域 流亦詩
域 流亦詩
域 流亦詩

越隱越難隱

2018/07/09 15:04:16 網誌分類: 講府
09 Jul

地龍賴嘢爆奇觀

則頭擰頸繼續瞞

街坊有如豬仔賣

車前蹆後也一般

 

空堪地龍站「斷筋」事件越來越詭秘、並引發更多問題。問題一、點解車房部長拒絕接收二判提供嘅有關涉嫌造假罪證、反而喊他直接去巡捕房或打虎部舉報?問題二、點解馬路部轉介往巡捕房嘅資料裡面、並沒有包含二判聲稱嘅有關技術問題和修補建議?問題三、點解二判堅持要巡捕房先立案、然後才肯交出有關證據?問題四、點解尊貴明知請唔逳大判出席議事堂接受查詢、仍然要多此一舉?嗱、以上嘅情況皆令人有所聯想。難道江湖上盛傳、大判涉及嘅大型基建項目之多、以及款項之巨、大到連講府都不敢喐佢係真嘅?

 

一般估計、二判之所以找上車房部長、可能要為他所提供嘅證據能夠完整的被送到六判爺面前、而加上一重保險。原則上、車房部長可以先接過有關資料、然後再依從正確程序轉交執法部門跟進。況且、呢單畸屎明明與車房部有脫不了嘅關係、但車房部長連掂都唔肯掂一下、實在講唔通嘅。據二判所講、他曾經向馬路部提交此事嘅重要資料、但當文件轉介到巡捕房手上時、並無發現有關資料、難免令人聯想到呢單嘢係有「景轟」嘅。班尊貴明明知到大判有權不應其要求到議事堂接受查詢、仍然不厭其煩咁做呢場騷出來、分明係除褲放屁之舉。呢位大判囂張成咁、但講府卻連屁都冇放過一個、大有唔想掂呢單嘢咁款、確實奇哉怪也。更加反常就係、那群動輒就跑去打虎部告狀嘅尊貴、今次只係低低調調咁人噓佢哋又噓埋一份、完全唔似係佢哋嘅一貫作風。難道班友仔也有講唔出嘅苦衷不成?呢單畸屎于人嘅印象就係、有人想挖、亦有人想撳。看來、除非在茶杯底下達成協意、否則隨時都會爆出個驚天大頭佛出來。信不信由你!

 

 

回應 (0)
我要發表
user

最新回應

*KK*
*KK* 2019/09/18

兄台眼光獨到. 不出一年就有大龍鳳睇了.

"污膠藤"單野, 不知若傳到近日來港的"毒眼寒流柑"之祖家又如何呢? 若彼邦之"安胃女孩像", "神大將軍像", 甚至"安義士像"等受如此對待, 真不知此"柑"會否敢在祖家國民面前仲乜野物野囉...

多年來各大爛仔館既欺師滅祖, 以至人性夏令營等精彩場面, 真係值得透過寒流輸出至全球! 彼此認識, 促進交流呢! 世界必有新氣象, "時代革命性解放"嘛!!!

開心van仔
開心van仔 2019/09/18

你好,很久不見了!我沒有在頭條寫野也有一年了!今天突然回來看看,高興見到你呀!近月心情很沉重,太多負面新聞令人情緒低落,不知亂局何時了!

123331
123331 2018/08/22

亞域哥,「來者應,去者靜。法住無常,止心一處。」謝謝。

開心van仔
開心van仔 2018/08/22

很喜歡看你的文章,為何不寫?你今日的話令我有共鳴!我進入古稀之年,剛做了第二次通波仔手術,對世事已不再熱衷了。只希望可開心過每一天。回望過去幾十年人生,很多事都淡忘,只記開心的事,不開心的由它去!現在對很多事都淡然處之,只爭取多些時間與孫兒們相聚。

祝君身體健康,生活愉快,開心每一天!真希望可再見你的文章!