PACO名人會
PACO名人會
PACO名人會

香港電影未來靠佢哋 梁雍婷韋羅莎角色愈激愈好玩

2018/07/23 04:12:32 網誌分類: 生活
23 Jul

          演舞台劇逾十年的韋羅莎(Rosa)及今年有份角逐金像獎「最佳新演員」的梁雍婷(Rachel),雖然是女將,卻勇於挑戰自己的極限,她們稱角色愈激愈覺得好玩。有份演出電影《點五步》的柯煒林(Will)和黃定謙(Himmy),則表示為演好部戲,畀人打都會好Enjoy;而編導演俱佳的陳健朗,就話好想做一個Actor-director,更要向奇連伊士活和北野武學習。香港電影的未來,就要靠一班有目標又有實力的演員去努力!

        Rosa繼去年與影帝黃秋生和名嘴林海峰合演舞台劇《搞大電影》後,又接拍由麥浚龍(Juno)執導的電影《風林火山》,與劉青雲、古天樂和梁家輝合作,她表示:「做咗舞台劇超過10年,可以參與Juno呢部戲仲要做個咁具挑戰性嘅角色真係好開心,而且拍攝期間,家輝好照顧我。嚟緊我想試多啲唔同角色,例如練到好瘦或操到好大隻,愈extreme就覺得愈好玩。」

        狂練泰拳

          憑電影《藍天白雲》而一鳴驚人的Rachel,與Rosa一樣,希望挑戰自己底線,她說:「最近啱啱拍完港台單元劇《火速救兵IV》飾演救護員,另一部電影《再見UFO》,就同Shine嘅黃又南合作,戲中飾演佢嘅女朋友。其實我仲想拍動作電影,我唔怕辛苦O架,O依家好努力做gym同學打泰拳;而未來目標好簡單,可以演戲演到60、70歲就已經好滿足。」

        磨練演技

          因拍《點五步》而入電影圈的阿Will,認為做新人,每個角色都好難得,他坦言:「就算個角色幾難演,總之導演叫我做乜我就去做,即使拍動作片畀人打幾多錘都冇所謂。」不過當前急務是要磨練自己的演技,他續說:「我唔係讀演藝出身,當我拍咗一兩年戲,睇多咗嘢,我就覺得自己好渺小,嚟緊希望演技有進步。」

        任打唔嬲

          在電影《淪落人》中飾演黃秋生兒子的Himmy,直言好享受每次的演戲過程,「之前喺《一級指控》飾演鮑起靜個孫,有場戲講我激嬲佢,佢打咗我好多巴,仲拍咗好多個take,但我覺得做演員要承受到。」他期望憑這兩部戲競逐香港電影金像獎或台灣金馬獎的「最佳新演員」。

        自導自演

          陳健朗正式拍的第一部電影是《那夜凌晨,我坐上旺角開往大埔的紅van》,戲中飾演MK仔,新作有早前上映的《中英街1號》,即將會親自執導「首部劇情電影計劃」的得獎作品《手捲烟》,他稱:「嚟緊幕前幕後都會繼續做好佢,我嘅目標係做一個Actor-director,好似奇連伊士活同北野武咁,可以自編自導自演。」作為影壇新晉演員,希望他們能爭取更多機會,令香港電影發光發亮。

        主持:黃柏高 統籌:林永匡

        協力:李佩儀 攝影:李權威、謝民光

          髮型:Oscar Ngan@iiAlchemy(梁雍婷)

             場地:Ssal Bori Ssal

        黃柏高

        
■(左起)影壇新晉演員梁雍婷、黃定謙、陳健朗、韋羅莎和柯煒林,對演戲充滿熱誠,希望他們繼續努力,發揮得更好。
 ■(左起)影壇新晉演員梁雍婷、黃定謙、陳健朗、韋羅莎和柯煒林,對演戲充滿熱誠,希望他們繼續努力,發揮得更好。 
■柯煒林和黃定謙一齊合演電影《一級指控》。
 ■柯煒林和黃定謙一齊合演電影《一級指控》。 
■韋羅莎拍完電影《風林火山》覺得好玩又具挑戰性。
 ■韋羅莎拍完電影《風林火山》覺得好玩又具挑戰性。 
■陳健朗有份演出話題電影《中英街1號》。
 ■陳健朗有份演出話題電影《中英街1號》。 
■Paco一邊品嚐韓國美酒一邊與新演員細說演戲目標好enjoy。
 ■Paco一邊品嚐韓國美酒一邊與新演員細說演戲目標好enjoy。 
回應 (0)
我要發表
user

最新回應

Brian Chui
Brian Chui 2020/11/09

做得呢行,其實要食得好,先可以以更好嘅面貌示人,真係好admire你地成日有得係九龍城美食及餐廳指南入面揾到食啊

srinivas
srinivas 2020/10/19

Thanks for the best and i love it.

ghd sports

2020/10/11
islamicnuskhe
islamicnuskhe 2020/09/29

We Are Best Islamic Astrologer in The World with  35 Years of Experience. Solve Your All Life Problem With Us. Contact Our Molana Asif Ali Khan.