同日起向相同價值美國商品,徵收同額關稅。A股周二反彈後,昨日再度回落,上證指數再創28個月低位。

  港股繼續下插,雖然未跌穿假後低位,但內房股回落幅度頗大,似乎內資股逐個板塊受壓現象未消除。

  穆迪話樓市六招唔入肉

  內房股近日持續受壓,一來係市場擔心人仔有壓力,內地資產有貶值風險,成為沽售內房股理由。上星期陸羽仁提過,話內地對地產商施壓未停,當中包括減慢舊屋棚戶拆遷,迫發展商賣樓,導致內房商資金壓力上升,政策因素成為短期負面消息。

  過去內地政府與內房商關係,可以用愛恨交纏形容。內地樓市多年來大漲小回,創造唔少財富,但同時帶來社會問題。政府長期喺樓市維穩不斷出招,壓抑樓價飆升,但每次壓抑到最後,都會衝擊經濟景氣,最後就要鬆綁,樓價乘勢再上。內房商就喺一鬆一緊之間同政府博弈,捱唔過公司就出局,能夠捱過調控的公司就壯大。能夠生存到現在的公司,都係善於適應宏觀氣候的政策鬥士,O依家的不利環境,又係佢哋捱吓日子的調整階段。

  同內房商比較,香港地產財團環境就舒服得多,皆因政策對佢哋影響溫和好多。好似特首要交上任一年功課前,滾水淥腳急推房策六招,除咗一招空置稅對發展商賣樓有啲壓力,其餘五招影響都屬於中性甚至有利,特別係抽起九幅地起居屋,一下子減少近萬個私樓單位供應,幾乎等如私樓供應量一半數目。根據政府條數,空置單位數目都冇咁多,O依家抽起咁多私樓地,咁就算徵收空置稅,對地產商都唔慌入肉。評級機構穆迪直言,嗰六招對香港開發商影響溫和及可控,所以呢幾日股市大跌,反而俾政府出招對付的香港地產股,表現就勝過內地行家好多。

  另一類逆市而升的股份就係公用股,恒指昨日收報28241點,跌303點;國企指數收報10712點,下滑159點,成交跌到891億元,中電(002) 股價及相關新聞 逆市升近4%,創出近年新高的87.6元;電能(006) 股價及相關新聞 升1.5%,收56.2元,但經營香港業務的港燈信託(2638) 股價及相關新聞 勁升4.4%,報收7.83元,考慮到個市由高位回調近7000點,但佢哋過去一季跑贏大市幅度相當驚人。

  大行話監管計劃筍過預期

  兩電喺加價效應下股價彈升。有中環茶友心水清,話呢排佢已經見到兩電股價特別硬淨,心諗會唔會係大家覺得貿易戰打到嚟,所以資金避入公用股呢?答案O依家揭咗盅,原來唔止避險因素,仲係兩電有價可加。兩電本來的利潤管制協議調低咗回報率,但因為政府要改善空氣質素,兩電要更換機組,跟住又話要起浮動液化天然氣站,樣樣都可以帶來回報,代價就係加電費,市民畀多啲。

  本來大家以為新協議下有電費可減,O依家跌晒眼鏡。第一年電費已經無得減,未來恐怕加價仲會停不了!

  茶友話,中電曾經建議起液化天然氣站,但因為投資太大,政府決定叫佢哋幫襯內地買西氣東輸,點知搞咗幾年政府換吓屆,天然氣站計劃又番生,結果又要買西氣東輸,又要起天然氣站,總之搞環保對兩間電力公司就係商機無限。

  茶友話,電力公司做好多社會服務,其實都係用戶畀錢,羊毛出自羊身上。總之喺香港做生意,租金貴、人工貴,其實電費都唔平,中小企做埋做埋,租金電費一加,老闆們又要從頭捱過,所以無生意好得過呢兩瓣,造成呢兩大生意的老闆長期高踞超級富豪榜,亦係長期都有得升的股份。政府批准中電和港燈,未來五年資本開支分別增加三成一和四成七,大行摩根士丹利和花旗都指較預期筍,今次春江鴨明顯知道有好嘢,所以股價偷步炒上。

  陸羽仁

animal666
animal666 2018/07/04 20:48:51 回覆

今時唔同往日啲人又怕痛又怕死...

發生股災機會微乎其微...

SIGH...

SIGH...

animal666
animal666 2018/07/04 19:53:34 回覆
@TC (投知) [信自己]...

26,666 --> 36,666

Something like that...

SIGH...

大戶終結者 ( 等人齊 )
大戶終結者 ( 等人齊 ) 2018/07/04 19:06:44 回覆
@子龍 (kaka就是大叔的契哥)...

清光事件 !   {#iconb_67}

子龍 (kaka就是大叔的契哥)
子龍 (kaka就是大叔的契哥) 2018/07/04 17:46:26 回覆

180....110......一鋪清袋....大戶兄....救我..... {#iconb_67}

Leo
Leo 2018/07/04 17:15:43 回覆

TC兄,求求你放過我呢個叛徒,轉揸啦! {#iconb_342}

子龍 (kaka就是大叔的契哥)
子龍 (kaka就是大叔的契哥) 2018/07/04 16:44:21 回覆

林之兄: 如明天大市跌落275, 第三注會進場呢, 這是終極一注, 亦是最....最重注呢. {#iconb_62}

Leo
Leo 2018/07/04 16:27:01 回覆
@林之...

林之兄,小弟都係見將軍出手,入少少牛支持支持~~正股等待無防…牛就似乎行錯了,唯有等將軍拖番隻牛上去啦 {#icons_boy9}

嘩嘩…個成交金額重有無多D呀~?

子龍 (kaka就是大叔的契哥)
子龍 (kaka就是大叔的契哥) 2018/07/04 16:20:34 回覆

叮噹....全日大市跌近三舊, 成交不足900億, 縮左水呢.

我們要留意280這個大位, 如收市破280, 必定會引來沽壓, 重注必定要減倉, 小注的, 就要留意275 {#iconb_62}

Leo
Leo 2018/07/04 16:09:43 回覆
@林之...

林之兄,小弟祇入了很少量的牛證賻大霧、等奇跡。

兄台入的是正股/期指?

Leo
Leo 2018/07/04 15:39:45 回覆
@林之...

林之兄,

是,今早放走養了數天的熊,入了牛 {#icons_boy10}

Leo
Leo 2018/07/04 15:18:16 回覆

我的心,默默無聲,專等待… {#icons_boy5}

Leo
Leo 2018/07/04 14:25:00 回覆

763不是買來長擺的嗎?

Leo
Leo 2018/07/04 14:23:10 回覆

見將軍出場,個心都定D {#icons_boy1}

子龍 (kaka就是大叔的契哥)
子龍 (kaka就是大叔的契哥) 2018/07/04 14:12:57 回覆

門徒兄: 勿慌. 大市仍未破280呢

Leo兄: 噢.....噢.....噢.....

林之兄: 763買來做什麼???

第三注仍然等待時機....... {#iconb_62}

Leo
Leo 2018/07/04 13:27:14 回覆

說好了的多頭市呢~! {#iconb_613}

Leo
Leo 2018/07/04 12:44:19 回覆

將軍,救我呀! {#icons_boy8}

門徒
門徒 2018/07/04 12:14:23 回覆

將軍...救命呀 {#icons_boy8}

Leo
Leo 2018/07/04 10:32:45 回覆

今早棄熊投牛,是否做錯了呢 {#icons_boy3}

大戶終結者 ( 等人齊 )
大戶終結者 ( 等人齊 ) 2018/07/04 10:16:04 回覆

{#iconb_62}

Leo
Leo 2018/07/04 10:14:03 回覆

係唔係又到要彈-彈既時候呢 {#icons_boy9}

子龍 (kaka就是大叔的契哥)
子龍 (kaka就是大叔的契哥) 2018/07/04 09:12:43 回覆

{#iconb_62}

 KFC
KFC 2018/07/04 09:00:28 回覆

{#iconb_62}

user