雞比鴨好吃的 片皮鴨餐廳
2018/07/17 04:12:46 網誌分類: 生活
平日午飯時間都座無虛席，生意唔錯，想食晏就要早少少等位啦，以免呆等成個鐘。當日得我同友人S，咁就叫半隻片皮鴨同荷葉杭州雞，另加一啲開胃前菜。出菜速度算快，隻鴨等了二十分鐘到就出場啦。同一般餐廳一樣，整好隻鴨就遞去客人面前等你「驗貨」，之後就係你面前片鴨。先蘸蘸砂糖或者甜酸醬食塊皮，算脆身但略嫌唔夠香口。之後就要食鴨啦！鴨肉厚實，啖啖肉，但唔夠油香，中規中矩。至於不可缺少嘅卷皮就有驚喜，分量比一般餐廳多，而且皮薄煙韌，太好食。
荷葉杭州雞都係出奇地好食，醬汁惹味濃重但唔會過鹹，雞肉燜得軟腍鬆化，達「骨肉分離」之果，愈食愈停唔到口，加多碗白飯的話，成件事就完美啦！
查詢：6993 1025
米珠蓮
回應 (0)
我要發表
