小米唔易食

2018/07/09 09:08:00 網誌分類: 經濟

09 Jul

中美貿易戰隨著美國於上週五凌晨開出第一槍，正式開打。由於市場中美貿易戰已有心理準備，對股市的壞影響已提前體現出來，到事情真正出現，反而一定消除了市場的不確定性，全球股市，包括中港股市、歐洲股市和美股都反彈回升，中港股市升0.5%；歐股升0.2%；美股杜指升0.4%；標普500指數升0.9%；納指更升1.1%。

全球股市上週五反彈，今週可能餘溫未了，還會繼續彈吓，但中美雙方已經準備了第二批價值160億美元的徵稅清單，將於兩週後推出，而美國總統特朗普此前已經表示，如果中國對美國的制裁報復的話，對中國進口產品開徵關稅總額加碼5000億美元，即對中國所有進口美國的貨品徵收關稅。由於特朗普有民意鼓勵，預計他不會咁快收手，貿易戰的壞消息勢將陸續有來。事實上，股市上週五雖然反彈，但美國國債債息卻持續下跌，美國10年期國債債息由6月13日的3.011厘，一路下跌至上週五的2.824厘，跌幅達到6.2%，債息上升等如債價下跌，顯示資金正大舉從股市移到債市避險，對股市沒有信心。

美股上週五跑贏歐亞股市，除了有關貿易戰的不確定因素一定程度上消減之外，更大的原因是美國公佈6月非農就業崗位增加了21.3萬個，高過市場預期的19.5萬個，4月和5月就業崗位增幅被總計向上修訂3.7萬個。失業率從18年低位的3.8%回升至4%，是10個月以來首次上升，這主要是有60萬人進入勞動力市場找工作，加大了基數，推高了失業率，反映了更多人對就業市場有信心。不過，6月平均時薪增長0.2%，低過5月的0.3%增長，平均時薪較去年增長2.7%，資薪增長溫和，又緩解了市場對於經濟過熱的憂慮。

總的來說，正如摩根大通經濟學家Michael Feroli所講的，對股市而言，「這份報告是個好消息，因其表明經濟仍有能力以高於趨勢水準的速度增長，而不會產生太大通脹的壓力，一定程度緩解了聯儲局對加息步伐落後於經濟週期的擔憂。」

另外，美國商務部的報告顯示，美國5月貿易逆差下降6.6%至18個月低位431億美元，加上就業市場強勁，強化了市場對美國第二季經濟增長的預期。市場預計第二季GDP增長年率高達5%，較第一季的2%增速快一倍多。美國經濟理想又未至於會逼使得聯儲局加快加息步伐，支撐美股反彈。

不過，有分析師警告，對於美國經濟今年的增長，不能過於樂觀，因為隨著貿易戰開打，很有機會逐步惡化，美國及其貿易夥伴相互針鋒相對的關稅舉措，將擾亂供應鏈，推高物價，打擊企業投資信心，將會導致招聘活動放緩，特別是製造業。就業市場轉弱，拖慢美國經濟，甚至抵消了大稅改等財政政策刺激經濟的效果。

本地市場今日的焦點是小米（1810）掛牌，小米上周五在場外交易價約16至16.1元，比招股價17元低5.3%至5.9%。小米是本地首隻「同股不同權」的新股，其定價17元，是招股價範圍17元至22元之下限，但市道不就，仍然有可能跌穿招股價。

雖然今日市況氣氛尚可，小米跌後或有反彈，但想做即日鮮也較難搵食，因為若跌穿招股價，蟹貨不少，唔係咁易炒。加上未來同股不同權巨股排往隊來上市，若然手慢走唔切，市場焦點也會好快轉去其他新股，小米可能要較長時間尋底。所以想炒小米者，無論賺蝕都要快走。

陸羽仁

回應 (38)

我要發表

2018/07/10 07:05:23 回覆

2018-07-09

Dow Jones Industrial Average (^DJI)

24,776.59 +320.11 (+1.31%)

前收市價	24,456.48
開市	24,519.20
成交量	240,581,867

今日波幅	24,518.43 - 24,796.52
52 週波幅	21,279.30 - 26,616.71
平均成交量	342,533,333

animal666 2018/07/10 06:37:10 回覆

大股反彈鑊氣未足
2018年07月10日

　　中美兩國上周五起先後互徵關稅，兩國埋身肉搏之際，喺角力中採取主動的美國，在過去兩日無乜動作，大市因而反彈，升幅主要係由大股帶動，三、四線股份唔係咁活躍，反映市場氣氛仍然審慎。

　　過去兩日中美暫時算係西線無戰事，上周指數大跌，可能有啲淡友食胡平倉，帶動指數回升，主力係升啲大股好似內銀咁，跌得少的大股好似公用股、太古A(019) 相對無乜進帳，炒股亦無乜鑊氣，睇到市場都唔係咁有進攻氣氛。大市升372點，成交991億，扣除新上市的小米(1810) 的77億成交，大市成交900億多少少，資金未係咁足。

　　首隻同股不同權股份小米昨日掛牌，佢招股撞正中美貿易摩擦最熱時，各路投資者都縮縮先。昨日首掛就好彩啲，遇上大市反彈，股份一開都係破咗17元招股價，但幅度無先前講跌5%以至一成咁誇張，首掛收報16.8元，較上市價17元跌0.2元或1.2%。

　　雖然係咁，若然用孖展申請中到成手係，要蝕本減磅都幾傷，呢個亦係用槓桿買新股的最大風險。通常掛牌熱炒新股份，融資成本已經食咗一截升幅，若然撞正估計錯誤，中咗成手貨。

　　雖然融資成本平均無咁多，但輸股價要止蝕，咁幾舖賺埋可能一次就被人繳械，所以孖展打新只宜喺個市暢旺之時，在反覆市況認購新股就要加倍小心。

　　小米5G平台概念無發揮

　　小米首掛破底，董事長雷軍派定心丸，話長遠對公司有信心，又話表現比想像好，認為外面對佢有誤解。

　　有中環茶友直言，呢啲講法真係唔係幾啱聽，今次茶友無抽新股，理由有兩個，最主要係佢覺得市況波動，就算想入貨，寧願等佢掛牌睇清楚啲，就算買貴小小，都好過綁住啲資金。二係佢覺得小米招股過程，搞來搞去搞唔出一個令人有興趣的概念，加上臨門一腳增發股份畀創辦人，成個招股就無咗推動力。

　　茶友話，小米賣手機無錢賺，雷軍喺上市儀式話，公司以互聯網概念做手機，意思似乎係話蝕頭賺尾，旨在日後食大茶飯。

　　雷軍所講的互聯網概念，其實就係5G概念，賣點係屆時網絡速度再快，帶來更多生活便利，大大增加網上商機，小米蝕做手機平價狂推，就係要搶一大班客，佔入門接口。

　　換言之，小米係希望透過賣手機，打造一個好似facebook等互網網巨頭的用戶平台概念。未來呢個平台概念唔可以話無古仔，可惜係講唔到出嚟，而且中美貿易其中一個最大摩擦點，正係5G發展，小米唔知係咪因此唔敢力推，加上管理層喺商業營運執行力未有往績，於是搞到招股有啲溫吞水，就算大平賣都仲要破發。

　　小米平價上市，未來表現要睇內地科技股宏觀表現，同埋外界對小米團隊執行力有幾大信心，講到尾小米掛牌前都無乜賺過大錢，股價表現好壞都係要講個信字。

　　中糧包裝飲涼茶嗆親

　　反彈市恒指一度升過500點，收報28688點，升372點；國企指數收報10768點，漲145點，成交987億元。內銀股普遍造好，建行(939) 除淨，股價漲2%，收報6.94元；工行(1398) 升1.5%，收報5.61元；中行(3988) 升0.5%，收報3.69元。藍籌表現最好係銀娛(027) 急升5%，收報60.45元；其次是金沙中國(1928) 收升4.3%，報41.05元。其他濠賭股同樣向好，澳博(880) 大升9.7%，收報9.43元；新濠國際(200) 漲近7%，收報22.3元；永利澳門(1128) 升4.6%，收報23.95元。其他藍籌有好表現係吉利汽車(175) ，急升3.2%，收報19.92元。

　　升市中三線股中糧包裝(906) 大插25%，收報3.54元，主要係公司去年與王老吉公司、智首及清遠加多寶草本簽定增資協議，但王老吉一直未按協議注入加多寶商標，作為實物出資承諾，中糧包裝日前向香港國際仲裁中心提出仲裁申請，市場擔心糾紛影響，令股份大跌。王老吉係內地好有價值的飲料品牌，但過往都有知識產權糾紛，今次合作結果又係麻麻煩煩，不過，中糧包裝有國企背景，插到呢個位，相信好大程度反映咗不明朗因素。中糧包裝股價大跌後發聲明，強調仲裁係有充份合同和法律依據，以保護集團及股東合法權益，估計事件對公司營運影響有限。

　　陸羽仁

2018/07/10 00:17:44 回覆

剛剛醒起… 將軍一早已經可以退休… 失敬… ${#iconb_210}$

2018/07/09 23:57:04 回覆

網誌分類

最新網誌

最新回應

月曆