PACO名人會
PACO名人會
PACO名人會

陳友拍《兄弟班》獲隊友力撐 溫拿大讚年輕演員做得有Feel

2018/07/09 05:12:34 網誌分類: 生活
09 Jul

         由譚詠麟(阿倫)、鍾鎮濤(B哥哥)、彭健新、陳友和葉智強組成的「溫拿樂隊」於1973年組成。由於五人識於微時,至今仍感情深厚。陳友決定將他們的奮鬥故事拍成電影《兄弟班》,但有別於過往以阿倫和B哥哥作為焦點,多從被忽略的健仔、陳友和阿強出發。阿倫笑言電影是為弱勢社群發聲,陳友反駁咁先多共鳴。戲中由一班年青演員陳家樂、吳鶴謙、林耀聲、鄧加樂和于湉飾演溫拿的年輕版,溫拿大讚他們各有特色演得好,令他們看得好有feel。

        

        問導演陳友點解會拍呢部戲?他感歎說:「人生去到咁上下,有今日因為有尋日,所謂《兄弟班》就係有班好兄弟囉。」故事由1969年五子一起夾band講到登上紅館舞台,包括他們不顧家人反對堅持追夢。陳友花兩年時間將回憶寫成劇本,但不會以阿倫和B哥哥為中心,反而由健仔、陳友和阿強做主,道出樂隊背後的情懷。

        健仔是主線

          今次陳友搵了新一代演員飾演溫拿的年輕版,結他手健仔是主線,並由近排人氣急升的靚仔陳家樂飾演,健仔坦言:「我贏晒,佢演得有深度,因為演我係難,我個性剛又得、柔又得,佢要學同一定要識彈結他。其實選角時我好奇怪冇理由佢扮我,都唔似嘅,但後尾都開心,仲叫埋阿媽嚟睇呢個替身。」

        演繹得好似

          飾演鼓手陳友的是吳鶴謙,陳友表示:「佢真係一個鼓手,有場講我離家出走後對老豆講對唔住,你養咗我咁多年,但我真係好鍾意打鼓,請你原諒我,我叫阿謙用打鼓去演繹,唔係講出嚟,佢返去瞓唔着,練咗幾日後示範畀我睇,打時流住兩行眼淚。」

          主音B哥哥由內地著名的于湉飾演,B哥哥笑言:「佢本身識吹色士風,個樣都似我,最似係把聲,因為國語版同粵語版都係我配音,但性格唔知點解咁cool,而且比較大俠。」另一主音阿倫就由來自台灣的鄧加樂飾演,阿倫稱:「個個都話佢個樣同形態好似我,好陽光。」

        現於澳洲的阿強,則由林耀聲飾演,陳友說:「我睇《點五步》時,我覺得佢唔出聲、沉沉鬱鬱咁好似阿強,我設計呢個角色係冇嘢講,因為做兄弟唔使講嘢。」

        根據往事拍

          陳友憶述健仔、阿強、他和阿叻陳百祥都在天后長大,四個住得好近,「細個出街打架,大個啲就打波子、打公仔紙,跟住打band,阿叻媽媽成日俾我哋去佢屋企打band,因為好嘈,有次有人掟甕缸落嚟,行前幾呎就死;而阿B以前住天台,有個傭人帶住,我都寫埋入去,好多事都base真實去做。」

          而且電影演繹了16段歌,陳友稱最難是電影去到最核心一刻,他想播回阿倫好hit的《愛在深秋》,他解釋:「係我哋分開咗大家各有各做,阿倫扶搖直上,我哋就『噏噏耷耷』,呢個位播呢隻歌好啱,但我買唔到版權,因作曲人過咗身,仲有爭議好複雜,結果諗住唔得要放棄,但最後爭取,用咗半年時間終於搞掂咗。」

        主持:黃柏高 統籌:林永匡 協力:李佩儀 攝影:李權威、謝民光 場地:豐魔茶廳

        黃柏高
■由溫拿奮鬥故事為藍本的電影《兄弟班》,將於本月19日暑假檔期上映。
 ■由溫拿奮鬥故事為藍本的電影《兄弟班》,將於本月19日暑假檔期上映。 
■由溫拿奮鬥故事為藍本的電影《兄弟班》,將於本月19日暑假檔期上映。
 ■由溫拿奮鬥故事為藍本的電影《兄弟班》,將於本月19日暑假檔期上映。 
■陳友相隔20年再執導,阿倫一定撐。
 ■陳友相隔20年再執導,阿倫一定撐。 
■電影以年輕版的健仔為主線,B哥哥則表示年輕版的他似大俠。
 ■電影以年輕版的健仔為主線,B哥哥則表示年輕版的他似大俠。 
■陳友大讚演員們好合群,開工前幾星期已開始集訓、夾band,所以拍攝時好有默契。
 ■陳友大讚演員們好合群,開工前幾星期已開始集訓、夾band,所以拍攝時好有默契。 
■電影未上映已獲第17屆紐約亞洲電影節選為參展電影之一。
 ■電影未上映已獲第17屆紐約亞洲電影節選為參展電影之一。 
■電影《兄弟班》去年舉行記者會時,溫拿五虎(後排)與片中演溫拿年輕版的演員(前排)一齊出席。
 ■電影《兄弟班》去年舉行記者會時,溫拿五虎(後排)與片中演溫拿年輕版的演員(前排)一齊出席。 
■「溫拿樂隊」於1973年組成,由成名到分開發展,至今感情仍深厚。
 ■「溫拿樂隊」於1973年組成,由成名到分開發展,至今感情仍深厚。 
回應 (2)
我要發表
2018/07/16 14:40:46 回覆
0
2018/07/16 14:40:42 回覆
I'm grtuefal you made the post. It's cleared the air for me.
user