性價比高的新Cafe
2018/07/18 04:12:43 網誌分類: 生活
米珠蓮向來愛卡通，更愛有卡通元素的餐點，所以以卡通甜品作招徠的山下菓子一直是心水店。近日得知它在旺角新商場T.O.P開設Kingsley Cafe & Meal，大賣日式甜品及鹹食，當然要捧捧場！Cafe裝潢唔算太特別，但因用上湖水綠色作主調，感覺算是舒服清新。門口凍櫃放有一系列日本直送的甜品，花多眼亂。翻開餐牌，五顏六色圖文並茂，真係要花點時間先知叫咩食。
先叫個原味Pancake，因為即叫即整，所以要大約等十五分鐘，大家千祈唔好催單。一上枱，已經聞到蛋香，食落仍然甚有蛋香味，加上質感綿密，唔似食風，質素好過坊間唔少Pancake專門店。另外叫多了一個日本直送千層蛋糕，皮好薄，夾着一半忌廉一半吉士，食落夠香夠滑，而且少了點膩滯，無得輸。
米珠蓮
回應 (0)
我要發表
