20~23/7 急挫殺牛後部署屠熊

破日大舉屠牛趙完鬆.好淡通殺.肥牛陣亡.大鱷變臉部署上攻屠熊.28500.28800.29000....

內地股市急升.推動港股高開高收呈陽燭.27800/28000失而復得, 觸底V彈

20/7 周五恒指收報28224, 升213點(最多上升284點, 一度下跌265點), 結束3連跌

國指收報10682, 升159點(最多上升232點, 一度下跌118點), 結束5連跌, 收復10天線, 國指大幅跑贏恒指

港股急跌創新低擴大月及年波幅後V彈高收

牛遠熊近利上攻: 牛在27708水平 VS 熊在28388水平(下周一大暑.熊中暑死得)

港股止跌回升, 牛死熊命危, 早前元帥分析指港股正在28000築底(上証亦在2750築底), 但27800附近有肥牛拉住港股後腿, 大鱷要解決左牛牛才會容許港股彈高, 呢兩日趁牛牛養到肥肥白白大鱷就出手, 好明顯今日係為了屠牛而夾硬插穿27800/28000, 跌過籠食飽就拿拿臨鬆人, 不會長時間處於低位, 內地資管新規細則允許銀行自主整改, 政策轉為寬鬆, 刺激AH內銀下午大幅反彈, 推動港股午後V彈,

今個月大鱷玩死股民, 開局先大插屠牛, 急彈屠熊, 然後插穿27800屠牛, 今日食飽肥牛就部署上攻屠熊, 今個月好友淡友都要死, 港股生死繫於上証.人民幣/美元.牛熊分佈, 以閒閒地都有800點周波幅來看, 如果下周想守住28000就要上破28800才夠周波幅

內銀內險資源商品A股爆升推動港股V彈, 恒指由低位27745急彈549點高見28294, 收復所有失地倒升收市, 釋出見底利好訊號, 國指率先收復10天線, 預示恒指亦會跟隨, 後市關鍵在大媽會否繼續掃貨, 因為12/7大媽大手掃貨只得一日貨仔, 翌日又走鬼拖低大市, 加上狂人加關稅今日又出招, 都會削弱入市信心, 只要大媽繼續掃貨以及上証造好, 好友就有藉口反擊

大鱷操控港股能力真係神級, 過去4天日日都咬住28300玩穿梭, 即市波幅收窄到只得350點, 刻意誤導股民企錯邊, 當養肥牛牛呢兩日就狂插屠牛, 秒殺肥牛即彈, 部署上攻屠熊, 今日即市波幅就高達549點, 牛熊死傷無數, 上證關鍵位2845, 今日收2829(高見2837), 升56點, 只要上破2845, 下一站2900, 升穿港股有運行

其實以大鱷操控大市的能力, 想守住27800/28000大位毫無難度, 呢兩日大鱷特登縮手唔托市, 破位而下, 就係為了開肥牛大餐, 逼好友或基金大戶斬倉/止蝕來達到暴跌的效果, 當牛牛清左場, 大鱷低位收夠貨, 港股就急彈, 大市見短底就有望上攻屠熊, 當遇到阻力大位又或者上証見頂, 港股又會再落山, 如果股民企錯邊就會走唔切, 一挾淡逼淡友補空倉港股就會爆升, 今日V彈有可能係受補空倉盤所推動, 今日恒指現貨創新低但期指冇創新低, 好友守關態度明顯, 看來下周好友會反擊, 內地股市見底港股亦會同步見底

港股係消息市亦係政治市, 由於走勢緊貼上証, 所以港股非常被動, 會失驚無神跟住上証飛天遁地, 加上大媽一時掃貨一時走鬼, 頻頻沽出QQ, 大鱷部署殺牛熊, 亦會令港股波動性加劇, 好友淡友都要小心, 下周係結算周, 港股已累積龐大跌幅, 肥牛陣亡, 係時候彈高高殺淡友, 熊熊命危

今日港股插穿27800早已在預期之內, 網誌早已明示, 近來港股走勢一如元帥所預測, 証明港股幾時升跌, 以及升跌幅度大鱷根本有晒劇本, 係睇住牛熊來殺, 早前推上28800就回頭只係試水溫, 引牛牛入局, 碌落山屠牛就係示人以弱來養熊, 部署日後的殺戮, 今日插水將27800肥牛清場, 下周就梗係輪到上山屠熊啦!

下周一轉節氣大暑, 係變盤的時間窗口,

大鱷習性係追住牛熊來殺, 既然肥牛已死, 熊多牛少, 理應上山屠熊, 彈得啦!

今日收28224, 牛遠熊近利上攻: 牛在27708水平 VS 熊在28388水平, 一路排到上29000

要落山走六百幾里路才有牛吃, 但肥熊近在咫尺, 僅一步之遙就有熊掌吃

升穿28600就可殺近二千張肥熊
插穿27600就可殺近二千張肥牛(不過要破底隊穿27745)

~~~~~~~~~~~~~~~~~~~~~~~~~~~~~~~~~~~~

中港股市同步止跌回升

今個月上証破位而下, 不斷下試2750水平, 今日一度碌落去2753, 係今個月第五度跌近2750水平, 幸保不失, 可能有人睇場護盤, 亦有可能係受今日內地股指期貨結算影響

上証結束5日跌勢, 連跌斷纜係利好訊號, 而國指亦跟到足, 結束5連跌, 今日亦轉強, 跑贏恒指, 利好

大鱷磨左兩個星期就係等上証再下試2750水平, 當大鱷確認2750不破, 就反手炒上, 中港股市通常係同步見底頂, 上証死唔去, 利好港股,

港股成交$1003億, 為4/7以來最多, 大成交創新低係好事, 逼好友止蝕/斬倉, 清左場就升得, 大鱷習性係趕走牛牛就彈高, 趕走熊熊就大插

中港股市7月大跌浪的推手係強美元, 美元俾狂人嚇左落山, 美元急挫, 人民幣及中港股市就會借勢彈高

另一個港股反艇的元兇係大媽, 但大媽下午大手掃貨, 可能係大媽收到風中港股市及匯市有變, 國指大升159點就一舉收復了過去幾日的大部份跌幅, 全靠大媽掃內銀, 內銀好.港股好

大鱷已變臉，只要上證突破2845，大鱷就會上破28500大舉屠熊, 7月還餘下7個交易日, 當中起碼會升3天, 今日港股V彈, 有心有力, 月尾好友冇理由唔反擊

今日元帥兩次即市留言已解釋為何港股突然V彈, 亦在過去幾日提醒大家小心大鱷秒殺肥牛即彈, 就好似以前每次插穿30000都係趙完鬆一樣, 歷史果然重演, 如果跟以前係30000~31000困局的走勢, 就會係食飽肥牛變臉上攻屠熊, 試完底再沖頂, 剛好臨近結算周, 亦有誘因推升

港股今日走勢似曾相識, 全城看淡造淡, 大市破位而下, 但插穿27800關鍵大位隨即拗腰急彈, 又死唔去, 淡友一貪冇食胡就中伏, 以前出現呢種格局就係殺上去屠熊, 由低位閒閒地彈千點, 名符其實的好淡通殺, 牛熊都要死

日前已預告今日狂人會公布第二輪加關稅清單, 大鱷早已有部署,

港股底頂上移尋頂格.牛遠熊近利上攻, 28800.29000.29300.....

23/7 周一恒指收報28256, 升31點(最多上升167點, 一度下跌133點)

國指收報10731, 升48點(最多上升126點, 一度下跌58點), 國指大幅跑贏恒指

🐻仔好危險

今日收28256, 遠牛在27710水平 vs 近熊在28400水平, 排到上28700有約2500張肥熊

今天恒指高低位28091~28391, 波幅只得300點, 周波幅遠遠未達標, 一般周波幅閒閒地都有800~100點, 即係未來幾日一定要擴大周波幅, 牛遠熊近利上攻, 28500.28800....阻力在29000, 如能上破, 就會向29500進發, 通常大市未見底前多數係彈散, 亦好難連升, 但創左新低肥牛清左場, 大市反彈動力就會增強, 會有大彈高吃, 多數係連升扯住上

今日港股沖高回落, 呆下呆下, 我認為係大鱷詐死, 示人以弱, 其實係想拖多一陣, 養肥熊熊才殺, 月尾追數冇理由放生28500樓上幾千張熊熊, 牛牛遲些才殺啦! 而家上山食左肥熊先, 就算食唔晒遠熊都要震走佢地

上周五港股出現見底訊號, 有利本周上攻, 今日一如所料大鱷吃了熊掌早餐, 但大鱷嫌28400樓上熊唔夠肥, 所以高見28391(大鱷操控得非常準確, 證明大鱷係刻意縮手扮上升乏力來養熊引淡), 剛好食左28388及28390的BB熊就玩倒跌震倉, 想震走牛牛, 以及吸引多些熊進場才開大餐, 沽空果然急增, 淡友中伏了

今日沽空係近兩個月來最多, 大鱷詐死成功引淡友入局, 一抽升挾淡就可逼淡友補空倉進一步推高大市, 只要上証收復2900, 恒指重上29000不是夢, 會否秒殺肥熊即回就要睇上証生唔生性,

~~~~~~~~~~~~~~~~~~~~~~~~~~~~~~~~~~~~~

內地政策由緊縮轉寬鬆

賤美發動貿易戰, 拖累中港股市潛行空間, 內地經濟增長放緩, 內地政策轉向, 由緊縮轉寬鬆, 阿爺宣布以減稅及增加基建開支來應對, 另一方面, 人行亦向銀行體系注入740億美元資金作為中期貸款工具, 創下單日注入最多資金紀錄, 更推出總值65億元人民幣的企業研發稅務減免措施, 加快地方政府基建計劃的特別債券發行, 多項救市措施刺激中港股市連升兩日, 跌到殘的中資股表現特別亮麗

美元見短頂急回失守95, 阿爺放水救市, 中港股市有運行, 上証連續兩日大升, 今日亦有大成交配合升勢, 今次真係有料到, 上証已打破了近來往往急升一日就反艇的慣性走勢, 加上大媽連日掃內銀(上周五大媽的狗鼻已聞到阿爺放水, 所以大舉掃貨), 都有助推動港股進一步向上

上証收復2800, 恒指就會上企28500(今日未上只係留力), 中港股市通常係同步見底頂, 即係港股會挑戰29000/11000, 無論指數抑或多隻指標股的技術指標均已改善, 作勢向上, 大市似在醞釀熊二大反彈, 元帥及網友買上博反彈,

恒指已應驗了「五窮、六絕」的宿命, 港股能否「七翻身」呢？如果跟慣性走勢7月收升的話, 就會係7月下旬創即月新高, 即係月尾會升穿28982

轉貼信報財經：統計自1980年至今(共38年)的按月數據，恒指7月份的表現相當不俗，按月平均升幅達2.8%，為一年12個月中第二佳；恒指7月份上升比例亦接近七成，38年內有26年錄得按月升幅

史哥 分析7月波幅區 :

(27108)-27527-(27947)-28379-(28812)-29244-(29677)-30122-（30567）-