兜圈讚自己

2018/07/14 04:12:37 網誌分類: 生活

14 Jul

        　　朋友阿俊人如其名，甚至靚仔過吳彥祖、金成武嗰啲男神，返咁耐學，每日都有女同學同佢表白，不過佢本人就似乎對拍拖冇咩興趣。

        　　話說今日畢業禮，成班暗戀阿俊嘅女同學都排晒隊咁等表白，其中仲包括校花小玉。

        　　果然有幾多人表白，就有幾多人食檸檬。一直到小玉行埋去，面紅紅同阿俊講：「我鍾意你。」嘅時候，阿俊竟然答：「我都係！」

        　　小玉一聽自然喜出望外，不過阿俊就繼續講：「你聽埋先，我意思係，我都鍾意我自己。」