老點世界

唔怕算不清

最忌詐錯型

吹水嘴唔抹

誤導世間情

剛剛聽聞已故反紅名人流料波之妻流蝦（以出外求醫為理由獲批准出外就醫）被放逐到番幫去、內地就有學者飛撲出來指、今次放逐流蝦係紅家拉攏歐㒼一起對付花大叔嘅負帶修件嚟喎！嗱、總之紅家每一次放逐離心分子時、都會出現這種講法。但問題係、流蝦何德何能可以令歐㒼為咗佢而改變政策跟紅家聯手付其盟主？別忘記、歐㒼跟花大叔鬧嘅只不過是圍內風波、但係紅家跟花家翻起嘅係關乎兩個家族未來興衰嘅一場大決鬥嚟。試問歐㒼又怎可為一個流蝦而跟黃面佬對付同種嘅白面佬架？何況歐㒼早就發表聲明他們跟花大叔之鬥、與紅花兩家之爭係冇關連嘅。即係一早就劃清界線、紅家亦早就收到。因此個別歐盟成員跟紅家溝通並不代表聯盟、更多的應該係擴大雙邊貿易以減輕貿易戰帶來嘅負面影響而矣！

嗱、話說回頭、假如老番要利用流蝦來向紅家施壓搵着數嘅話、流蝦更加不可以離開紅家地頭。因為只有她身在紅土才能夠起到被同情嘅作用、亦只有咁才能夠令紅家願意向西方交揞口費。之但係、當流蝦到咗外地之後就啥也不是。因為佢連緊有嘅一個（長遭監視的流料波遺孀）悲情形象都喪失埋、那裡過有戲可唱？等同當年赤腳狀師（自學法律、並無律狀師牌照）盲公陳在被放逐之前、老番不斷將其際遇加鹹加醋無限上綱、氣得紅家老大頭暈眼花、都不知攞攞埋埋幾多着數。但當盲公陳到咗番邦之後隨咗做菠蘿雞之外、就乜都唔係喇！老實講、如果我係姓紅嘅話、一定向大佬建議認認真真咁去成人之美、將所有離心分子全部放逐到西方、讓佢哋去搞老番好過留在自己地頭㧻眼㧻鼻吖嘛！更妙嘅就係、當老番越收越多呢種人、當地人就會覺得佢哋係食窮佢哋社會嘅蝗蟲嚟。到時社會上就會刮起反（蟲）之風、而老番自然會拒絕接收蝗蟲、其偽善嘅假面具自然會不攻自破了！