CNN 都推介的香港必去景點！Victoria Dockside, 南豐紗廠, 大館...你又聽過未？

早幾日睇到 CNN Travel 一編推介香港旅遊景點的文章，一開始還以為是一些大家都已經聽到厭的地方，點知細心一睇，CNN 今次推介的景點，好多連我這個香港人都未去過，真心值得推介！

1. 大館

大館其實就係中區警署舊址，經活化之後得以保留原貌，不過對於我這個80後來說，其實沒有太大感覺(哈哈)！不過既然CNN 推介得，我都要去一去，感受一下香港歷史的味道嘛！大館可以話係香港至今最大型的文物保育及活化項目，其中大館的古蹟及藝術館已於5月29日對公眾開放，不過我都要等到開放後一個月左右，先有時間去參觀！

如果大家想去大館參觀，我建議出發前最好先到大館的網站登記，領取入場證！因為平日的場內訪客人數一超過3,500人，大館職員將停止接待沒有入場證的訪客，確保場內不會過度擠迫。另外，開放初期比較人多，星期六、星期日同公眾假期嘅日子，訪客必須憑大館入場證先入到場架！

入到大館，其實都有好多野睇！除咗必睇的「域多利監獄」外，仲有好多本土的藝術裝置同展覽，重現了70-80年代的老香港！可以一路睇一路玩一路認識香港歷史！

另外參觀時記住帶備「一蚊銀」，因為場內有部「扭卡機」，大家記得潛返張卡留念！

2. Victoria Dockside (2019年先開): 

話說 Victoria Dockside 前身係新世界中心！對於我這位80後來說，坦白講我對新世界中心這個重建項目同樣沒有太大感覺！不過作為一個喜愛文化藝術的年輕人 (對！80後仍然年輕的！)，我仍然係非常期待的！原因好簡單，因為 Victoria Dockside 整個項目嘅最終目標，就係要成為國際級藝術文化地標，有咁大野心，藝術文化項目的配套當然絕對不能夠馬虎了事吧！

Victoria Dockside大型商場部份 (K11 Musea) 將會於2019年第3季落成，聽講除了有名店外，仲會有大量藝術品、展覽同文化活動展覽！究竟新世界第三代話事人 Adrian Cheng 能唔能夠將Victoria Dockside 打造成新一代文化藝術人的集中地，真係要拭目以待！ 

仲有藍屋同南豐紗廠，等我去完返黎再同大家分享！