貿易戰的三種可能

貿易戰執金莫太急
2018年07月09日

　　中美貿易戰開打，雙方互徵對方340億美元商品25%的懲罰性關稅。整件事的發展過程，最難估計的是美國民意。無論是中國或者美國商業精英，都認為由美國觸發的貿易戰，遇到中國的強硬回應，最後會兩敗俱傷，所以打貿易戰不是理性行為。不過，美國民眾並不理性，美國民調公司拉斯穆森報告調查顯示，首次有超過50%美國人支持美國總統特朗普，高過他在2016年競選時46.1%的支持率，這就是最危險信號。

　　當特朗普發動一場看似非理性的貿易戰爭，其中一個主要目標是要在今年11月中期選舉中獲勝，民意鼓勵他走向打貿易戰一方，他自然放開手腳開戰。

　　既然貿易戰已經開打，我們不能夠當沒有事情發生，要預計會有一個大中小規模的戰爭。小規模戰爭是雙方徵收500億美元商品關稅(包括在兩周後加碼的160億美元關稅)，之後便鳴金收兵，這只算是一個小規模的局部貿易戰，對經濟影響不大；中型貿易戰就是美國再對2000億美元中國貨品加徵關稅，預計中國也會迎戰。但由於中國輸往美國的貨品總量大約1300億美元(以2017年計)，中國最多只能再向800億美元輸入貨品開徵關稅，屆時中國可能透過其他非徵稅方式報復美國。

　　全面開戰 後果嚴重

　　至於大型貿易戰是美國作出第三波行動，向3000億美元中國貨品加徵關稅，甚至觸發全球貿易戰。由於中國不能再向等額美國貨品報復，只能透過提高關稅稅率或其他方式向美國報復。有分析相信，即使出現第三種情況，對全球經濟實質影響，也不會如大家想像中大。摩根大通的跨資產基本策略部門主管John Normand曾估計，就算美國對所有貿易夥伴徵收10%關稅，對方也作出相等反制措施，只會令全球經濟增長減慢0.4%。

　　不過，我覺得這只是一個靜態分析，如果美國對中國所有進口產品加徵關稅，中國的報復方式，便不止加徵美國進口產品關稅，還可能下調人民幣匯率或其他方法去應對。若人民幣大幅下調，對全世界經濟都會構成衝擊。人民幣下跌，美元上升，會造成資金流入美國，對新興市場十分不利。由於中國沒有完全開放資本帳，資金不能自由流出中國，人民幣大幅貶值，對中國影響會較其他新興市場為小。

　　猶記得1997年的亞洲金融風暴期間，中國堅持不讓人民幣貶值，一定程度幫助其他亞洲國家：若今次人民幣大幅貶值，相信會令其他新興市場貨幣大幅下跌，令有大量外債的國家和企業蒙受巨額匯兌損失，甚至出現違約危機，更有可能觸發金融風暴，衝擊這些地方經濟。如果出現這種情況，全球經濟增長肯定不止減慢0.4%。世貿組織總幹事阿澤維多表示，如多邊貿易體制遭到全面破壞，全球經濟增長率將下降2.4個百分點，60%全球貿易會消失。

　　壞消息出 先來反彈

　　所以，出現小、中或者大規模中美貿易戰，產生影響會有很大差距。若特朗普因為貿易戰開打，鎖定中國為敵人，令其民望上升的話，在11月美國中期選舉前，完全不能排除特朗普會把戰事升級，出現向2000億美元中國貨品加徵關稅的中型戰爭。出現這樣的一場中型貿易戰，相信對中港股市衝擊不會太小。就算我們假設特朗普在美國中期選舉後，可能會變得正常一些，不想因為失控貿易戰影響美國經濟，但現時距離11月還有四個多月，期間風高浪急，大家要綁好安全帶。我認為中國行事模式相對可測，特朗普行為較為難測，為市場帶來潛在風險。

　　恒指上周五早段跌穿28000點心理關口，之後逐步反彈回升，收市升133點，報28315點。7月6日中美貿易戰開打，是事先張揚的事件，雖然大家一廂情願想貿易戰打不成，但到上周三、周四開打前一兩日，大家都預期「冇得救」。所以，股市和人民幣此前下跌，可以理解為預先消化貿易戰衝擊，當壞消息在上周五出現時，無論是港股或者美股都迎來反彈。

　　貿戰未完 要試低位

　　估計後市還有機會再彈高少少，但講到要轉勢回升，暫時仍未看到有太強向上動力。首先是在兩周之後，美國再會向160億美元中國貨加碼徵關稅，已經是板上釘釘的事實，就算股市反彈多一星期，下星期還是要捱打。在貿易戰陰霾下，股市中短期走勢可視為一種「當頭跌」，即使你看好未來經濟前景，也不適宜太早全面入市，分段趁低吸納會比較安全。　　

　　另外，在貿易戰期間策略，是避開與貿易或者人民幣匯價相關股份，例如我早前提過的內地航空股中國國航(753) 現價7.26元，如果人民幣進一步下跌，這價格還未完全反映負面因素。人民幣兌美元由四月上旬至上周三大幅回落7%，之後略為反彈。試想一下，如果中國要面對美國再向2000億美元中國貨品開徵10%關稅，人民幣隨時眨值10%或以上，才能抵銷關稅上升壓力。我覺得人民幣匯價還未到轉勢地步，先會彈一彈，但一日中美貿易戰未平息，人民幣還是有下跌空間。

　　我係樂觀派，覺得貿易戰到11月後會平息，在此前股市下插原本是執金機會，但也奉勸大家執金莫急，以免一執就再跌，自己心理難受。

　　不懂投資 可買年金

　　另外講講年金計劃，香港按揭證券公司公佈年金計劃，今日開始接受申請。終身年金最低入場費五萬元，最高100萬元，65歲以上就可以投保。以投保100萬元為例，男性每月獲發5800元，女性為5300元，就像出長糧一樣，可以一直收到過身為止(因為估計男性死早一點，所以每月可攞多一點)。投保有一個保證期15年零兩個月，投保人至少可以拿到保費的105%投保額，以100萬元投保額計，最少可以拿回105萬元。男性在65歲投保100萬元，要取回105%投保額，等如有15年零兩個月保證期，如果投保人早於這個期限身故，其家人可以拿回保額105%的餘額賠償(要扣除已收的保金總數)；如果投保人超過保證期才過身，其家人將得不到任何賠償，這是一個「愈長命愈着數」計劃。如果是65歲的女性投保，有90歲壽命的話，將可以拿到總數159萬元；100歲的話，就可以拿到總數223萬元。

　　有朋友問我，這個年金計劃買不買得過？我認為，以發放的年金計，表面上有七厘回報，好像很高，問題是投保人超過保證期過身，其家人一分錢本金也拿不到。理念上像你做銀行，借錢畀人買樓，他每月供樓還錢給你一樣，投保人拿利息同時，也在拿部份本金。按香港按揭證券公司資料，這計劃內部回報率為4%，而不是表面看的7%，等如多出來的3%在收取本金。

　　換言之，如果某些投資回報率高過4%，做那些投資會着數過買年金。例如以越秀房產信託(405) 為例，派息率有6.41厘，除開12個月，買100萬元的話，每月可以拿到5341元利息，差不多等於女性投保年金計劃每月拿到的保金。但不要忘記，這裏說越房派出的只是利息，完全不會扣減股票本金。換句話說，無論買越房朋友是15年、25年，甚至35年後身故，家人還可以拿到所有股票本金，還未計及因通脹或物業價格上升原因，令股票本金可能上漲。簡單而言，如果能夠搵到穩定派息高於四厘投資回報，會好過買終身年金。

　　越秀房產 派息更高

　　話得說回來，終身年金對那些不懂買股票和胡亂炒股的人很有幫助。很多散戶買股是隨著市場波浪而行，高買低沽：市場熱時買股，冷時賣股，多多本金都不夠輸，倒不如買年金，起碼有四厘回報。所以，終身年金比較適合那些不懂得投資的人。

　　如果懂得搞出一個類似終身年金的投資組合，網羅一批穩定派息五厘以上的高息股，回報會比終身年金更好。或許最簡單的方法，是瞌埋眼以5.2元買越秀房產信託，也好過買終身年金，假若買了之後，貿易戰風波擴大，越房股價可能跌到4.7元，甚至4.2元，你會覺得輸了很多錢，但只要派息大致保持不變，就算人民幣下跌，也不會太大幅減少派息，例如起碼派到5.5厘以上，只要揸住收息，不理股價升跌，買越房回報還是好過終身年金。

　　陸羽仁

股平樓貴難永續(大結局)

2018年xx月xx日 (xx:xx AM)

陸羽仁

金融High Tea——
股平樓貴難永續（下集）
2012-07-16
      
上周五是「黑色星期五」，但股市並不黑色，內地公佈第二季經濟增長只有7.6％，市場相當冷靜，內地上證綜指微微升鰦一點都唔夠，等如無上落，收2185點。港股亦撐住19000點大關，收19092點，升67點。

        不過呢個黑色星期五去到美國仲精采，早前摩根大通深受「倫敦鯨」交易員投資失利影響，但上周五佢公佈上季業績較市場預期佳，股價勁升6％，帶動整片美國金融股抽上，再加上歐美投資者認為中國7.6％經濟增長，不是硬覑陸，杜指爆升203點，大升1.6％，終止連跌六日的頹勢，港股應有反彈，特別係跌得好殘的內銀股，應有像樣一點的反彈。

        大戶操控詮釋權

        股市就係咁，上上落落，壞消息面世時，又話「好過預期」、「其實唔係咁壞鎹」，股市升彈。股壇老雀極短炒時鍾意炒相反，認為如何詮釋市場資訊的權利在大戶手上，佢地鍾意同散戶做對手，所以要極短期炒作，只能在市場評價好差時買，在評價好好時賣。

        上星期寫了篇文「股平樓貴難永續」，講起網友「硬道理」在09年中因錯判市況，將05年入市的自住樓賣掉，然後將所有資金分段投放在A50（2823） 及工行（1398） 上，如今樓價升了，投資的股票跌了兩成多。文章見報後，迴響不少，有不少甚為專業的老友都有評價，可以寫寫他們的寶貴意見畀大家參考。

        第一，順大潮流炒作。有一個擅作價值投資的老手，睇完「硬道理」棄樓買股的手法，有此感歎，「買股票要年年有表現，其實近乎炒作，不是投資，炒作要順勢，唔講你個網友『硬道理』把自住樓賣掉，要冒上替代使用成本高升的風險（租金上升），單就炒作而言，佢鱓做法都是逆勢施為。」

        投資老手話，股神巴菲特咁成功，除鰦佢善睇公司價值，低價入市之外，佢都有「順勢投資」的味道，才不止長線有表現，而且中短期都有表現。例如佢在2002年、2003年以2元多的低價大手買入中石油（857） ，除了因為中石油股價低迷外，還睇到2002年911事件後，美國大幅降息，美元將持續走弱，石油等商品價格將長線走強的大趨勢，當時美國石油股唔便宜，就買纒中國石油股，結果食正油價連年大升的潮流，多年後就在10元以上沽出中石油獲利。

        股神都要順勢買

        又例如巴菲特在2011年1月以440億美元收購美國第二大鐵路營運商伯林頓鐵路公司（BNSF）。巴菲特雖然聲稱這次收購是對美國經濟前景的一次豪賭，但如果真係咁睇好美國經濟前景，點解係買鐵路公司而唔係買銀行？巴菲特係睇住美國正發生可能長達10年的非槓桿化過程，靠借貸賺錢的銀行唔係咁掂，投資進入低回報年代，加上油價高企，所以就買入鐵路這種回報較穩定的傳統公用事業，這種行為和李超人去英國買電廠、水廠有異曲同工之妙。當然，巴菲特偶有睇錯大潮流出事的投資，例如油價高睇好電動車，過份放大呢個行業的發展，入股比亞迪（1211） ，結果概念掂生意唔掂，股神勝在以8元入股比亞迪作價夠平，所以佢未死只是跟風者死晒。

        投資老手話「硬道理」在09年買入工行和A50基金長獱，事後睇係逆勢投資，因為阿爺在08年驚得滯大力投放4萬億救市，令股市和樓市當年升得太勁，再加上基建泡沫，觸發巨大通脹，2010年開始要收水救亡，這種收水潮，對投資內銀的氣氛不利，「硬道理」投資失利，係睇唔飱呢個收水大勢。反而好多人中短線炒纒內銀，跌得多買鱓，升一兩成走人，仲搵到食。

        第二，買樓有利長獱。我有另一個老友是極資深投資銀行前輩，佢20年前係巨型銀行的投資銀行部獱fit人，一直鍾情股票長線投資，唔喜歡買樓，當然佢亦有兩三間樓畀自己和屋企人自用，但他和香港人大多數發達方式不同，主要投資放在股票之上，而且係20、30年咁長獱。

        這位投行前輩舉鰦個例，佢話當年佢在包銷上市的公司中，揀鱓好鱓公司，用好少錢例如一、兩萬去買它們的股票（呢鱓錢在他而言只是零錢），買鰦十家八家公司股票，夾埋只是用鰦十幾萬，到而家無計歷年收的利息都值400幾萬，當中仲扣埋有一家公司執鰦笠股票變廢紙。佢話我可能唔覺得400幾萬係乜№錢，但佢只想試纒證明，長獱優質股票，獱得夠長有好回報。

        散戶買股難長獱

        當然，佢當年係投行大佬，睇住呢鱓公司上市，知道晒佢地盤數真假，佢長獱的股票有質素。佢承認呢個係事實，普通股民唔識揀，好多時會揀鰦鱓垃圾股，佢以內銀為例，雖然好多人怕內銀有壞帳黑洞，佢就唔係咁驚。呢個前投行大佬係中國好友，話中國第二季經濟仲有7.6％增長，仲話已經見鰦底，咁有乜№大問題，你睇纒歐美日的經濟有幾多增長？點解覺得美國好似安全過中國？美國最好的年代也只月3點幾巴仙增長，美國今年第1季增長只有1.9％，有幾好？所以拉長十年睇，佢唔覺得股票投資有乜問題，但你要日日問股價，日日去比較，咁就大問題囉，心理好易不平衡。

        前投行大佬話，一般人買樓好過買股，除了因為買樓有槓桿外，還因為買樓焗你長獱，但買股好易出出入入，但完全唔贊成投資者買股「游水」（將長線投資的股份高位沽出低位獱番），因為覺得大部份股民沒有合適的心理質素，所謂高沽，可能升少少沽鰦，結果只有輸錢股會長獱，賺錢股一早就沽走。內銀現價息率4厘、5厘，點解唔可以長獱？佢認為若有心理質素長獱，買樓買股都得，只要選擇低位入市獱佢十年廿年就得啦。

        第三，最怕係樓價追股價。聽完呢兩個朋友的意見，雖然好似一個話內銀唔得，一個話內銀得，其實只是中短線和長線的分別，內銀價殘，卻是大家都同意的事實。

        有一個靚女朋友上周問我，好買唔好買一個西半山樓盤投資，16000元一呎，佢想買一個500呎細單位租畀人，話利息咁平，隨時供平過租，有租金淨收入。我計一計，500呎單位盛惠800萬大元，呢鱓單幢樓實用率好低，500呎樓有300幾呎都偷笑，呎價真係貴得好緊要。但我見靚女貌美如花，好怕叫佢唔買一年後升到20000元一呎佢鈬找我晦氣，只能咁同佢講，樓價咁貴，但利息續低，升3成變20800元一呎當然有可能，但跌4成變9600元一呎也有機會，好似跌的機會大過升少少，就算升鰦上20000元一呎，兩年內賣要畀特別印花稅，利潤無鰦一大截，叫三思才好後行。

        靚女又問睇完我話「股平樓貴」，係唔係股價會大升？我見靚女一面「炒相」，好似唔炒樓想炒股咁，就提佢小心係「樓價追股價喎」，在這種百年不遇的金融海嘯中，投資唔好太冒進啦。

        陸羽仁

金融High Tea——股平樓貴難永續

2012-07-09

       中國減息沒有為上周五的市況帶來太多刺激，主要因為外圍唔好，內地股市上周五早段一度唔升仲要跌，搞到港股早段都要插，尚幸上證綜指當日午後都炒番上去，最後升1%收場，造2223點，港股都算收復失地，恒指只微跌8點。不過美股上周五又因為新增職位不理想，杜指跌124點，港股今日都要捱一捱。

      股市唔好景，炒股的人愈來愈少，傳統智慧話無人買才是投資股市最佳時機，不過在歐美大崩圍兼大放水時代，傳統智慧係唔係咁啱用，都令人存疑。股票買唔買都得，但買樓有實際使用需要，就必須處理，令人有好大煩惱。網友「硬道理」早前在頭條網留言提問，我覺得問題有普遍性，所以不妨引述一吓。

      網友「硬道理」咁講：「自問是紀律良好但不善投機的長線投資者，在09年中因錯判市況，將05年入市的自住樓賣掉，然後定下長遠投資目標，當時看好中國的長遠投資前景，將所有資金分段投放在A50（2823） 及工行（1398） 的股票之上，期間看着樓價不斷上升，雖然十分痛苦及無奈，但依然嚴守紀律，分段吸納，但3年過後，租金已將賣樓的利潤耗盡，自己的投資卻原地踏步，後期更是反覆向下調整，其中持貨較高的A50已比我入貨的平均價下跌28%，工行也下跌了22%，在後期將買貨目標轉至民行（1988） 及中銀香港（2388） 才止血，但倉位已滿，分配大概為A50 50%，工行30%，民行10%，中銀香港10%，由於A50及工行佔去總投資額的80%，令總投資虧損嚴重，本來看錯市受教訓是應該的，唯有處變不驚，靜待市況逆轉……工行、民行及中銀香港的投資，暫時偏向以不變應萬變，除非歐盟真的出現架構溶解的危機才考慮減持，這策略在這時勢還可取嗎？」

      沽樓買股受重創

      「硬道理」又問：「尤幸內子沒有給予太大壓力，亦從未有因為經濟緊逼而爭辯，但總會有片言隻語流露出對自置物業的渴求，但現在似乎在2014年利息回升之前，也看不到有再上車的時機，要說置業的好時機，可能還要再等2016年，因樓市縱然下調，開始時也會比較反覆，大量的剛性需求，會促使樓市在下跌初期不斷有小幅反彈，直至積壓已久的購買力完全釋放後，樓價便會正式受到考驗，陸老師同意這觀點嗎？」

      他又說：「由於對自己的長期投資策略開始抱有懷疑，我在銀行跟我推銷3個月超低息借貸時，借了一些額外資本，總利息成本為0.3%，我以這些額外資本嘗試以5%止蝕及高位回5%止賺的硬道理進行短炒操作，最低目標是保本，幸運地由於市況好轉，暫時的成果比預期更成功，由於要控制風險的關係，所以不打算加大短炒的資金，但的確對自己的投資紀律挽回不少信心。」

      「硬道理」的提問很長，佔了不少篇幅，希望《頭條日報》老總不要以為我在騙稿費，我覺得「硬道理」講了不少等買樓的市民的心聲，所以不妨長篇引述，我以點列回應。

      第一，賣自住樓要小心。我一直在講，如果是投資的樓，覺得樓價好高，賣咗出街，即使樓價再升，也只是賺少了，只要平常心對待即可，但賣自住樓要小心好多，這是一個百年不遇的金融海嘯，各國中央銀行也以百年不遇的手法去應對問題，結果難料。聯儲局主席伯南克的博士論文，就係議論美國1929年的大蕭條，主要觀點是若當時央行大力放鬆銀根，就不會蕭條10年咁長。伯南克如今正試驗他的理論，係唔係咁簡單放啲水就得，無人知，正因為咁，美國的利息政策係點，亦好難估。利息影響樓市，所以樓市的中短期後向無人摸得準，人人都知到加息時香港樓市好可能唔掂，但到底幾時加息呢？

      若伯南克成功救番美國經濟，可能在2014年，甚至更早就加息，樓市壓力就來。萬一相反救極都唔掂，而且再步向衰退，美國有通縮而唔係通脹問題時，只能令利息超乎想像長期低企，咁樓價又唔係咁易碌番落去。賣咗自住樓要長期租樓，好似「硬道理」老婆咁唔嘈已經好好，若一方賣樓，另一方老婆老公唔同意，鬧得一兩年，離婚都有可能，最悲哀係離咗婚樓市先至跌，證明當初賣樓的決定係啱，但一切都太遲，所以賣自住樓，除了睇市之外，還有一個感情因素要考慮。

      第二，做咗不要後悔。好似「硬道理」咁，睇落有清晰思路，有自己邏輯，就不要動搖。他的理論是樓貴股平，所以賣樓買股，而家睇落唔啱，因為樓升股唔升，佢有少少動搖，仲借錢炒股，我建議佢唔好借錢炒股，因為咁樣就開始偏離長線投資的基本策略，好易一錯再錯。堅持買股長線投資，可能5年後發現係啱。

      長揸平貨是正道

      第三，股樓背馳難永續。由於央行的行為「反常」，長期低息，大量放水，谷高通脹，推升實物資產，令房產和商品等供應好難短期增加的實物資產大幅炒起，但供應相對彈性的股市炒唔郁，結果出現內地十年股市原地踏步，樓價升咗10倍的畸型現象，雖然內地早幾年因為股改將原本不能買賣的公司大股東持股投入市場，令股票供應大增，但兩者背馳成咁，都有股票太便宜、樓價太貴之歎，恐怕差距會慢慢修正。貴嘢會跌，睇商品已睇到，反映商品價格的商品研究局指數（CRB CCI Index）去年4月上到691的高位，現已大幅回落至545，技術上跌20%已入熊市，佢已從高位跌21%，熊味不輕，再大幅下滑就確認大趨勢。CRB指數在2002年美元大跌之前，長期只是在200至250中間浮沉，未來若全球經濟再走弱，對商品需求再減，商品價格下行空間極大，其他貴價資產亦然，內地房產價格已回吐，香港樓價又能否長升不跌？當然，我講的是長線走勢，短期一年半載內樓價唔回甚至再升都唔出奇，對無樓者仍然係好大煎熬。

      第四，長揸收息唔失禮。我自己愛做長線投資者，本來好唔鍾意將長揸的股票出出入入，認為散戶點解買樓易搵大錢，買股無乜進帳，皆因持股坐唔定，升少少就走，所以一直建議「投資的我」買股要長揸。有人話而家啲股票係「呢世唔會再見到咁平」，所以你忍得住長揸，或許可以發達。不過好似「硬道理」咁，長揸A50基金和工行，而家仲要輸20、30%，心理上的確好惡頂，本來長揸A50基金有1.7厘息，好過放銀行，揸工行有5.8厘息，簡直吸引，唔睇股價就得，我的建議係揸落去，唔好低價出貨。若真係頂唔順，又估大市可能都係波動上落，可以等大市從低位升3000點時沽部份股票（只沽部份，不要清倉），博佢回吐跌番2000點時揸番，也是降低成本的方法，但要好有紀律去做，唔好太受市場影響，唔係沽咗唔去買番，就變成低位出貨，這種「游水」動作，要有定力才好做。

      最後總結，一般人覺得買樓容易炒股難，主要係揸股票無定力，買樓迫住你長揸而已。長線投資一定要買平貨，才是正道，如今樓貴股平，要長線投資，選擇清楚不過。

      陸羽仁

Kathleen，have a good weekend, too!

原來比利時贏咗，仲以為巴西嘅尼馬、同埋法國嘅麥巴比，可以同場响準決賽，睇晒兩個戲王鬥演技添！ （例如兩人擦身而過時一齊跌低呻吟）

相對起嚟，32年前柏天尼嘅法國對戰薜高嘅巴西，係睇足球藝術嘅表演。

得一個可能...

繼續玩...

SIGH...

玩野有幾多個可能?  

大股下試一年低位 的兩種可能...

SIGH...

我又中啦, 多謝燈神引路, 佢叫人小心中美貿易戰, 小心週末.....

星期四立即跟進, 星期五升, 昨晚夜期又升, 佢真係好犀利, 跟佢買相反都有唔錯成績

佢一年前話騰訊貴, 等平先入, 結果唔買後悔,

相返跟佢買左1091, 3800, 2357就輸到HIGH HIGH.

永遠支持佢, 逆向思維, THANK YOU, 我係頭號粉絲

居里兄: 俾你笑死, 學財演真係無得輸

股平樓貴難永續, 睇1年, 5年, 10年, 定20年? 佢講晒

2357,3800高位買進, 跌10%, 本質不變, 基本因素唔差, 可繼續持有

跌30%, 止蝕已太遲, 本質不壞, 可長線持有

1年? 2年? 再過幾年, 鬼記得咩, 又過關啦

不要挑戰, 佢永遠都係對的, YEAH!!!!

將軍，受教了。阿爺人行前幾日已出口術頂住人仔，加上美元指數近幾日都有所回落，希望可以一彈 重上三皮可以嗎？

kaka: 噢.....大媽缺水是事實. 但阿爺實力雄厚, 洞察先機. 大市亦由6月高位回落超過3千點, 合理預期, 大市可以作出一反彈. 老美就業數據理想, 亦可推大市一把呢. 只要阿爺扶一扶人民幣, 噢...這一仗.....進可攻  退可守矣.......

將軍，受教了。除左內房，國內現在的流動性真係一大隱憂。除左違約風險，國內缺水股市都難炒。國外內都十面埋伏，子龍大軍仲可以突破出鳳嗚山嗎？

kaka: 美元上升是貿易戰的結果, 即是老美想美元上升, 為何呢??? 是否因為想沽售美債時可以高價出售呢???

人民幣出現下跌預期. 加上阿爺又要去槓桿. 大陸房地產公司會否出現債務違約潮呢???

將軍，如果係打貨幣戰，咁美元係咪都會跟人仔一齊貶？但又未見老美出口術話中國操控匯價。

加下內銀、內房只有跌幅，無反彈

查實貿易戰是否等同另類貨幣戰爭. 美元上升, 人民幣下跌, 人民幣出現下跌預期, 持有大量人民幣資產的內房, 內銀. 是否有反彈, 無升幅呢. 這是很合理的想法呢.....

袋鼠，have a good weekend!

2018-07-06

Dow Jones Industrial Average (^DJI) 

24,456.48 +99.74 (+0.41%)

要預備大股下試一年低位

2018年07月06日 (09:30 上午)

中原城市領先指數 CCL

2018...

SIGH...

//

恒指收市的三種可能

1. 升
2. 跌
3. 唔升唔跌

//

真係冇得輸...

SIGH...

估中了, 今日恒指收市

1. 升

將軍等緊食大茶飯？

過唔到五天下殺線 成交弱，沽壓不大

大戶唔好扮跌啦, 同我升番上去......

大戶睇住我個劇本來操控市場😶頂

反彈受阻，又跌，救我

將軍今日會唔會食晒成窩面啊？

將軍已食面？我粥水都未有飲

幾時變咗 老將軍？ 

都話左跌中有升，可以WIN WIN的

將軍，但彈高仲未有得吃呢

陸Sir，請問你認為阿爺容許人仔跌幾多呢？

kaka: 都未到275呢. 吃左少少面呢.

將軍，第三小隊未進場？

將軍同TC兄都各有盈利啦

Leo兄：想必將軍已有盈利中了

皮爾修兄，收到

LEO, 我昨天講中左, 明燈果然引路, 俾我估中左方向.....

不過呢D市, 升返咁上下要走緊D短,中線貨, 隨時又會隨著特朗普條人渣變臉

總之密切留意燈神引路, 祝各位賺多一D

有時睇下TC主席既預測都極有參考性, 不過唔好睇TC主席既相反, 佢同燈神既參考方式係唔同架

小弟多此—問，將軍老當益壯，當然是打上啦…

將軍寶劍－出，誰乳爭瘋

作為投資者(投機者可以無視我) , 係當市場上股票價值跌到平既水平就要買貨, 當然要買一D穩健股份, 例如內銀, 405, 2778, 2822, 2828呢一D背後有阿爺支持, 有實則資產及穩健既股份, 或收集一D有長遠前景既新經濟股, 例如700, 相反要避開一些炒股及變臉股, 例如3800, 1091, 1588, 2357, 135............

這些都是我從真. 陸羽仁學返黎既

從文筆上既改變, 文章既實用性及俾NO. 既準確性上, 明眼人一睇就知咩事啦

一場好既戰役, 實有賴背後一位軍師帶領, 軍師一走, 戰績自然每況愈下

一早話左無得估，小心左一巴右一巴

Leo兄：將軍一日好友、一世好友，就今日打上290好唔好？

將軍習慣打上定打落架

打到幾點？

開戰…即係將軍要出驚天地泣鬼神的－注了？

貿易戰開火了.......

將軍：真的今天會有嗎？望到條頸都

將軍，要淋第三注嗎？