卸膊

2018/07/24 13:46:56 網誌分類: 講東講西
24 Jul

 

如此作事太草率

應藏秘密口中出

良心賤賣穿底價

有誰敢作爛頭卒

 

正當人人稱讚敢於去喐亨梗㒼族社嘅安全隊長是本城罕見嘅猛將時、那名向安全隊長提交禁止㒼族社活動報告嘅公人被評歌社起底、登時變成黃偽兵箭靶。喂、阿哥、打貪部都曉得以「密實、密實」來到確保提供資料者嘅人身安全。點解安全隊長會當眾揚人家嘅身份出來架?嗱、在翻看錄影帶時才發現、原來當日安全隊長公布考慮禁止㒼族社運作時爆響口、話明建議係由一名隸屬巡捕房嘅結社組助理提供的。對公家而言、類似舉動係前所未有過嘅。呢趟都可謂鑊鑊新鮮、鑊鑊甘咯!

 

呢嗱、開講都有話、先安內而後對外。如果連架忌冷都管唔掂、搞到人人怕得要死、個個遇事則膊嘅話、縱然再搞多幾次「大解」亦是徒勞。身為阿頭者、連承擔責任嘅能力都欠奉、試問焉能服眾?請回頭看看、當年那位雖是女流之輩嘅過氣安全隊長係幾咁勇於承擔、係幾咁受到各個部隊嘅尊重和信賴?何解今日雄姿斗斗嘅男性安全隊長竟然會係一隻弱雞嚟?試問一名只懂推則閃避卸嘅人、馮啥去要求下屬做好份工?唔怪得成條「南亞黑村」擺係度㧻眼㧻鼻都冇人去敢動之毫厘啦!再講、公家係難民都收、但配套欠奉。即使難民變成爛仔、並且每天都在城中犯案、趨勢更加係日益嚴重、但係嗰班乜長物長只係投訴接受、態度照舊、關人隱事等支薪。從前公家都曉得造幾個難民營出來好好管理班安南難民、但今日居然眼光光睇住南亞爛仔危害我們的社會安全仍然無動於衷。照咁睇嚟、今次全城街坊都遇上老千了!

 

回應 (2)
我要發表
2018/07/25 14:36:15 回覆

對於狀師行來講、難民是一門購大錢嘅生意嚟。反派當然要以維護架忌冷利益為上、支持無限制接收難民啦!

2018/07/25 13:30:36 回覆

果班口口聲聲要民主的....,

點解唔學民主第一的美國對待難民呢!!!? 就變得無問題啦!

user