域 流亦詩
域 流亦詩
域 流亦詩

沒禮貌的客人

2018/07/14 15:52:55 網誌分類: 講東講西
14 Jul

當年批我人莽撞

今天遇上喪普狂

地位高低無久遠

惟將被貶當韜光

 

當年總舵主夫婦攜同千億大單不計千里迢迢到訪英吉裂、居然被事頭婆在背後與其助手形容為粗魯客人。你話嘞、咁嘅待客態度係幾咁卑劣呢?嗱、呢個世界真係有報應架!就在尋日之嘛、花家大佬喪普夫婦到事頭婆家中作客、卻被英吉裂傳媒批評為莽夫。件事係咁嘅、第一、喪普遲到令到一把年紀嘅事頭婆在門口乾企十二分鐘。第二、喪普行近事頭婆時利用其妻梅拉利亞做「卡窿」將自己與主人家隔開、連鞠躬都禮都冇行。第三、在檢閱易腍軍時走在事頭婆前頭、以自己龐大身軀遮住細細粒嘅事頭婆、搞到主客難分。第四、與梅菜山相閣見面時即彈「軟脫歐」計劃係鬼祟冇膽嘅做法、暗喻梅菜山係廢柴。之但係、今次我要撐喪普。

 

嗱、這個世界係現實嘅。正所謂、誰的拳頭夠大夠硬淨、誰就是老大。無疑、當今天下最打得、最惡死、最爛嘜者、非花家大佬喪普莫屬。今日嘅英吉裂早就唔係百年前嘅日不落世家、而係一個手頭唔鬆動、連造多幾條戰船都五行欠水嘅二流家族。喂、事頭婆唔向霸主叩頭已經唔啱架啦、仲妄想要喪普向佢行鞠躬禮、會唔會有點自不量力架?試想想、當日紅家老大帶埋大單來訪、事頭婆在客人背後講閒話已經係冇教養兼冇禮貌、人家喪普早就話到明跟總舵主係好友嚟、今次只算係于事頭婆小懲大戒、以後學曉乜嘢叫做識時務都為俊傑、咪個再冇大冇細吖嘛!明未?再講吖、喪普之所以兜口兜面窒梅菜山、就係表明佢睇死英吉裂跟歐㒼一樣冇膽亦冇本事甩開花家。因為七大工業家族同時面對着一個叫龍族嘅厲害嘅對手。呢班友仔若不齊齊跟大佬擁抱在一起嘅話、白番在地球上嘅優越感就會消失、取而代之就是黃面佬。表面上睇、喪普係不斷得罪自己玩㒼友、實質上是對他們當頭棒喝。誰敢小覷喪普這個人、誰就會賴嘢嘅。知冇?

回應 (0)
我要發表
user

最新回應

*KK*
*KK* 2019/09/18

兄台眼光獨到. 不出一年就有大龍鳳睇了.

"污膠藤"單野, 不知若傳到近日來港的"毒眼寒流柑"之祖家又如何呢? 若彼邦之"安胃女孩像", "神大將軍像", 甚至"安義士像"等受如此對待, 真不知此"柑"會否敢在祖家國民面前仲乜野物野囉...

多年來各大爛仔館既欺師滅祖, 以至人性夏令營等精彩場面, 真係值得透過寒流輸出至全球! 彼此認識, 促進交流呢! 世界必有新氣象, "時代革命性解放"嘛!!!

開心van仔
開心van仔 2019/09/18

你好,很久不見了!我沒有在頭條寫野也有一年了!今天突然回來看看,高興見到你呀!近月心情很沉重,太多負面新聞令人情緒低落,不知亂局何時了!

123331
123331 2018/08/22

亞域哥,「來者應,去者靜。法住無常,止心一處。」謝謝。

開心van仔
開心van仔 2018/08/22

很喜歡看你的文章,為何不寫?你今日的話令我有共鳴!我進入古稀之年,剛做了第二次通波仔手術,對世事已不再熱衷了。只希望可開心過每一天。回望過去幾十年人生,很多事都淡忘,只記開心的事,不開心的由它去!現在對很多事都淡然處之,只爭取多些時間與孫兒們相聚。

祝君身體健康,生活愉快,開心每一天!真希望可再見你的文章!